59 مَانَايَا ينَّا-ث عِيْسَى ذِي ثمْزِيذَا وَامِي تُوْغَا يسڒْمَاذ ذݣ وبِيلَاج ن كَفرْنَاحُوْم.
ئِݣُّوْر عِيْسَى ذِي لْإِقْلِيم ن لْجَلِيل مَارَّا، ئِسڒْمَاذ ذِي ثمْزِيذَاوِين ن أَيث-إِسْرَائِيل يتْبشَّر-يثن س لْإِنْجِيل ن ڒْمُلْك ن أَربِّـي يسْݣنْفَا مَارَّا ڒهْڒَاشَاث ذ دِّعَان ن دَّات ذݣ يِوْذَان.
ئِرُوْح عِيْسَى غَار وبِيلَاج ن كَفرْنَاحُوم إِݣ يدْجَان ذِي ثْمُوْرْث ن لْجَلِيل، ئِبْذَا يسڒْمَاذ يوْذَان ذِنِّي ذِي نْهَار ن لْعِبَادَا نْسن كُڒ سّبْث.
ينَّا-ٱس عِيْسَى: "تْبشَّارغ زَّاث إِ يِوْذَان، سْڒْمَاذغ-ثن ڒبْدَا ذِي ثمْزِيذَاوِين ؤُڒَا ذِي ثمْزِيذَا ثَمقّْرَانْت مَانِي تْمُوْنن يسْرَائِيلِيْين مَارَّا. وَار سِّيوِيڒغ وَالُو س ثنُوْفْرَا.
نْيِين ذِي ثْغَرَّابُوْت رَاحن اَذ قضْعن ڒبْحَر غَار وبِيلَاج ن كَفرْنَاحُوْم. ثُوْوض-د دْجِيڒث أُو عِيْسَى نتَّا عَاذ وَار غَارْسن د يُوْسِي.
وَامِي ڒْغَاشِي نِّي وَار ࢲْرِين شَا عِيْسَى ذِنِّي ؤُڒَا ذ يمحْضَارن نّس، نْيِين ؤُڒَا ذ نِثْنِي ذِي ثْغَرُّوْبَا ؤُيُوْرن سّنِّي رُوْحن غَار كَفرْنَاحُوْم رزُّوْن خ عِيْسَى.