يوحنا 7:31 - ثريفيث 2020

³¹ إِنَّمَا، اَطَّاس زِي ڒْغَاشِي نِّي ؤُمْنن زَّايس. نَّان: "مَا ٱذ د يَاس عَاذ شَا ن لْمَسِيح اَذ يݣّ لْمُعْجِيزَاث كْتَار زِي ثِيْنَا يتݣّ وَانِيتَا؟"

يوحنا 7:31 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:23

قِّيمن ڒْغَاشِي نِّي تْعجّْبن مَارَّا نَّان: "مَاشِي ذ وَانِيتَا إِݣ يدْجَان ذ مِّيس ن دَاود نِغ؟"

لوقا 8:13

زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي، قبْڒن-ث س ڒفْرَاحث. وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. تَامْنن زَّايس غِير ذݣ يِجّن ن ڒْوقْث وَاهَا، ذِي ڒْوقْث ن ڒمْحَاين ذغْيَا تفّْغن اَبْرِيذ.

يوحنا 11:45

أَطَّاس ن يسْرَائِيلِيْين إِي د يُوْسِين غَار مَرْيَم ࢲْرِين مِين يݣّا عِيْسَى ؤُمْنن زَّايس.

يوحنا 12:11

مَايمِّي؟ ڒَاحقَّاش نتَّا ذ سَّبَاب مِينْزِي تْبعَّاذن خَاسن اَطَّاس ن يسْرَائِيلِيْين تَامْنن زِي عِيْسَى.

يوحنا 12:42

إِنَّمَا، يوْذَان اَطَّاس وَاخَّا زِي اَرُّوْيَاس نِّي ؤُمْنن زَّايس. وَلَكِن خ سَّبَاب ن يفَرِّيسِيْين ؤُݣِين يِوْذَان-أَ اَت ينِين حمَا وَار ثن طرْدن شَا زِي ثمْزِيذَا.

يوحنا 2:11

ثَانِيتَا ذ لْمُعْجِيزَا ثَمزْوَارُوْت إِݣ يݣّا عِيْسَى. ئِݣِّي-ت ذݣ وبِيلَاج نْ قَانَا ذِي ثْمُوْرْث ن لْجَالِيل. ئِسْمظْهَار-د لْعَظَمَا نّس، ؤُمْنن زَّايس يمحْضَارن نّس.

يوحنا 3:2

يُوْسَا-د غَار عِيْسَى س دْجِيڒث ينَّا-ٱس: "آ لْمُعَلِّم، نشِّين نسّن بلِّي شك ذ اَمْسڒْمَاذ إِي د يُوْسِين زِي أَربِّـي. وَار يزمَّر ؤُڒَا ذ يجّن اَذ يݣّ شَان لْمُعْجِيزَاث زِي مِين تݣّذ شك إِلَّا مڒَا كِذس أَربِّـي."

يوحنا 4:29

"أَرَاحم-د اَذ تࢲرم يجّن ن ورْيَاز ينَّا-ٱيِي مَارَّا مِين ݣِّيغ. يمْكن ذ لمَسِيح نِغ؟"

يوحنا 4:39

أَطَّاس ن يِوْذَان زِي جِّهث ن سَمَارْيَا ؤُمْنن زِي عِيْسَى وَامِي ثشْهذ ثمْغَارْث نِّي ثنَّا-ٱسن قَا ينَّا-ٱيِي مَارَّا مِين ݣِّيغ.

يوحنا 6:2

ذْفَارن-ث اَطَّاس ن يِوْذَان وَامِي ࢲْرِين لْمُعْجِيزَاث نِّي وَامِي يسْݣنْفَا يمهْڒَاش.

يوحنا 7:26

إِيوَا خْزَرث، ئِسَّاوَاڒ بْڒَا مَا ٱذ يسْنُوْفَّر يخف نّس، وَار ذَاس قَّارن وَالُو. يمْكن سّْنن اَرُّوْيَاس بلِّي ذ وَانِيتَا يدْجَان ذ لْمَسِيح؟

يوحنا 9:16

نَّان ڒبْعَاض ن يفَرِّيسِيْين نِّي: "بْنَاذم نِّي وَار يدْجِي شَا زِي أَربِّـي مِينْزِي وَار يوقَّار شَا نْهَار ن لْعِبَادَا." وَلَكِن ڒبْعَاض نّغْنِي نَّان: "لَّا، مَامّش بْنَاذم ذ لْعَاصِي زَعْمَا اَذ يݣّ لْمُعْجِيزَاث-أَ؟" خ مَانَايَا يوْقع لْخِلَاف جَارَاسن.

ڒخذايم 8:13

سِمْعَان نتَّا س يِيخْف نّس يُوْمن يتْوَاطهَّار س وَامَان. ئِمُوْن اَك فِيلِيپَّـاس يتْعجّب سِمْعَان وَامِي يࢲْرَا لْمُعْجِزَاث ذ لْبُرْهَانَاث ذ ثِمقّْرَانِين إِݣ يتوْقِيعن.

ثبرات غار يعقوب 2:26

شُوْف، دَّات ن بْنَاذم بْڒَا بُوْحْبڒ ثمُّوث، أَمنِّي لْإِيمَان بْڒَا ڒخْذَايم يمُّوْث.