يوحنا 8:19 - ثريفيث 2020

¹⁹ نَّان-اَس: "مَانِي يدْجَا بَابَاش؟" ينَّا-ٱسن عِيْسَى: "كنِّيو وَار ذَايِي ثسِّينم شَا، وَار ثسِّينم ؤُڒَا ذ بَابَا. مَعْلِيك ذَايِي ثسّْنم اَذ تيڒِي ثسّْنم ؤُڒَا ذ بَابَا."

يوحنا 8:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25

ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

يوحنا 1:10

نُّوْر نِّي تُوْغَا ئِدْجَا ذِي دُّنشْت. وَاخَّا ذ نتَّا إِݣ يݣِّين دُّنشْت، أَيثْبَاب ن دُّنشْت وَار ث سِّينن شَا.

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 15:21

نِثْنِي تݣّن-اَوم مَانَايَا مَارَّا خ سَّبَاب ن يِيسم ينُو مِينْزِي وَار سِّينن شَا ونِّي إِي ذَايِي د يسّكّن.

يوحنا 16:3

نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

يوحنا 7:28

ئِكَّر عِيْسَى يتْخَاطَاب س جّْهذ ذِي ثمْزِيذَا ثَمقّْرَانْت ن أَيث-إِسْرَائِيل يسڒْمَاذ-يثن يقَّار-اَسن: "مَا ذ صَّح ثسّْنم-اَيِي مَانِيس نش، نِغ مِين عْنِيغ؟ وَار د ؤُسِيغ شَا س يِيخف ينُو لَّا. ونِّي ذَايِي د يسّكّن غَارس لْحَقِيقَا! كنِّيو وَار ث ثسِّينم شَا.

1 أيث-كورينث 15:34

أَرّم-د ڒْبَاڒ نْوم، وَار عصَّاث شَا. قَّارغ-اَوم مَانَايَا بَاش اَذ تْسذْحَام مِينْزِي ڒبْعَاض زَّايْوم ذَايْسن ڒقْفَاڒث خ أَربِّـي.

أيث-ݣلاطيا 4:9

وَلَكِن ڒخُّو كنِّيو ثسّْنم أَربِّـي، يعْنِي نتَّا إِي كنِّيو يسّْنن. مَامّش تݣّم عَاوذ ثْذوَّاڒم غَار لْقَوَانِين يقْذِيمن نِّي يتضْعِيفن وَار يتجْهِيذن شَا؟ مَا ثخْسم اَغَارْسن ثْذوْڒم ذ يسمْغَان عَاوذ نِغ؟

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

أيث-كولوس 1:15

مِّيس نتَّا ذ صِّفث ن أَربِّـي ونِّي وَار نْزمَّر شَا نشِّين اَث نْࢲر. نتَّا ذ اَمنْزُو يحكّم خ قَاع مِين د يتْوَاخڒْقن.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

1 يوحنا 2:23

ونِّي غَا ينْكَرن مِّيس اَتَاف وَار غَارس يتِيڒِي شَا بَابَاس. ونِّي إِي غَا يقبْڒن مِّيس اَتَاف اَغَارس يِيڒِي بَابَاس.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.