يوحنا 7:33 - ثريفيث 2020

³³ ينَّا عِيْسَى: "نش اَكِذْوم قِّيمغ ذْرُوْسْت ن ڒْوقْث، سّنِّي اَذ عقْبغ غَار ونِّي ذَايِي د يسّكّن.

يوحنا 7:33 ပူးပေါင်းရင်းမြစ်များ

مرقس 16:19

ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 13:33

آ ثَارْوَا ينُو، ثقِّيم ذْرُوْسْت ن ڒْوقْث بَاش اَذ يڒِيغ اَكِذْوم. أَخَافِي ثْرزُّوْم. مِين نِّيغ نش إِ يسْرَائِيلِيْين اَذَاوم ت ينِيغ ڒخُّو إِ كنِّيو: مَانِي غَا رَاحغ نش، وَار ثْزمَّرم شَا اَذ د تَاسم ذِنِّي.

يوحنا 14:12

أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

يوحنا 14:19

شْوِيت ن ڒْوقث إِݣ يقِّيمن وَار ذَايِي ثْࢲرّ شَا دُّنشْت-أَ، وَلَكِن كنِّيو اَذَايِي ثࢲرم. وَامِي نش دَّرغ، ؤُڒَا ذ كنِّيو اَذ تدَّرم.

يوحنا 14:28

ثسْڒَام قَا نِّيغ-اَوم: نش اَذ ؤُيُوْرغ، أَذ د عقْبغ غَارْوم. مڒَا ثْحِبِّيم-اَيِي، أَتَاف كنِّيو اَذ تْفَرْحم بلِّي اَذ رَاحغ غَار بَابَا مِينْزِي بَابَا ذ اَمقّْرَان خَافِي.

يوحنا 16:10

غَلْطن خ مِين يصڒْحَان مِينْزِي ݣُّوْرغ غَار بَابَا، وَار ذَايِي ثْࢲرّم شَا زِي سَّا ٱڒ ثْسَاونْت.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 16:5

ڒخُّو نش اَذ رَاحغ غَار ونِّي إِي ذَايِي د يسّكّن، وَلَكِن كنِّيو ؤُڒَا ذ يجّن زَّايْوم وَار ذَايِي يسّقْسِي مَانِي غَا رَاحغ.

يوحنا 17:11

وَار تْغِيمِيغ شَا نش ذِي دُّنشْت، أَذ قِّيمن نِثْنِي ذَايس أُو نش ݣُّوْرغ-د غَارش. آ بَابَا اَمْقدّس، حْضَا-ثن س يِيسم نّش إِي ذَايِي ثُوْشِيذ حمَا اَذ يڒِين ذ يجّن اَم نشِّين.

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 20:17

ينَّا-ٱس عِيْسَى: "وَار ذَايِي تطّف شَا، قَا نش عَاذ وَار ݣَعّْذغ شَا غَار بَابَا. رُوْح غَار اَيثْمَا ينُو، إِن-اَسن قَا نش اَذ ݣَعّْذغ غَار بَابَا ذ بَابَاثْوم، غَار أَربِّـي ينُو ذ أَربِّـي نْوم."

يوحنا 9:4

خْمِي يتِيڒِي ذ نْهَار، ئِتْخصَّا-يَانغ أَ نخْذم ڒخْذَايم ن ونِّي إِي ذَايِي د يسّكّن. خْمِي د تَاوض دْجِيڒث، وَار يزمَّر ؤُڒَا ذ يجّن اَذ يخْذم.