يوحنا 5:34 - ثريفيث 2020

³⁴ وَلَكِن نش وَار حْذِيجغ شَا شْهَاذث ن بْنَاذم. قَّارغ-اَوم مَانَايَا حمَا اَذ تْنجْمم.

يوحنا 5:34 ပူးပေါင်းရင်းမြစ်များ

لوقا 13:34

يَا لْقُدْس، يَا لْقُدْس! ذ شم إِݣ ينقّن لْأَنْبِيَا، ذ شم إِݣ يرجّْمن يِنِّي غَارم د يسّكّ أَربِّـي! نش مشْحَاڒ ن ثْوَاڒَاثِين خْسغ اَذ سْمُوْنغ ثَارْوَا نّمْ اَم شَان ثْيَازِيط يتحْبُوْبُوْضن خ يفِيدْجُوْسن نّس وَلَكِن كنِّيو ثُوْݣِيم.

لوقا 19:10

مِّيس ن بْنَاذم يُوْسَا-د حمَا اَذ يرْزُو اَذ يسنْجم يِنِّي يودَّرن."

لوقا 24:47

أَذ بشَّرن مَارَّا ڒݣْنُوْس حمَا اَذ تُوْبن اَذ تْوَاغْفَرنْت ڒْمُعْصِيَاث نْسن س يِيسم ن لْمَسِيح. أَذ يبْذَا مَانَايَا ذِي لْقُدْس.

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

يوحنا 5:32

ئِجّن نّغْنِي يشهّذ خَافِي. نش سّْنغ شْهَاذث إِي خَافِي يشهّذ نتَّاث نِيشَان إِي ثدْجَا.

يوحنا 5:41

وَار حْذِيجغ شَا اَذَايِي سمْغَارن يِوْذَان.

يوحنا 8:54

ينَّا-ٱسن عِيْسَى: "نش مڒَا سمْغَارغ يخف ينُو، أَتَاف لْعَظَمَا ينُو وَار ثدْجِي ذ وَالُو. ذ بَابَا إِي ذَايِي يسمْغَارن، ذ ونِّي إِي ثقَّارم قَا ذ أَربِّـي نّغ.

أيث-روما 10:1

ينَّا-ٱسن بُوْلُس: آي اَيثْمَا، مشْحَاڒ تْمنِّيغ س وُوْڒ ينُو تْࢲَادْجِيغ إِ أَربِّـي اَذ تنْجم لْأُمَّا ينُو.

أيث-روما 10:21

وَلَكِن خ أَيث-إِسْرَائِيل يقَّار: <نش يفَاسّن ينُو ضڒْقغ-ثن-د نْهَار يكْمَاڒ غَار يِج ن شَّعْب يعْصَان، ذَايْسن ثَغنَّانْت.>

أيث-روما 12:21

وَار تجَّا شَا شَّرّْ اَش يغْڒب، ذ شك إِي غَا يغڒْبن شَّرّْ س ڒْخِير.

أيث-روما 3:3

إِيوَا مڒَا ڒبْعَاض زَّايْسن وَار ؤُمِينن شَا، مَا س لْكُفر نْسن إِي زِي غَا يسْبطّڒ أَربِّـي ڒْعَهذ نّس؟

1 أيث-كورينث 9:22

أَرِّيغ يخف ينُو اَم يِجّن يضْعف غَار يِنِّي يضعْفن بَاش اَتَاف اَثن ربْحغ. أَرِّيغ يخف ينُو ذ مَارَّا إِ مَارَّا يوْذَان بَاش اَذ ݣّغ مَارَّا لْإِمْكَانِيَاث اَذ سْنجْمغ شَا زَّايْسن.

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

1 يوحنا 5:9

مڒَا نقْبڒ شْهَاذث ن بْنَاذم قَا شْهَاذث ن أَربِّـي ثمْغَر كْتَار. لِأَنَّا نتَّاث ذ شْهَاذث-أَ، ثنِّي ن أَربِّـي إِݣ يشهّْذن خ مِّيس.