يوحنا 6:26 - ثريفيث 2020

²⁶ ينْدق-د عِيْسَى ينَّا-ٱسن: "أَقَا تسْڒَام ڒْحَقّ: كنِّيو ثْرزُّوْم خَافِي وَار يدْجِي بُو وَامِي ثࢲْرِيم لْمُعْجِيزَاث، كنِّيو ثْرزُّوْم خَافِي وَامِي ثشِّيم ثْجِّيوْنم اَغْرُوْم.

يوحنا 6:26 ပူးပေါင်းရင်းမြစ်များ

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 6:14

وَامِي ࢲْرِين لْمُعْجِيزَا نِّي إِي يݣّا، ئِوْذَان نَّان قَا ذ وَانِيتَا ذ نَّبي ذ صَّح تُوْغَا د غَا يَاسن اَذ يِيڒِي ذِي دُّنشْت-أَ.

يوحنا 6:15

يسّن عِيْسَى بلِّي رزُّوْن اَث اَرَّان ذ اَزدْجِيذ س بسِّيف. ئِكَّر يُوْيُوْر سّنِّي، ئِذْوڒ غَار يذُوْرَار وَاحْذس.

يوحنا 6:2

ذْفَارن-ث اَطَّاس ن يِوْذَان وَامِي ࢲْرِين لْمُعْجِيزَاث نِّي وَامِي يسْݣنْفَا يمهْڒَاش.

يوحنا 6:24

وَامِي ڒْغَاشِي نِّي وَار ࢲْرِين شَا عِيْسَى ذِنِّي ؤُڒَا ذ يمحْضَارن نّس، نْيِين ؤُڒَا ذ نِثْنِي ذِي ثْغَرُّوْبَا ؤُيُوْرن سّنِّي رُوْحن غَار كَفرْنَاحُوْم رزُّوْن خ عِيْسَى.

يوحنا 6:30

نَّان-اَس: "مَان لْعَلَامَا ثَمقّْرَانْت إِي غَا ثݣّذ اَت نْࢲر حمَا اَزَّايك نَامن؟ مِين غَا ثݣّذ؟

يوحنا 6:36

وَلَكِن نِّيغ-اَوم: وَاخَّا ثࢲْرِيم-اَيِي كنِّيو، وَار تِيمْنم شَا.

يوحنا 6:47

أَقَا تسْڒَام ڒْحَقّ: ونِّي إِي غَا يَامْنن اَغَارس ثِيڒِي ثُوْذَارْث ن ڒبْدَا.

يوحنا 6:53

ينَّا-ٱسن عِيْسَى: "أَقَا تسْڒَام ڒْحَقّ: مڒَا وَار ثشِّيم شَا دَّات ن مِّيس ن بْنَاذم وَار ثْسسّم شَا يذَامّن نّس، أَذ تِيڒِي وَار غَارْوم بُو ثُوْذَارْث ذݣ يِيخف نْوم."

يوحنا 6:64

وَلَكِن ذَايْوم يِنِّي وَار يتِيمْنن شَا." مِينْزِي عِيْسَى يسّن زݣ ومزْوَارُو يِنِّي ذَايْسن وَار يتِيمْنن شَا ذ ونِّي إِي ث غَا يزّنْزن.

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

أيث-فيليـپـي 2:21

مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.