يوحنا 5:39 - ثريفيث 2020

³⁹ ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

يوحنا 5:39 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:29

ئِنْدق-د عِيْسَى ينَّا-ٱسن: "كنِّيو ثخْضَام ڒَاحقَّاش وَار ثسِّينم شَا لْكِتَاب ؤُڒَا ذ جّْهذ ن أَربِّـي.

مرقس 10:3

ينَّا-ٱسن عِيْسَى: "مِينْخف كنِّيو يوصَّا مُوْسَى؟"

مرقس 12:10

مَا عمَّارْص وَار ثغْرِيم مين يُوْرِين ذي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.

لوقا 16:29

ينَّا-ٱس بْرَاهِيم: لَّا، أَيثْمَاش غَارْسن مُوْسَى ذ لْأَنْبِيَا نّغْنِي يتْخصَّا اَذَاسن صنّْطن.

لوقا 16:31

ينَّا-ٱس بْرَاهِيم: لَّا، مڒَا نِثْنِي وَار تسْڒِين شَا إِ مُوْسَى ذ لْأَنْبِيَا، وَاخَّا يكَّر-د شَان يِجّن زِي ڒْموْث اَتَاف وَار ثن يسْنقْنِيع شَا."

لوقا 24:25

ينَّا-ٱسن عِيْسَى: "آ يِنِّي وَار يفْهِيمن شَا! آ يِنِّي وَار يتِيمْنن شَا ذغْيَا ذِي مَارَّا مِين نَّان لْأَنْبِيَا!

لوقا 24:27

ذِنِّي يبْذَا-يَاسن عِيْسَى زِي شَّرِيعَا ن مُوْسَى ذ لْكُتُب ن مَارَّا لْأَنْبِيَا يسفْهم-يثن مِين خَاس يُوْرِين ذِي مَارَّا لْكُتُب نِّي.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 1:45

فِيلِيپَّـاس يُوْفَا يجّن قَّارن-اَس نَاثْنَاهِيل ينَّا-ٱس: "نُوْفَا ونِّي إِي خف يُوْرَا مُوْسَى ذِي شَّرِيعَا، مِيخف ؤُرِين لْكُتُب ن لْأَنْبِيَا. نتَّا ذ عِيْسَى زݣ وبِيلَاج ن نَّاصِيرَا ذ مِّيس ن يُوْسف."

يوحنا 5:32

ئِجّن نّغْنِي يشهّذ خَافِي. نش سّْنغ شْهَاذث إِي خَافِي يشهّذ نتَّاث نِيشَان إِي ثدْجَا.

يوحنا 5:36

وَلَكِن نش غَارِي يجّن ن شْهَاذث ذ ثَمقّْرَانْت خ ثنِّي ن يَحْيَى. مِين ذَايِي د يُوْشَا بَابَا اَثِيد سْبَانغ، ثِمسْڒَايِين-أَ س يِيخف نْسنْت شهّْذنْت خَافِي بلِّي يسّكّ-اَيِي-د بَابَا.

يوحنا 5:40

وَاخَّا اَمنِّي كنِّيو وَار ثْخِيسم شَا اَغَارِي د تَاسم حمَا اَغَارْوم ثِيڒِي ثُوْذَارْث.

يوحنا 5:46

مَعْلِيك كنِّيو ثُوْمْنم ذِي مُوْسَى، إِڒِي ثُوْمْنم ذَايِي ؤُڒَا ذ نش مِينْزِي نتَّا يُوْرَا خَافِي.

يوحنا 7:52

نَّان-اَس: "مَا شك عَاوذ زِي صْحَاب ن لْجَالِيل؟ ارْزُو ذِي لْكُتُب خْزَر، ؤُڒَا ذ يجّن ن نَّبِي وَار د يُوْسِي شَا زِي ثْمُوْرْث ن لْجَالِيل."

ڒخذايم 13:27

قَا يمزْذَاغ ن لْقُدْس ذ اَرُّوْيَاس نْسن وَار عْقِيڒن شَا عِيْسَى-يَا، وَار فْهِيمن شَا اَوَاڒن ن لْأَنْبِيَا ذِي لْكُتُب إِي قَّارن ذِي ثمْزِيذَاوِين زِي سّبْث غَار سّبْث. وَامِي حكْمن خ عِيْسَى س ڒْموْث فّْغن-د وَاوَاڒن نِّي إِي نَّان لْأَنْبِيَا.

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.

ڒخذايم 26:27

آ سِي اَزدْجيذ أَغْرِيبَاس، شك مَا تَامْنذ س لْأَنْبِيَا؟ نش سّْنغ إِلَّا شك تَامْنذ."

أيث-روما 1:2

لْإِنْجِيل-أَ إِي زِي يوْعذ أَربِّـي ذِي زْمَان س يِيڒس ن لْأَنْبِيَا نّس ذِي لْكِتَاب لْمُقدّس.

أيث-روما 3:2

وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

يعيبرانيين 11:16

وَلَكِن لَّا، رزُّوْن خ يِجّن ن ثْمُوْرْث حْسن زِي ثنِّي، يعْنِي يشْتن ذݣ وجنَّا. خ مَانَاينِّي أَربِّـي وَار يسذْحِي شَا اَذَاس ينِين قَا شك ذ أَربِّـي نّغ مِينْزِي نتَّا يسوْجذ-اَسن يجّن ن ثنْدِينْت.

يعيبرانيين 11:35

ڒبْعَاض ن ثمْغَارِين يْسِينْت-يد يمتِّينن نْسنْت إِي د كَّرن زِي ڒْموْث. ڒبْعَاض ن يِوْذَان مَارّْثن-ثن، وَلَكِن نِثْنِي ؤُݣِين اَذ تْوَاضڒْقن بَاش اَذ ربْحن يجّن ن لْقِيَامَا حْسن.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."