يوحنا 7:32 - ثريفيث 2020

³² أَرِّين-د ڒخْبَار يفَرِّيسيْين بلِّي ڒْغَاشِي تْوشْوِيشن خَاس خ ثْمسْڒَايِين نِّي. أُوْشَا كَّرن اَرُّوْيَاس ن ڒْفُقَاهَا ذ يفَرِّيسيْين سّكّن يعسَّاسن بَاش اَث طّْفن.

يوحنا 7:32 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:14

فّْغن يِوْذَان ن ڒْحِزب ن يفَرِّيسِيْين شِيطّْنن جَارَاسن مَامّش غَا ݣّن اَذ نْغن عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:58

ئِذْفَار-يث بُطْرُس زِي ڒݣّْوَاج، يُوْذف غَار ڒمْرَاح ن ثدَّارْث ن اَرَّايس ن ڒْفُقَهَا. يُوْذف يقِّيم ذِي ڒمْرَاح اَك يعسَّاسن حمَا اَذ يࢲر مِين غَا يوقْعن.

يوحنا 11:46

وَلَكِن ينّغْنِي رُوْحن غَار يفَرِّيسيْين نَّان-اَسن مِين يݣّا.

يوحنا 12:19

نَّان يفَرِّيسيْين جَارَاسن: "أَقَا تْوَاڒَام وَار ثُوْوِّيضم غَار وَالُو! دُّنشْت مَارَّا ثْذفَّار-يث."

يوحنا 18:3

صَافِي، يُوْسَا-د يَهُوْذَا غَار جَرْدَا نِّي يُوْوِي-د اَكِذس ڒْعَسْكَار، تْوَاسّكّن اَكِذس عَاوذ شَان ن يعسَّاسن زݣ يفَرِّيسِيْين أُو زِي اَرُّوْيَاس ن ڒْفُقَهَا. ؤُسِين-د س ڒفْنَارَاث ذ يصْفضَاون ذ ڒسْنَاح.

يوحنا 7:30

ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

ڒخذايم 5:26

ڒخْدّنِّي يرُوْح ومقّْرَان نِّي ن يعسَّاسن اَك يمْخَازْنِيْين نّس ؤُوِين-د اَرُّسُل بڒَا لْعُنْف مِينْزِي ݣّْوْذن زِي شَّعب اَثن رجْمن س وزْرُو.