يوحنا 5:19 - ثريفيث 2020

¹⁹ ينَّا-ٱسن عِيْسَى: "أَقَا تسْڒَام ڒْحَقّ: مِّيس وَار يزمَّر اَذ يݣّ شَان ثْمسْڒَايْث س يِيخف نّس، غِير مِين يࢲرّ زِي بَابَاس اَقَا يتݣّ-يث. مِين مَا يتݣّ بَابَاس اَقَا يتݣّ-يث ؤُڒَا ذ مِّيس.

يوحنا 5:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:39

ئِبعّذ خَاسن شْوَايْت، ئِسجّذ غَار ثْمُوْرْث يبْذَا يتتَّار إِ أَربِّـي ينَّا: "آ بَابَا، مڒَا مُمْكِن سْبعّذ-يث خَافِي ڒْكَاس-أَ ن ڒَعْذَاب. مَاشِي مَامش خْسغ نش؛ لَّا، مَامش يخس ڒْخَاضَر نّش شك."

لوقا 21:15

لَّا، أَذَاوم ؤُشغ اَوَاڒن ذ ڒفْهَامث حمَا مَارَّا يِنِّي كِذْوم يتْمنْغَان وَار زمَّرن شَا اَخَاوم د اَرّن.

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 12:49

أَقَا وَار سِّيوْڒغ شَا زِي غَاري؛ لَّا، نش سَّاوَاڒغ نش قَّارغ زِي ڒُوْصِيّث إِي ذَايِي يُوْشَا بَابَا يعْنِي ونِّي إِي ذَايِي د يسّكّن.

يوحنا 12:50

سّْنغ ڒُوْصِيّث نّس نتَّاث ذ ثُوْذَارْث ن ڒبْدَا. مِين سَّاوَاڒغ نش، سَّاوَاڒغ-ث عْلَاحْسَاب مَامّش إِي ذَايِي ينَّا بَابَا."

يوحنا 14:10

مَا وَار تِيمْنذ شَا بلِّي نش اَقَايِي ذِي بَابَا، بَابَا اَقَاث ذَايِي؟ أَوَاڒن إِي ذَاوم قَّارغ وَار ثن قَّارغ شَا نش، ذ بَابَا إِي ذَايِي إِي ثن يقَّارن. نتَّا يخدّم ڒخْذَايم نّس.

يوحنا 2:19

ينَّا-ٱسن عِيْسَى: "هذْمث ثَمْزِيذَا-يَا ثَمقّْرَانْت، نش اَتِيد سِيڒِيغ ذِي ثڒْتِيَّام!"

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 6:38

مِينْزِي نش هْوِيغ-د زݣ وجنَّا، وَار يدْجِي شَا اَذ ݣّغ مِين خْسغ؛ لَّا، هْوِيغ-د اَذ ݣّغ مِين يخس ونِّي إِي ذَايِي د يسّكّن.

يوحنا 8:28

خ مَانَايَا ينَّا-ٱسن عِيْسَى: "أَخمِي غَا ثسْبدّم مِّيس ن بْنَاذم ذݣ وجنَّا، أَذ تسّْنم بلِّي ذ نش إِݣ يدْجَان. وَار تݣّغ شَا زِي غَاري؛ لَّا، نش سَّاوَاڒغ خ مَامّش ذَايِي يسڒْمَاذ بَابَا.

يوحنا 9:4

خْمِي يتِيڒِي ذ نْهَار، ئِتْخصَّا-يَانغ أَ نخْذم ڒخْذَايم ن ونِّي إِي ذَايِي د يسّكّن. خْمِي د تَاوض دْجِيڒث، وَار يزمَّر ؤُڒَا ذ يجّن اَذ يخْذم.

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

1 أيث-كورينث 15:12

فَا لْمَسِيح نتْبشَّار خَاس يتْوَاسكَّر-د زِي ڒْموْث. مَامّش قَّارن ڒبْعَاض زَّايْوم وَار ثدْجِي بُو لْقِيَامَا ن يمتِّينن؟

22 أيث-كورينث 4:14

نسّن ونِّي إِي د يسكَّرن سِيذِيثْنغ عِيْسَى نتَّا عَاوذ اَذَانغ د يسكَّر اَك عِيْسَى اَذَانغ يسحْضَار اَكِذْوم زَّاث نّس.

22 أيث-كورينث 5:10

لِأَنَّا لَابُد أَ نْبدّ مَارَّا إِذْنغ زَّاث إِ لْعَرْش ن لْمَسِيح مَانِي إِي غَا نتْوَاحْكم. كُڒ يجّن اَث يجَازَا خ مِين يسْذَاهدْج عْلَاحْسَاب ثِمسْڒَايِين نِّي إِݣ يݣَّا وَامِي يزْذغ ذِي دَّات، ذ ثِصبْحَانِين نِغ ذ ثِعفَّانِين.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

أيث-ؤفسوس 3:16

تتَّارغ إِ أَربِّـي زݣ وَاݣْڒَا نّس اَعْظِيم اَكنِّيو يسجْهذ ذِي نّفْس نْوم س وفُوْس ن أَرُّوْح نّس

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

أيث-فيليـپـي 4:13

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

أيث-كولوس 1:16

زَّايس نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا.

1 أيث-سلونيك 4:14

شُوْف، نشِّين نْتَامن بلِّي عِيْسَى يمُّوْث يكَّر-د، نْتَامن عَاوذ بلِّي أَربِّـي عَاذ اَذ ييْسِي يِنِّي يطّْصن ذݣ يمضْڒَان إِي يُوْمْنن زِي لْمَسِيح اَذ يڒِين اَك عِيْسَى.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.