5 أَيثْمَاس س يِيخف نْسن وَار ؤُمِينن شَا زِي عِيْسَى.
عَاذ يسَّاوَاڒ عِيْسَى اَك ڒْغَاشِي وَامِي غَارس د تُوْسَا يمَّاس ذ أَيثْمَاس، بدّن بَارَّا إِ ثدَّارْث رزُّوْن اَكِذس سِّيوْڒن.
وَامِي سْڒِين ڒحْبَاب نّس خ مَانَايَا، ؤُسِين-د حمَا اَث اَوِين اَكِذْسن نَّان قَا يرُوْح-اَس ڒَعْقڒ.
وَلَكِن وَامِي ݣَعّْذن اَيثْمَاس غَار ڒْعِيذ، منْبَعْد يݣَعّذ ؤُڒَا ذ نتَّا. يݣَّا اَخمِي ينُّوْفَّر، وَار د يسْمظْهَار شَا يخف نّس.
نَّان-اَس أَيثْمَاس زݣ يمَّاس: "ؤُيُوْر سَّانِيتَا، رُوْح غَار ثْمُوْرْث ن يَهُوْذِيَا حمَا ؤُڒَا ذ يمحْضَارن نّش اَذ ࢲْرن مَان ڒخْذَايم إِي ثْخدّْمذ.
وَار يدْجِي حَدّ يخدّم شَان ثْمسْڒَايْث س ثْنُوْفْرَا مڒَا يرزُّو اَث سّْنن. مڒَا تݣّذ ثِمسْڒَايِين-أَ، سْمظْهَار-د يخف نّش إِ دُّنشْت."
