يوحنا 8:14 - ثريفيث 2020

¹⁴ ئِنْدق-د عِيْسَى ينَّا-ٱسن: "لَّا، وَاخَّا نش شهّْذغ خ يِيخف ينُو، شْهَاذث ينُو نِيشَان مِينْزِي نش سّْنغ مَانِيس إِي د ؤُسِيغ ذ مَانِي غَا رَاحغ. وَلَكِن كنِّيو وَار ثسِّينم شَا مَانِيس د ؤُسِيغ نِغ مَانِي غَا رَاحغ.

يوحنا 8:14 ပူးပေါင်းရင်းမြစ်များ

يوحنا 10:36

مَا ثقَّارم إِ ونِّي يخْضَر بَابَا يسّكّ-يث-يذ غَار دُّنشْت شك ثنِّيذ لْبُهْتَان خ أَربِّـي مِينْزِي نِّيغ نش ذ مِّيس ن أَربِّـي؟

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 14:10

مَا وَار تِيمْنذ شَا بلِّي نش اَقَايِي ذِي بَابَا، بَابَا اَقَاث ذَايِي؟ أَوَاڒن إِي ذَاوم قَّارغ وَار ثن قَّارغ شَا نش، ذ بَابَا إِي ذَايِي إِي ثن يقَّارن. نتَّا يخدّم ڒخْذَايم نّس.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 17:8

مِينْزِي نش سِّيوْضغ-اَسَن اَوَاڒ إِي ذَايِي ثُوْشِيذ، نِثْنِي قبْڒن-ث. سّْنن ذ صَّح بلِّي نش زِي غَارك إِي د ؤُسِيغ، ؤُمْنن عَاوذ بلِّي ذ شك إِي ذَايِي د يسّكّن.

يوحنا 18:37

ينَّا-ٱس بِيلَاطُوْس: "زَعْمَا، شك ذ اَزدْجِيذ؟" ينَّا-ٱس عِيْسَى: "ثنِّيذ شك نش ذ اَزدْجِيذ. نش خڒْقغ-د ؤُسِيغ-د غَار دُّنشْت-أَ حمَا اَذ شهْذغ إِ لْحَقِيقَا. مَارَّا ونِّي يدْجَان زِي لْحَقِيقَا اَذ يذْفَار اَوَاڒ ينُو."

يوحنا 5:31

"مَعْلِيك شهْذغ خ يِيخف ينُو، إِڒِي شْهَاذث ينُو وَار ثدْجِي بُو نِيشَان.

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.

22 أيث-كورينث 11:31

ونِّي يتْوَابَرْكن إِ ڒبْدَا يعْنِي أَربِّـي بَابَاس ن سِيذِيثْنغ عِيْسَى، ئِسّن إِلَّا نش قَّارغ لْحَقِيقَا.

22 أيث-كورينث 12:11

عَاذ سَّاوَاڒغ س ثُوْبُّوْهْڒِيَا-يَا زَعْمَا، ذ كنِّيو إِي خَافِي يبزّن اَمُّو. شُوْف، تُوْغَا يتْخصَّا-كنِّيو اَذَايِي ثْشكَرم، مَايمِّي؟ لِأَنَّا نش وَاخَّا ذ وَالُو إِي دْجِيغ، وَار دْجِيغ بُو ذ اَنقْصِي زِي اَرُّسُل نِّي يمزْوُوْرَا.

22 أيث-كورينث 12:19

مشْحَاڒ زݣ وَامِي ثْنوَّام زَعْمَا نْدَافع خ يِيخف نّغ زَّاثْوم وَاهَا؟ لَّا آي يمْعِيزّن ينُو، نسَّاوَاڒ مَارَّا مَانَايَا ذِي لْمَسِيح زَّاث إِ أَربِّـي بَاش اَكنِّيو نْسجْهذ.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 3:14

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن لَاوْدُكْيَا، إِنِي-يَاس قَا ونِّي ؤُمِي قَّارن آمِين، نتَّا ذ شَّاهذ ذَايس ڒَامَان ذَايس ڒْحَقّ، زَّايس إِي د يخْڒق أَربِّـي مَارَّا، ئِقَّار-اَش: