يوحنا 6:27 - ثريفيث 2020

²⁷ وَار خدّْمث شَا إِ ڒْمَكْلَا يخسَّرن، خذْمث إِ ڒْمَكْلَا يتْغِيمَان إِ ثُوْذَارْث ن ڒبْدَا. ذ ثَا ذ ڒْمَكْلَا ذَاوم غَا يُوْش مِّيس ن بْنَاذم مِينْزِي وَانِيتَا يضْبع-يث أَربِّـي بَابَاس س طَّابَع نّس."

يوحنا 6:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 3:17

سّنِّي يڒَاغَا-د يجّن ن صُّوْت زݣ وجنَّا ينَّا-د: "وَا ذ ممِّي يعِيزّن، نش فَرّْحغ زَّايس."

أَسڒْمذ ن سِيذِيثْنغ عِيْسَى لْكِتَاب ن مَتَّى 6:19

وَار سْنُوْفُّوْرث شَا ڒْكنْز نْوم ذِي دُّنشْت-أَ مَانِي يَرشَّا تتّنْت-ث ثْكشَّاوِين ذ مَانِي دْجَان يشفَّارن شَّاثن نْقَابث تَاشَارن-ث.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:20

ينَّا-ٱس عِيْسَى: "ؤُشَّانن غَارْسن يفْرَان نْسن، ئِجْضَاض غَارْسن ڒَعْوَاش نْسن، وَلَكِن مِّيس ن بْنَاذم وَار غَارس ؤُڒَا ذ مَانِي غَا يسُوْمّث اَزدْجِيف نّس."

مرقس 1:11

ذ يجّن ن ثْمِيجَّا زݣ وجنَّا ثقَّار: "شك ذ ممِّي يعِيزّن، نش فَرّْحغ زَّايَك."

مرقس 9:7

يُوْسَا-د يجّن ن وسيْنُو يهْوَا-د خَاسن. ثنْدق-د زَّايس يجّن ن ثْمِيجَّا ثنَّا-ٱسن: "قَا ذ وَانِيتَا ذ مِّي يعِيزّن، صنّْطث غَارس."

لوقا 3:22

يهْوَا-د أَرُّوْح يقدّْسن ذِي صِّفث ن ثذْبِيرْث يَرْسَا-د خ عِيْسَى. ذ يجّن ن ثْمِيجَّا زݣ وجنَّا ثقَّار-اَس قَا شك ذ ممِّي يعِيزّن، نش فَرّْحغ زَّايك.

لوقا 9:35

ثنْدق-د زَّايس يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي إِي يخْضَرغ، صنّْطث غَارس."

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 11:42

نش سّْنغ قَا شك ڒبْدَا تسْتَاجَابذ-اَيِي، وَلَكِن نش قَّارغ مَانَايَا عْلَاحْسَاب خ ڒْغَاشِي-يَا إِي ذَايِي د ينّْضن، حمَا اَذ اَمْنن بلِّي قَا ذ شك إِي ذَايِي د يسّكّن."

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 15:24

مَعْلِيك وَار خْذِيمغ اَكِذْسن لْمُعْجِيزَاث وَار ثنْت يخْذِيم ؤُڒَا ذ يجّن إِلَّا نش، أَتَاف وَار غَارْسن بُو ڒْمُعْصِيّث. وَلَكِن ڒخُّو نِثْنِي ࢲْرِين لْمُعْجِيزَاث ينُو عِيفّن-اَيِي نش ؤُڒَا ذ بَابَا.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

يوحنا 3:15

مَارَّا ونِّي زَّايس غَا يَامْنن اَغَارس ثِيڒِي ثُوْذَارْث إِ ڒبْدَا."

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 6:47

أَقَا تسْڒَام ڒْحَقّ: ونِّي إِي غَا يَامْنن اَغَارس ثِيڒِي ثُوْذَارْث ن ڒبْدَا.

يوحنا 6:51

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

يوحنا 6:53

ينَّا-ٱسن عِيْسَى: "أَقَا تسْڒَام ڒْحَقّ: مڒَا وَار ثشِّيم شَا دَّات ن مِّيس ن بْنَاذم وَار ثْسسّم شَا يذَامّن نّس، أَذ تِيڒِي وَار غَارْوم بُو ثُوْذَارْث ذݣ يِيخف نْوم."

يوحنا 6:54

ينَّا-ٱسن: "ونِّي غَا يشّن دَّات ينُو اَذ يسو يذَامّن ينُو، أَغَارس ثِيڒِي ثُوْذَارْث إِ ڒبْدَا نش اَثِيذ سكَّرغ ذِي نْهَار اَنݣَّارُو.

يوحنا 6:58

صَافِي، ذ وَانِيتَا ذ اَغْرُوْم إِي د يهْوَان زݣ وجنَّا. وَار يدْجِي شَا اَم ڒجْذُوْذ نْوم إِي شِّين اَغْرُوْم نِّي ؤُمِي قَّارن لْمَنَّا منْبَعْد مُّوْثن؛ لَّا، ونِّي غَا يشّن زݣ وغْرُوْم-أَ اَذ يدَّر إِ ڒبْدَا."

يوحنا 6:62

ئِي مڒَا ثࢲْرِيم مِّيس ن بْنَاذم يتْوَارْفع غَار مَانِي يقِّيم ذ اَمزْوَارُو؟

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

يوحنا 8:18

نش شهّْذغ خ يِيخف ينُو، أُو عَاوذ بَابَا إِي ذَايِي د يسّكّن يشهّذ خَافِي."

ڒخذايم 2:22

آي يرْيَازن ن أَيث-إِسْرَائِيل، صنّْطث إِ مِين ذَاوم غَا ينِيغ. عِيْسَى-يَا زِي نَاصِرَا مِين يعْنَا نتَّا؟ نتَّا ذ يجّن ن ورْيَاز يتْوَاظْهَار-د زِي أَربِّـي إِ كنِّيو س لْمُعْجِيزَاث ذ لْبُرْهَانَاث ذ لْعَلَامَاث إِݣ يݣَّا أَربِّـي خ وفُوْس ن عِيْسَى جَارَاوم مَامّش ثسّْنم.

أيث-روما 4:11

ثُمَّا طَّهَارث-أَ ثُوْسَا-ٱس-د ذ يجّن ن لْعَلَامَا ذ يجّن ن دَّلِيل بلِّي أَربِّـي يسمْصْڒَاح-يث اَكِذس س لإِيمَان نِّي إِي تُوْغَا ذَايس قْبڒ مَا ٱذ يطهَّار. مَايمِّي مَانَايَا؟ بَاش اَذ يِيڒِي بْرَاهِيم ذ جدِّيثْسن ن يِنِّي مَارَّا يتَامْنن وَاخَّا وَار ݣِّين شَا طَّهَارث، بَاش ؤُڒَا ذ يِنِّي اَثن يسمْصْڒَاح أَربِّـي اَكِذس.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

1 أيث-كورينث 6:13

أَذ يِينِي يجّن: "إِيوَا لْمَكْلَا ن وعدِّيس، أَعدِّيس ن لْمَكْلَا." وَلَكِن أَربِّـي اَثن يهْذم س ثْنَاين إِذْسن. دَّات مَاشِي ن لْفَسَاد، دَّات نتَّاث ن سِيذِيثْنغ. أُو سِيذِيثْنغ يتْذبَّر إِ دَّات.

1 أيث-كورينث 9:2

مڒَا وَار دْجِيغ ذ اَرَّسُوْل إِ شَان يِوْذَان نّغْنِي، أَتَاف إِ كنِّيو إِي غَا دْجِيغ ذ اَرَّسُوْل. لِأَنَّا كنِّيو ذ دَّلِيل يݣَّا-ٱيِي نش سِيذِيثْنغ ذ اَرَّسُوْل.

22 أيث-كورينث 4:18

وَار نسْرُوْسِي شَا ثِيطَّاوِين نّغ ذِي مِن نتْوَاڒَا، نْسْرُوْسَا-ثنْت ذِي مِن وَار نتْوِيڒِي شَا. لِأَنَّا مِن نتْوَاڒَا ذغْيَا يتْرَاح، مِن وَار نتْوِيڒِي شَا ذ ونِّي إِݣ يتْدُوْمَان إِ ڒبْدَا.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-كولوس 1:29

خ مَانَايَا نش خدّْمغ، تَاحْڒغ ذِي ڒْخذْمث-أَ س مَارَّا جّْهذ نِّي ن لْمَسِيح نتَّا يسْخدَّام-اَيِي س ثْزمَّار نّس.

أيث-كولوس 2:22

لْقَاوَنِين-أَ يِيْنَا سَّاوَاڒن خ شَان ثْمسْڒَايِين إِي غَا يفْنَان خْمِي غَا تْوَاشّنْت، نِثْنِي ذ لْقَوَانِين ذ وسڒْمذ ن يِوْذَان وَاهَا.

أيث-كولوس 3:2

رزُّوْث س وُوْڒَاون نْوم ثِمسْڒَايِين نِّي يدْجَان ذݣ وجنَّا، مَاشِي ثِنِّي ذِي ثْمُوْرْث.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

يعيبرانيين 12:16

أَرّم-د ڒْبَاڒ نْوم بَاش وَار يتݣّ شَان يِجّن زَّايْوم لْفَسَاد، نِغ شَان يِجّن وَار غَارس يتِيڒِي بُو أَربِّـي اَم عَسُو نِّي يرُوْح نتَّا يزّنْز ڒْحَقّ نّس زِي لْبَرَكَا ن بَابَاس خ يِجّن ن طّبْصِي ن لْمَكْلَا.

يعيبرانيين 4:11

إِذن وَا لَابُد أَ نݣّ لْمجْهُوْد نّغ بَاش أَ نَاذف ذِي اَرَّاحث نِّي حمَا ؤُڒَا ذ يجّن وَار يوطِّي ذِي نّفْس ن ڒْمُعْصِيّث.

ثبرات غار يعقوب 1:11

تْسُوْمَّار-د ثْفُوْشْت، س ڒحْمُو نّس يسّشْمَاضن ثْسَازَّاغ اَرْبِيع، ئِوطَّا نْوَار نّس يتْرَاح زِّين نّس. أَمُّو إِي ذَاس يتوْقِيع إِ تَّاجَر-أَ، نتَّا يتِيْسْرَاو اَخْمِي يخدّم شّْغڒ نّس.

1 بطرس 1:24

لِأَنَّا: <شَّان ن بْنَاذم مَارَّا، أَم نْوَار ن اَرْبِيع إِݣ يدْجَا. كُڒ بْنَاذم اَم اَرْبِيع نتَّا. أَقَا اَرْبِيع يتِيسْرَاو نْوَار نّس يوطَّا،

2 بطرس 1:17

ڒَاحقَّاش أَربِّـي بَابَاثْنغ يسمْغَار-يث يُوْشَا-ٱس لْعَظَمَا وَامِي غَارس د تنْطق ثْمِيجَّا نِّي زِي لْعَظَمَا يُوْعْڒَان ثنَّا-ٱنغ: قَا ذ وَانِيتَا ذ مِّي يعِيزّن، نش فَرْحغ زَّايس.