يوحنا 8:12 - ثريفيث 2020

¹² ئِسِّيوڒ غَارْسن عَاوذ عِيْسَى ينَّا-ٱسن: "نش ذ نُّوْر ن دُّنشْت. ونِّي ذَايِي غَا يذْفَارن عمَّارْص اَذ يُوْيُوْر ذِي ثَادْجسْت، أَغَارس يِيڒِي نُّوْر ن ثُوْذَارْث."

يوحنا 8:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:14

كنِّيو ذ ثْفَاوث ن دُّنشْت. ئِجّن ن ثنْدِينْت إِي يدْجَان خ وذْرَار وَار ثْزمَّر اَذ تقِّيم ثْنُوْفَّر.

لوقا 2:32

نتَّا ذ يجّن ن نُّوْر إِي ثسْمظْهَارذ إِ ڒݣْنُوْس، نتَّا ذ يجّن ن لْعَظَمَا ن شَّعْب نّش ن أَيْث-إِسْرَائِيل."

يوحنا 12:35

ينَّا-ٱسن عِيْسَى: "ذْرُوْسْت ن ڒْوقْث إِي كِذْوم يتِيڒِي نُّوْر. ؤُيُوْرم مَدَامَا عَاذ غَارْوم نُّوْر-أَ حمَا وَار خَاوم د ثْحَرّث ثَادْجسْت. ونِّي يݣُّوْرن ذِي ثَادْجسْت وَار يسِّين مَانِي يݣُّوْر.

يوحنا 12:36

خْمِي عَاذ غَارْوم نُّوْر، أَمْنث زِي نُّوْر-أَ حمَا كنِّيو اَذ تْذوْڒم ذ ثَارْوَا ن نُّوْر." وَامِي ينَّا مَانَايَا عِيْسَى يُوْيُوْر ينُّوْفَّر زَّايسن.

يوحنا 12:46

ؤُسِيغ-د غَار دُّنشْت-أَ ذ نُّوْر حمَا ونِّي إِي زَّايِي يُوْمْنن وَار يتْغِيمِي شَا ذِي ثَادْجسْت.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 3:19

ذ وَا ذ لْحُكم إِي خَاس غَا يِيڒِين: نُّوْر يُوْسَا-د غَار يِوْذَان، ئِوْذَان خْسن ثَادْجسْت حْسن زِي نُّوْر مِينْزِي تݣّن شَّرّْ.

يوحنا 7:17

ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

يوحنا 9:5

مَدَامَا عَاذ دْجِيغ ذِي دُّنشْت، نش ذ نُّوْر ن دُّنشْت."

ڒخذايم 13:47

لِأَنَّا سِيذِي أَربِّـي يوصَّا-يَانغ ينَّا-ٱنغ: <أَرِّيغ-شك ذ ثْفَاوْث إِ مَارَّا ڒݣْنُوْس، حمَا يوْذَان اَذ نجْمن حتَّا اَڒ طَّارف ن دُّنشْت.>"

ڒخذايم 26:23

يعْنِي، لْمَسِيح وَا لَابُد اَذ يتْوَاعدّب اَذ يبشَّر لْأُمَّا نّغ س نُّوْر ذ مَارَّا يِنِّي وَار يدْجِين شَا زِي أَيث-إِسْرَائِيل لِأَنَّا ذ نتَّا إِي د غَا يكَّرن ذ اَمزْوَارُو زِي ڒْموْث."

2 بطرس 2:17

ئِثَرَّاسن-أَ نِثْنِي ذ ڒَعْنَاصڒ بْڒَا يَامَان ذ ثَايُّوْث إِي ثْندّه لْعَصِيفَا وَاهَا. نِثْنِي ثتْوَاسّوْجذ-اَسن يجّن ن ثَادْجسْت ذ ثَبرْشَانْت اَطَّاس.

2 بطرس 2:4

إِيوَا شُوْف، قَا أَربِّـي وَار يحِنّ شَا خ لْمَلَائِكَاث وَامِي ث عْصَانْت، ئِرُوْح يقنّ-يثنْت س سْنَاسڒ ينْضَر-يثنْت ذݣ يِجّن ن ثَادْجسْت ذ ثَبرْشَانْت ذِي لْأَخِيرَا مَانِي غَا رَاجَانْت يُوْم لْحِسَاب ذ لْعِقَاب.

1 يوحنا 1:6

مڒَا نقَّار قَا نشِّين نْتمْعَاشَر اَكِذس وَلَكِن نݣُّوْر ذݣ وبْرِيذ ن ثَادْجسْت اَتَاف نسْخَرِّيق وَاهَا وَار نسْخدِّيم شَا لْحَقِيقَا.

ثبرات زي يهوذا 1:13

نِثْنِي ݣِّين اَم ڒمْوَاج ن ڒبْحَر شَّاثنْت س ڒفْضِيحث ن ؤُكُوْفُّو نْسنْت. نِثْنِي ݣِّين اَم شَان يثْرَان يفّْغن زݣ ؤُمْشَان نْسن ݣُّوْرن غَار يِجّن ن ثَادْجسْت ذ ثَبرْشَانْت إِݣ يتْوَاسْوجْذن إِ ڒبْدَا ن ڒبْدَاث.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 21:24

أَذ ؤُيُوْرن ڒݣْنُوْس ذِي ثْفَاوْث نّس، قَا يزدْجِيذن ن ثْمُوْرْث اَذ سِيذْفن لْهِمَّا نْسن ذِي ثنْدِينْت-أَ.