يوحنا 4:36 - ثريفيث 2020

³⁶ ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.

يوحنا 4:36 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:29

أُو مَارَّا يِنِّي يسمّْحن ذِي ثُوْذْرِين نْسن نِغ ذِي أَيثْمَاس نِغ ذِي سُوْيْثْمَاس نِغ ذِي بَابَاس ذ يمَّاس نِغ ذِي ثَارْوَا نْسن نِغ ذݣ يمَرْجعِيون نْسن خ سَّبَاب ينُو نش، أَتَاف اَغَارْسن ثِيڒِي مِيَّا ن ثْسقَّار كْتَار، أَذ وَرْثن ثُوْذَارْث ن ڒبْدَا.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 6:22

ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

1 أيث-كورينث 9:17

مڒَا بشَّرغ س ڒْخَاضَر ينُو، أَتَاف اَذَايِي يجَازَا أَربِّـي. مڒَا وَار يدْجِي بُو س ڒْخَاضَر ينُو، يعْنِي اَتَاف تݣّغ يجّن ن لْمسْؤُلِيَا بزّز خَافِي وَاهَا.

1 أيث-كورينث 9:18

إِذن، مِين يعْنَا شَّارْض ينُو؟ شَّارْض ينُو ذ وَا: خْمِي تْبشَّارغ س لْإِنْجِيل تْقدَّامغ-ث بَاطڒ يعْنِي مَاشِي عْلَاحْسَاب ڒْحَقّ ن شَّارْض-أَ إِي غَارِي ذِي لْإِنْجِيل.

1 أيث-سلونيك 2:19

لِأَنَّا ذ كنِّيو إِي يدْجَان ذ لْأَمَال نّغ ذ ڒفْرَاحث نّغ ذ تَّاج نّغ ن شَّان زَّاث إِ سِيذِيثْنغ عِيْسَى خْمِي د غَا يَاس.

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.