يوحنا 4:42 - ثريفيث 2020

⁴² نَّان-اَس إِ ثمْغَارْث نِّي نشِّين وَار نْتِيمن شَا ڒخُّو غِير عْلَاحْسَاب مِين ذَانغ ثنِّيذ شم، مِينْزِي يسِّيوڒ اَكِذْنغ س يِيخف نّغ أُو نشِّين نسّن بلِّي ذ صَّح ذ وَا إِݣ يسنْجَامن دُّنشْت.

يوحنا 4:42 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:21

أَقَا اَذ د تجّ يجّن ن وحنْجِير اَث ثْسمِّيذ عِيْسَى ڒَاحقَّاش نتَّا إِي غَا يسْنجْمن ڒْقُوْم نّس زِي ڒْمُعْصِيَاث نْسن."

لوقا 2:32

نتَّا ذ يجّن ن نُّوْر إِي ثسْمظْهَارذ إِ ڒݣْنُوْس، نتَّا ذ يجّن ن لْعَظَمَا ن شَّعْب نّش ن أَيْث-إِسْرَائِيل."

يوحنا 1:29

ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا.

يوحنا 11:17

وَامِي د يُوْسَا عِيْسَى، يُوْفَا ثعْذُو أَرْبعِيَّام زݣ وَامِي يتْوَانْضڒ.

يوحنا 17:8

مِينْزِي نش سِّيوْضغ-اَسَن اَوَاڒ إِي ذَايِي ثُوْشِيذ، نِثْنِي قبْڒن-ث. سّْنن ذ صَّح بلِّي نش زِي غَارك إِي د ؤُسِيغ، ؤُمْنن عَاوذ بلِّي ذ شك إِي ذَايِي د يسّكّن.

يوحنا 4:29

"أَرَاحم-د اَذ تࢲرم يجّن ن ورْيَاز ينَّا-ٱيِي مَارَّا مِين ݣِّيغ. يمْكن ذ لمَسِيح نِغ؟"

يوحنا 4:41

وَامِي سْڒِين اَوَاڒ ن عِيْسَى مَارْنِين يِوْذَان إِي زَّايس يُوْمْنن.

ڒخذايم 13:23

ثُمَّا زِي دُوْرِّيث ن دَاود يسّكّ-د أَربِّـي عِيْسَى غَار أَيث-إِسْرَائِيل يعْنِي ونِّي إِي ثن غَا يسْنجْمن، مَامّش ثن يوْعذ زِي قْبڒ.

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

ڒخذايم 5:31

يرْفع-يث أَربِّـي اَغَارس يݣِّي-ث خ وفُوْسِي نّس بَاش اَذ يحْكم اَذ يسنْجم، أَذ يُوْش تُوْبَا إِ أَيث-إِسْرَائِيل اَذ يغْفَر ڒْمُعْصِيَاث نْسن.

22 أيث-كورينث 5:19

يعْنِي أَربِّـي يݣَّا ذِي لْمَسِيح بَاش اَذ يسمْصْڒَاح يوْذَان اَكِذس، وَار خَاسن يحسّب شَا ڒْمُعْصِيَاث نْسن. عَاوذ أَربِّـي يكلّف خَانغ اَوَاڒ-أَ وَانِيتَا ن صُّلْح.

1 تيموتاوس 4:10

خ مَانَايَا نشِّين نْخدّم نربّڒ لِأَنَّا نݣَّا لْأَمَال نّغ ذِي أَربِّـي يدَّرن ونِّي يسنْجَامن مَارَّا يوْذَان خَاصَّتَان ذ يِنِّي يتَامْنن.

1 يوحنا 2:2

ذ نتَّا إِݣ يرُوْحن ذ لْفِدْيَا خ ڒْمُعْصِيَاث نّغ أُو مَاشِي غِير خ ڒْمُعْصِيَاث نّغ وَاهَا، حتَّا ؤُڒَا ذ ڒْمُعْصِيَاث ن دُّنشْت-أَ اَمن-ثكْمَاڒ.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.