يوحنا 5:25 - ثريفيث 2020

²⁵ أَقَا تسْڒَام ڒْحَقّ: أَذ د تَاس ڒْوقْث اَقَا ڒخُّو ثُوْسَا-د، أَذ سْڒن يمتِّينن إِ صُّوْت ن مِّيس ن أَربِّـي أُو يِنِّي ذَاس غَا يسْڒن اَذ دَّرن.

يوحنا 5:25 ပူးပေါင်းရင်းမြစ်များ

لوقا 15:32

ڒخُّو يتْخصَّا-ٱنغ أَ نْفَرح أَ نزْهُو اَطَّاس مِينْزِي ؤُمَاش تُوْغَا يمُّوْث، ڒخُّو يدَّر. تُوْغَا يودَّار، ڒخُّو يتْوَاف."

لوقا 9:60

ينَّا-ٱس عِيْسَى: "يِنِّي يمُّوْثن اجّ-يثن اَذ نضْڒن يمتِّينن نْسن. شك اَرْوَاح اَذ تْبشَّرذ س ڒْمُلْك ن أَربِّـي."

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 17:1

وَامِي يسِّيوڒ عِيْسَى خ مَانَايَا، ئِيْسِي ثِيطَّاوِين نّس غَار وجنَّا ينَّا: "آ بَابَا، ثُوْوض-د ڒْوقْث. سمْغَار مِّيش حمَا اَش يسمْغَار.

يوحنا 4:21

ينَّا-ٱس عِيْسَى: "تِيقَّا-ٱيِي آ ثَمْغَارْث، أَذ د تَاس يجّن ن ڒْوقْث اَتَاف كنِّيو وَار ثْعبّْذم شَا بَابَا ؤُڒَا ذݣ وذْرَار-أَ ؤُڒَا ذِي لْقُدْس.

يوحنا 4:23

وَلَكِن اَذ د تَاس ڒْوقْث اَقَا ڒخُّو ثُوْسَا-د، مَعْلِيك يِنِّي يعبّْذن نِيشَان اَتَاف اَذ عبّْذن بَابَا س لْحَقِيقَا ذ اَرُّوْح. ذ يِيْنَا إِي خف يرزُّو بَابَا.

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 5:28

وَار تْعجِّيبم شَا خ مَانَايَا، قَا اَذ د تَاس ڒْوقْث ذَايس غَا سْڒن صُّوْت نّس مَارَّا يِنِّي يدْجَان ذݣ يمضْڒَان نِثْنِي اَذ د كَّرن. يِنِّي يݣِّين ثِمسْڒَايِين ثِصبْحَانِين اَذ رَاحن غَار ثُوْذَارْث. يِنِّي يݣِّين ثِمسْڒَايين ثِعفَّانِين اَذ د كَّرن اَذ رَاحن غَار لْعِقَاب.

يوحنا 6:60

أَطَّاس زݣ يمحْضَارن نّس وَامِي سْڒِين مَانَاينِّي نَّان قَا اَوَار-أَ يقْسح وَار يدْجِي وِي ث غَا يقبْڒن.

يوحنا 8:43

مَايمِّي وَار ثفْهِيمم شَا إِ مِين ذَاوم قَّارغ؟ ڒَاحقَّاش وَار ثْزمَّرم شَا اَذ تْقبْڒم اَوَاڒ ينُو.

يوحنا 8:47

ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

يوحنا 9:27

ينَّا-ٱسن: "نِّيغ-اَوم-ت وَار ذَايي ثْصنّْطم شَا. مَايمّي ثخْسم اَذ تسْڒم عَاوذ؟ مَا ثخْسم ؤُڒَا ذ كنِّيو اَذ تِيڒِيم ذ يمحْضَارن نّس؟"

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

أيث-ؤفسوس 2:1

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ دّْنُوْب نْوم.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

أيث-ؤفسوس 5:14

مِينْزِي ذ نُّوْر إِي د يسْمظْهَارن مَارَّا. خ مَانَايَا يقَّار لْكِتَاب: <فَاق شك آ ونِّي يتطّْصن كَّار-د زِي ڒْموْث، أَخَاك يشعْشع لْمَسِيح س نُّوْر نّس.>

أيث-كولوس 2:13

فَا كنِّيو تُوْغَا ثمُّوْثم س وُوْڒَاون نْوم عْلَاحْسَاب ڒْمُعْصِيَاث ذ طَّبِيعَا نْوم وَار يطهَّارن شَا، وَلَكِن أَربِّـي يسدَّر-د كنِّيو اَك لْمَسِيح وَامِي ذَانغ يغْفَر قَاع ڒْمُعْصِيَاث نّغ.

لواحي ن يوحنا 3:1

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سَرْدِيس، إِنِي-يَاس قَا ونِّي غَار دْجَان سبْعَا ن اَرُّوْحَاث ن أَربِّـي ذ سبْعَا ن يِيثْرَان، ئِقَّار-اَش: نش سّْنغ ڒخْذَايم نّش. قَّارن قَا شك ثدَّرذ وَلَكِن لَّا شك ثمُّوْثذ.