يوحنا 7:30 - ثريفيث 2020

³⁰ ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

يوحنا 7:30 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:14

فّْغن يِوْذَان ن ڒْحِزب ن يفَرِّيسِيْين شِيطّْنن جَارَاسن مَامّش غَا ݣّن اَذ نْغن عِيْسَى.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:46

رزُّوْن اَث طّْفن، وَلَكِن ݣّْوْذن زِي شَّعْب مِينْزِي تْوَاڒَان عِيْسَى ذ نَّبِي.

مرقس 11:18

سْڒِين-اَس اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، بْذَان تْفكَّرن مَامّش ث غَا نْغن. ݣّْوْذن زَّايس وَامِي مَاَّرا ڒْغَاشِي قِّيمن ذهّْشن س وسڒْمذ نّس.

لوقا 20:19

ڒخْدّنِّي يمْسڒْمَاذن ن شَّرِيعَا ذ اَرُّوْيَاس ن ڒْفُقَهَا رزُّوْن اَذ طّْفن عِيْسَى، فهْمن بلِّي يسَّاوَاڒ خَاسن س ڒْمَعْنَا-يَا وَلَكِن ݣّْوْذن زِي شَّعْب.

لوقا 22:53

تُوْغَا تْغِيمِيغ اَكِذْوم مْكُڒ نْهَار ذِي ثمْزِيذَا ثَمقّْرَانْت، وَار ذَايِي ثطِّيفم شَا. وَلَكِن ڒخُّو ذ ثْسَعَّات نْوم ذ جّْهذ ن ثَادْجسْث."

يوحنا 10:31

ئِسْرَائِيلِيْين نِّي يْسِين-د عَاوذ يزْرَا اَث رجْمن.

يوحنا 10:39

رزُّوْن اَث طّْفن وَلَكِن ينُوْفْسڒ-اَسن جَار يفَاسّن نْسن.

يوحنا 11:57

أَرُّوْيَاس ن ڒْفُقَهَا ذ يفَرِّيسيْين وصَّان ونِّي إِي غَا يࢲرن مَانِي يدْجَا عِيْسَى، أَسن ت يِينِي بَاش اَذ رَاحن اَث طّْفن.

يوحنا 7:19

ذ مُوْسَى إِي ذَاوم يُوْشِين شَّرِيعَا، نِغ؟ وَلَكِن ؤُڒَا ذ يجّن زَّايْوم مَا يتݣّ زِي شَّرِيعَا نِّي. إِيوَا، مَايمِّي ثخْسم اَذَايِي ثنْغم؟"

يوحنا 7:32

أَرِّين-د ڒخْبَار يفَرِّيسيْين بلِّي ڒْغَاشِي تْوشْوِيشن خَاس خ ثْمسْڒَايِين نِّي. أُوْشَا كَّرن اَرُّوْيَاس ن ڒْفُقَاهَا ذ يفَرِّيسيْين سّكّن يعسَّاسن بَاش اَث طّْفن.

يوحنا 7:6

ينَّا-ٱسن عِيْسَى: "ڒْوقْث ينُو عَاذ وَار د تُوْوِيض شَا حمَا اَذ رَاحغ، وَلَكِن كنِّيو اَذ تْرَاحم ذِي اَيِّي ڒْوقْث.

يوحنا 7:8

ݣَعّْذث كنِّيو غَار ڒْعِيذ، نش وَار تْݣَعِّيذغ شَا غَار ڒْعِيذ-أَ مِينْزِي ڒْوقْث ينُو عَاذ وَار د تُوْوِيض."

يوحنا 8:20

ينَّا اَوَاڒ-أَ ذِي ثمْزِيذَا ثَمقّْرَانْت نْسن مَانِي جمّْعن صَّدَقَا، ئِسڒْمَاذ ذِنِّي. وَار ث يطِّيف ؤُڒَا ذ يجّن مِينْزِي ڒْوقْث نّس عَاذ وَار د تُوْوِيض.

يوحنا 8:37

نش سّْنغ قَا كنِّيو ذ دُّوْرِّيث ن بْرَاهِيم. إِنَّمَا، كنِّيو ثْرزُّوْم اَذَايِي ثنْغم مِينْزِي اَوَاڒ ينُو وَار ث ثقْبِيڒم شَا.

يوحنا 8:59

كَّرن يسْرَائِيلِيْين نِّي يْسِين يزْرَا حمَا اَث رجْمن، وَلَكِن عِيْسَى ينسْڒث يفّغ زِي ثمْزِيذَا ثَمقّْرَانْت.

يوحنا 9:4

خْمِي يتِيڒِي ذ نْهَار، ئِتْخصَّا-يَانغ أَ نخْذم ڒخْذَايم ن ونِّي إِي ذَايِي د يسّكّن. خْمِي د تَاوض دْجِيڒث، وَار يزمَّر ؤُڒَا ذ يجّن اَذ يخْذم.