يوحنا 5:26 - ثريفيث 2020

²⁶ أَم بَابَاس غَارس ثُوْذَارْث ذݣ يِيخف نّس، أَمُّو إِي ذَاس يُوْشَا إِ مِّيس اَغَارس ثِيڒِي ثُوْذَارْث ذݣ يِيخف نّس.

يوحنا 5:26 ပူးပေါင်းရင်းမြစ်များ

يوحنا 1:4

ذَايس إِي ثدْجَا ثُوْذَارْث، أُو ثُوْذَارْث نِّي نتَّاث ذ نُّوْر إِ يِوْذَان.

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 11:25

ينَّا-ٱس عِيْسَى: "نش ذ لْقِيَامَا نش ذ ثُوْذَارْث، ونِّي يتَامْنن زَّايي اَتَاف اَذ يدَّر وَاخَّا يمُّوْث.

يوحنا 11:26

مَارَّا ونِّي يدَّرن أُو نتَّا يتَامن زَّايِي اَتَاف وَار يتْمتِّي إِ ڒبْدَا. مَا ثُوْمْنذ زِي مَانَايَا؟"

يوحنا 14:19

شْوِيت ن ڒْوقث إِݣ يقِّيمن وَار ذَايِي ثْࢲرّ شَا دُّنشْت-أَ، وَلَكِن كنِّيو اَذَايِي ثࢲرم. وَامِي نش دَّرغ، ؤُڒَا ذ كنِّيو اَذ تدَّرم.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 4:10

ينَّا-ٱس عِيْسَى: "مَعْلِيك شم ثسّْنذ لْهَدِيَا ن أَربِّـي ثسّْنذ مِين عْنِيغ نش إِي ذَام يقَّارن ؤُش-اَيِي اَذ سْوغ، أَتَاف ثتَّارذ-اَيِي شم اَمَان اَذَام ؤُشغ اَمَان ن ثُوْذَارْث."

يوحنا 6:57

مَامّش إِي ذَايِي د يسّكّ بَابَا يدَّرن أُو نش دَّرغ زِي بَابَا، أَمنِّي ونِّي ذَايِي غَا يشّن اَزَّايِي إِي يدَّر.

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

ڒخذايم 17:25

وَار خَاس تْسخِّيرن شَا يفَاسّن ن بْنَاذم، نتَّا وَار يتحْذِيجِي وَالُو. ذ نتَّا إِي د يتِيشّن إِ مَارَّا يوْذَان ثُوْذَارْث ذ بُوْحْبڒ ذ مَارَّا ثِمسْڒَايِين نّغْنِي.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

1 تيموتاوس 6:16

ذ نتَّا وَاحْذس إِي وَار يتْمتِّين عمَّارْص، ئِزدّغ ذݣ يِجّن ن نُّوْر إِي وَار يزمَّر حَدّ اَغَارس د يقَارّب يعْنِي ونِّي ؤُمِي عمَّارْص وَار ث يࢲْرِي بْنَاذم وَار يزمَّر اَث يࢲر. ذ نتَّا إِي غَا يِيڒِي ؤُوقَّر ذ جّْهذ إِ ڒبْدَا. آمِين.

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.

لواحي ن يوحنا 21:6

ينَّا-ٱيِي: "صَافِي، ئِتْوَاكمّڒ. نش ذ لْأَلِف نش ذ لْيَاء. نش كُڒْشِي زَّايِي إِݣ يبْذَا، نش كُڒْشِي زَّايِي إِي غَا يكمّڒ. أَذ ؤُشغ إِ ونِّي يفُوْذن زِي ڒْعُنْصَر ن وَامَان ن ثُوْذَارْث بَاطڒ.

لواحي ن يوحنا 22:1

ئِسْمظْهَار-اَيي-د لْمَلَاك نِّي يغْزَار ن وَامَان ن ثُوْذَارْث صْفَان اَم جَّاج، ئِتفّغ-د زِي لْعَرْش ن أَربِّـي ذ يِزْمَار

لواحي ن يوحنا 22:17

أَرُّوْح ذ ثْسْڒِيث قَّارن: "أَرَاح-د!" ونِّي يتْسْڒَان اَذ يِينِي: "أَرَاح-د!" ونِّي يفُوْذن اَذ د يَاس، ونِّي يرزُّون اَمَان ن ثُوْذَارْث اَذ يسو بَاطڒ!

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."