يوحنا 3:29 - ثريفيث 2020

²⁹ ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

يوحنا 3:29 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:2

"ڒْمُلْك وجنَّا اَمشْنَاو يج وزدْجِيذ يݣَّا اَمنْسِي ذ اَمقّْرَان ذِي ڒْفَارْح ن مِّيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:1

ڒْمُلْك وجنَّا اَمشْنَاو شَان عشْرَا ن ثعْزْرِيِين إِݣ ييْسِين ڒقْنَاذڒ، فّْغنْت اَذ ڒقَّانْت مُوْڒَاي.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:15

ينَّا-ٱسن عِيْسَى: "ئِمدُّوْكَاڒ ن مُوْڒَاي، مَا زمَّرن اَذ خيّْقن ذِي نْهَار نِّي ن ڒْفَارْح نّس؟ لَّا، وَلَكِن اَذ د اَسن وُوْسَّان اَذ يميْسِي مُوْڒَاي زِي ڒْوسْط نْسن. ڒخْدّنِّي اَذ ࢲُوْمّن!

لوقا 15:6

أَذ يذْوڒ غَار ثدَّارْث نّس اَذ د يڒَاغَا خ يمدُّوْكَاڒ نّس ذ جِّيرَان نّس اَذَاسن يِينِي فَرْحم اَكِذِي اَقَا ؤُفِيغ اَحُوْڒِي نِّي إِي تُوْغَا ذَايِي يودَّارن!

يوحنا 15:11

نِّيغ-أَوم مَانَايَا حمَا اَذ تِيڒِي ذَايْوم ڒفْرَاحث ينُو، حمَا اَذ تِيڒِي ڒفْرَاحث نْوم ثْعمَّر.

يوحنا 16:24

حتَّا ٱڒ ڒخُّو وَار ثتَّارم وَالُو عْلَاحْسَاب يسم ينُو. تَّارث اَذ تَافم، أَتَاف ڒفْرَاحث نْوم اَذ تِيڒِي ثكْمَاڒ.

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 3:30

أُو لَابُد نتَّا اَذ يمْغَر، نش اَذ نقْصغ."

أيث-فيليـپـي 2:2

أَتَاف يتْخصَّا اَذ تْكمّْڒم إِ ڒفْرَاحث ينُو اَغَارْوم يِيڒِي اَرَّاي ذ يجّن ذ ڒمْحِبّث ذ يشْتن، كنِّيو اَذ تِيڒِيم ذ يجّن اَغَارْوم ثِيڒِي يجّن ن لْفِكْرَا.

1 يوحنا 1:4

نْتَارِي-يَاوم-د ثِمسْڒَاِين-أَ حمَا ڒفْرَاحث نّغ اَذ تجَّاون.

2 يوحنا 1:12

عَاذ غَارِي اَطَّاس إِي خْسغ اَذَاوم ثِيذ اَرِيغ إِ كنِّيو وَلَكِن اَذ يِيڒِي حْسن مڒَا وَار سْتعْمِيڒغ شَا ذِي ثِوْڒِيقِين ذ سّْمخ. لَّا، تْمنِّييغ اَغَارْوم د اَسغ اَكِذْوم سِّيوْڒغ اَغمْبُوْب ذݣ وغمْبُوْب بَاش ڒفْرَاحث نّغ اَذ تجَّاون.

لواحي ن يوحنا 21:9

يُوْسَا-د غَارِي يجّن زِي سبْعَا ن لْمَلَائِكَاث نِّي إِي غَار دْجَانْت سبْعَا ن ثْمجْمَارِين إِݣ يعمَّرن س سبْعَا ن لْمُصِيبَاث نِّي ثِنْݣُّوْرَا، ينَّا-ٱيِي: "أَرَاح-د، أَذَاش د سْمظْهَارغ ثَسْڒِيث، يعْنِي ثنِّي غَا يَاوِين يزْمَار."