يوحنا 3:36 - ثريفيث 2020

³⁶ ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

يوحنا 3:36 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

مرقس 16:16

ونِّي يُوْمْنن اَذ يتْوَاطهَّار س وَامَان اَتَاف اَذ ينْجم. ونِّي وَار يُوْمِيْنن شَا اَتَاف اَذ يتْوَاحْكم.

لوقا 2:30

مِينْزِي ثِيطَّاوِين ينُو ࢲْرِينْت اَسنْجم نّش،

لوقا 3:6

مَارَّا يوْذَان اَذ ࢲْرن اَسنْجم ن أَربِّـي.>

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 3:3

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: وَار يزمَّر ؤُڒَا ذ يجّن اَذ يࢲر ڒْمُلْك ن أَربِّـي إِلَّا مڒَا يخْڒق-د ذ جْذِيذ."

يوحنا 4:36

ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

يوحنا 6:58

صَافِي، ذ وَانِيتَا ذ اَغْرُوْم إِي د يهْوَان زݣ وجنَّا. وَار يدْجِي شَا اَم ڒجْذُوْذ نْوم إِي شِّين اَغْرُوْم نِّي ؤُمِي قَّارن لْمَنَّا منْبَعْد مُّوْثن؛ لَّا، ونِّي غَا يشّن زݣ وغْرُوْم-أَ اَذ يدَّر إِ ڒبْدَا."

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

أيث-روما 5:9

إِذن، أَقَانغ بَرِيئين ڒخُّو س يذَامّن ن لْمَسِيح، أُو لَابُد زَّايس إِي غَا ننْجم زݣ وغْضَاب ن أَربِّـي.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

1 أيث-سلونيك 5:9

قَا وَار ذَانغ يخْضَر شَا أَربِّـي بَاش اَخَانغ يكّ وغْضَب؛ لَّا، قَا يخْضَر-اَنغ بَاش أَ ننْجم س وفُوْس ن سِيذِيثْنغ عِيْسَى لْمَسِيح.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

يعيبرانيين 3:18

أُو مِين عْنَان يِنِّي إِي خف يجُّوْدْج أَربِّـي ينَّا-ٱسن عمَّارْص اَذ اَذْفن ذِي أَرَّاحث ينُو؟ يَاش ذ يِنِّي وَار يتْطِيعِين شَا نِغ؟

يعيبرانيين 3:19

إِيوَا نشِّين نتْوَاڒَا بلِّي تُوْغَا وَار زمَّرن شَا اَذ اَذْفن ذِي أَرَّاحث ن سِيذِي أَربِّـي مِينْزِي ؤُݣِين اَذ اَمْنن.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."