يوحنا 5:28 - ثريفيث 2020

^28-29 وَار تْعجِّيبم شَا خ مَانَايَا، قَا اَذ د تَاس ڒْوقْث ذَايس غَا سْڒن صُّوْت نّس مَارَّا يِنِّي يدْجَان ذݣ يمضْڒَان نِثْنِي اَذ د كَّرن. يِنِّي يݣِّين ثِمسْڒَايِين ثِصبْحَانِين اَذ رَاحن غَار ثُوْذَارْث. يِنِّي يݣِّين ثِمسْڒَايين ثِعفَّانِين اَذ د كَّرن اَذ رَاحن غَار لْعِقَاب.

يوحنا 5:28 ပူးပေါင်းရင်းမြစ်များ

يوحنا 3:7

مڒَا نِّيغ-أَش يتخصَّا-كنِّيو اَذ د تْخڒْقم ذ جْذِيذ، وَار تْعجِّيب شَا.

يوحنا 4:21

ينَّا-ٱس عِيْسَى: "تِيقَّا-ٱيِي آ ثَمْغَارْث، أَذ د تَاس يجّن ن ڒْوقْث اَتَاف كنِّيو وَار ثْعبّْذم شَا بَابَا ؤُڒَا ذݣ وذْرَار-أَ ؤُڒَا ذِي لْقُدْس.

يوحنا 4:23

وَلَكِن اَذ د تَاس ڒْوقْث اَقَا ڒخُّو ثُوْسَا-د، مَعْلِيك يِنِّي يعبّْذن نِيشَان اَتَاف اَذ عبّْذن بَابَا س لْحَقِيقَا ذ اَرُّوْح. ذ يِيْنَا إِي خف يرزُّو بَابَا.

يوحنا 5:20

بَابَاس يتخْس مِّيس، يسْبيَّان-اَس مَارَّا مِين يتݣّ. أَذَاس يسْبيّن ڒخْذَايم ثِمقّْرَانِين خ ثْمسْڒَايِين-أَ حمَا اَذ تْعجّْبم!

يوحنا 5:25

أَقَا تسْڒَام ڒْحَقّ: أَذ د تَاس ڒْوقْث اَقَا ڒخُّو ثُوْسَا-د، أَذ سْڒن يمتِّينن إِ صُّوْت ن مِّيس ن أَربِّـي أُو يِنِّي ذَاس غَا يسْڒن اَذ دَّرن.

ڒخذايم 24:15

غَارِي لْأَمَال زِي أَربِّـي مَامش غَارْسن يدْجَا غَار يرْيَازن-أَ، يعْنِي اَذ د كَّرن زِي ڒْموْث صَّالِحِين ذ ضَّالِمِين.

ڒخذايم 3:12

وَامِي ثن يࢲْرَا بُطْرُس ينَّا-ٱسن: "آي يرْيَازن ن أَيث-إِسْرَائِيل، مَايمِّي ثتْعجّْبم خ مَانَايَا؟ مَايمِّي ذَايْنغ تْخزَّرم اَمُّو؟ مَا تْفكَّرم س جّْهذ نّغ نِغ س طَّاعَا نّغ إِي زِي نَارَّا اَرْيَاز-أَ يݣُّوْر؟

1 أيث-كورينث 15:22

ڒَاحقَّاش اَم مَامّش إِي غَا نمّث مَارَّا س بْنَاذم نِّي آدَم، أَمُّو عَاوذ اَغَارْنغ ثِيڒِي ثُوْذَارْث إِ مَارَّا نشِّين س لْمَسِيح.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

لواحي ن يوحنا 20:12

ࢲْرِيغ يمتِّينن بدّن زَّاث إِ لْعَرْش نِّي اَم ومزْيَان اَم ومقّْرَان. نُوْرْزْمن لْكُتُب، ئِنُوْرْزم يجّن ن لْكِتَاب نّغْنِي نتَّا ذ لْكِتَاب ن ثُوْذَارْث. تْوَاحَاسْبن يمتِّينن س مِين يُوْرِين ذِي لْكُتُب عْلَاحْسَاب ڒخْذَايم نْسن.