يوحنا 6:63 - ثريفيث 2020

⁶³ أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

يوحنا 6:63 ပူးပေါင်းရင်းမြစ်များ

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

ڒخذايم 5:20

"رُوْحم بدّث ذِي ثمْزِيذَا ثَمقّْرَانْت، حدّْثم إِ يِوْذَان س مَارَّا اَوَاڒن ن ثُوْذَارْث-أَ ن جْذِيذ."

أيث-روما 10:17

فَلِهَذَا، لإِيمَان يتَاس-د زِي مِين نتْسْڒَا، أُو مِين نْتسْڒَا نتَّا ذ اَوَاڒ ن لْمَسِيح.

أيث-روما 2:25

شك مڒَا ثْخدّْمذ س مِين ذَايس ذِي شَّرِيعَا، أَتَاف طَّهَارث نّش اَذ تِيڒِي غَارس اَرْبح. وَلَكِن مڒَا ثْعصِّيذ شَّرِيعَا، أَتَاف اَذ تِيڒِيذ اَخْمِي وَار ثݣِّيذ شَا طَّهَارث.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

أيث-ݣلاطيا 5:25

مڒَا نتْعِيش س أَرُّوْح يقدّْسن، أَتَاف لَابُد أَ نُوْيُوْر س ڒْخَاضَر نّس.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

يعيبرانيين 4:12

أَقَا اَوَاڒ ن أَربِّـي يدَّر نتَّا يفْسُوْس، ئِقْضع اَطَّاس كْتَار زِي سِّيف ن ثْنَاين ن جِّهَاث. ئِتَاذف اَڒ ذَاخڒ يفرّق بُوْحْبڒ ذ اَرُّوْح ذ مَانِي تْمُوْنن ڒمْفَاسڒ، ئِتَاذف غَار وَاذُوْف. ئِتْميَّاز جَار لْأَفْكَار ذ لْأَغْرَاض ن وُوْڒ.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.