يوحنا 7:17 - ثريفيث 2020

¹⁷ ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

يوحنا 7:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:22

ثِيطَّاوِين اَم ثْفَاوْث إِ ثُوْذَارْث نّش. مڒَا غَارك ثِيطَّاوِين صحَّانْت، أَتَاف اَغَارك ثِيڒِي ثْفَاوْث مَارَّا ذِي ثُوْذَارْث نّش.

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

يوحنا 3:21

ونِّي يخدّْمن نِيشَان اَذ د يَاس غَار نُّوْر. أَمُّو اَذ د يبَان بلِّي ڒخْذَايم نّس يتݣّ-يثنْت إِ أَربِّـي.

يوحنا 8:43

مَايمِّي وَار ثفْهِيمم شَا إِ مِين ذَاوم قَّارغ؟ ڒَاحقَّاش وَار ثْزمَّرم شَا اَذ تْقبْڒم اَوَاڒ ينُو.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

يوحنا 8:47

ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.