يوحنا 3:5 - ثريفيث 2020

⁵ ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 3:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:3

ينَّا-ٱسن: "أَقَا تسْڒَام ڒْحَقّ: لَابُد إِ كنِّيو اَذ تْذوْڒم اَذ تِيڒِيم اَمشْنَاو يحنْجِيرن يمزْيَانن. مڒَا لَّا، أَتَاف عمَّارْص اَذ تَاذْفم ذِي ڒْمُلْك وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:24

قَّارغ-اَوم عَاوذ: أَقَا يسْهڒ اَذ يعْذُو يجّن ن وڒْغم زِي ثِيطّ ن ثْسيْنفْث قْبڒ مَا ٱذ يَاذف يِجّن ن تَّاجَر ذِي ڒْمُلْك ن أَربِّـي."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:31

ؤُو يݣِّين مِين يخس بَابَاثْسن زِي ثْنَاين-أَ؟" نَّان-اَس: "أَمزْوَارُو." ينَّا-ٱسن عِيْسَى: "أَقَا تسْڒَام ڒْحَقّ: ئِعشَّارن ذ ثمْغَارِين يفّْغن اَبْرِيذ اَذَاوم يزْوَارن غَار ڒْمُلْك ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:20

أَقَا قَّارغ-اَوم: مڒَا وَار ثتْطِيْعِيم شَا إِ مِين يقَّار أَربِّـي كْتَار زِي مِين تݣّن يمْسڒْمَاذن ن شَّرِيعَا ذ ڒْحِزب ن يفَرِّيسِيْين، أَتَاف عمَّارْص اَذ تَاذْفم ڒْمُلْك وجنَّا.

مرقس 10:14

يࢲْرَا عِيْسَى مَانَايَا، وَار ذَاس يعْجِيب بُو ڒْحَاڒ ينّا-اَسن: "جّم يحنْجِيرن يمزْيَانن اَغَارِي د اَسن وَار ذَاسن تْعَارَّاضم شَا ڒَاحقَّاش ڒْمُلْك ن أَربِّـي يتِيڒِي غَار يِنِّي إِي يدْجَان اَم يِيْنَا.

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

مرقس 9:47

مڒَا ثِيطّ نّش تْسبَّاب-اَش ذِي شَان ڒفْضِيحث، قْڒع-يت زَعْمَا. حْسن إِ شك اَذ تَاذْفذ جّنّث س يِجّن ن ثِيطّ زِي مڒَا قِّيمنْت غَارك ثْنَاين ثِيطَّاوِين اَذ تْمنْضَارذ ذِي جَهنَّمَا.

لوقا 13:24

"ݣّث مَامْش غَا ثَاذْفم زِي ثوَّارْث يحْصَارن. أَذَاوم ينِيغ: أَطَّاس ن يِوْذَان اَتَاف اَذ رْزُوْن اَذ اَذْفن وَلَكِن وَار زمَّرن.

لوقا 13:3

قَّارغ-اَوم لَّا. مڒَا وَار ثتُوْبم شَا، أَتَاف مَارَّا إِذْوم اَذ تمّْثم اَمشْنَاو نِثْنِي.

لوقا 13:5

قَّارغ-اَوم لَّا. مڒَا وَار ثْتُوْبم شَا، أَتَاف مَارَّا إِذْوم اَذ تمّْثم اَمشْنَاو نِثْنِي."

يوحنا 1:13

يِيْنَا وَار د خْڒِيقن شَا عْلَاحْسَاب دُّوْرِّيث ؤُڒَا عْلَاحْسَاب مِين تخْس دَّات ؤُڒَا عْلَاحْسَاب ڒْخَاضَر ن ورْيَاز؛ لَّا، ذ أَربِّـي إِي ثن د يجِّين.

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 3:4

ينَّا-ٱس نِيْكُوْدِيم: "مَامّش غَا يݣّ بْنَاذم اَذ د يخْڒق ذ جْذِيذ مڒَا يوْسَار؟ مَا يزمَّر اَذ يَاذف عَاوذ ذݣ وعدِّيس ن يمَّاس اَذ د يخْڒق ذ جْذِيذ؟"

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

ڒخذايم 3:19

س مَانَايَا تُوْبث، ذوْڒث غَار أَربِّـي حمَا اَذ تْوَاكّْسنْت ڒْمُعْصِيَاث نْوم. حمَا اَذ د تَاس ثْسَعَّات ن لْفَرَج زِي سِيذِي أَربِّـي، أَذ د يسّكّ لْمَسِيح إِي تُوْغَا ذَاوم يتْوَاخْضَرن زِي قْبڒ يعْنِي عِيْسَى.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

1 أيث-كورينث 15:50

فَا قَّارغ-اَوم آي أَيثْمَا، قَا اَيْسُوْم ذ يذَامّن وَار زمَّرن اَذ وَارْثن ذِي ڒْمُلْك وجنَّا. مِين يفنَّان وَار يوَارّث شَا مِين وَار يفنِّين.

1 أيث-كورينث 2:12

وَار ذَانغ د يُوْشِي شَا اَرُّوْح ن دُّنشْت-أَ، يُوْشَا-ٱنغ-د اَرُّوْح إِي د يُوْسِين زِي أَربِّـي حمَا أَ نفْهم ثِمسْڒَايِين نِّي إِي ذَانغ د يُوْشَا أَربِّـي بَاطڒ.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

1 بطرس 1:2

أَربِّـي بَابَاثْنغ يخْضَر-يكنِّيو عْلَاحْسَاب مَامّش تُوْغَا يسّن نتَّا زِي قْبڒ، ئِسِّيصْفَا-كنِّيو س يِجّن ن ڒْخذْمث ن أَرُّوْح يقدّْسن حمَا اَذ تْطَاعم إِ عِيْسَى لْمَسِيح اَذ تْوَارُوْشّم س يذَامّن نّس إِي يُوْزّْڒن. أَذَايْوم يمَارْنِي اَرْضَا ذ ڒهْنَا س وَاطَّاس.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.

1 يوحنا 2:29

خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.