يوحنا 21:18 - ثريفيث 2020

¹⁸ أَقَا تسْڒِيذ ڒْحَقّ: ذِي ثمْࢲِي نّش تْحزَّامذ يخف نّش تْرَاحذ مَانِي مَا ثخْسذ. وَلَكِن خْمِي غَا ثوْسَارذ، أَذ تْضڒْقذ يفَاسّن نّش اَتَاف حَدّ نّغْنِي اَش يحزّم اَش يَاوِي مَانِي وَار تخْسذ شَا."

يوحنا 21:18 ပူးပေါင်းရင်းမြစ်များ

لوقا 12:37

سَّعْذ ن يخدَّامن نِّي مڒَا يُوْسَا-د سِيذِيثْسن يُوْفِي-ثن عَاذ وَار طِّيصن شَا. أَقَا تسْڒَام ڒْحَقّ: أَذ يݣفّض سِيذِيثْسن اَثن يسْغِيم، أَذ يبْذَا يتْسخَّار خَاسن.

يوحنا 13:36

ينَّا-ٱس سِمْعَان بُطْرُس: "مَانِي غَا ثْرَاحذ آ سِيذِي؟" ينَّا-ٱس عِيْسَى: "مَانِي غَا رَاحغ نش، ڒخُّو وَار ثْزمَّرذ شَا اَذَايِي ثذْفَارذ ذِنِّي. وَلَكِن عَاذ اَذَايِي د ثذْفَارذ."

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

يوحنا 21:19

ينَّا مَانَاينِّي عِيْسَى حمَا اَذ يسْبيّن مَامش غَا يمّث بُطْرُس حمَا اَذ تْمظْهَار لْعَظَمَا ن أَربِّـي. وَامِي إِي ذَاس ينَّا مَانَاينِّي، ينَّا-ٱس: "ذْفَار-اَيِي-د.‍"

ڒخذايم 21:11

ئِقَارّب-د غَارْنغ ييْسِي اَحزَّام ن بُوْلُس، ئِشدّ يضَارن ذ يفَاسّن إِ يِيخف نّس ينَّا: "ئِقَّار أَرُّوْح يقدّْسن: أَمُّو يسْرَائِيلِيْين ن لْقُدْس اَذ قّْنن بَاب ن ؤُحزَّام-أَ، أَث سلّْمن إِ يِنِّي وَار يدْجِين شَا زِي أَيث-إِسْرَائِيل."

22 أيث-كورينث 5:4

لِأَنَّا خْمِي نتْغمَّاس س دَّات-أَ نّغ، تْبسَّاڒ خَانغ نشِّين عَاذ نْنهّك. إِيوَا وَار نْرزُّو شَا أَ نِيڒِي بْڒَا اَرُّوْض، نْرزُّو أَ نغْمس س دَّات نّغ ن وجنَّا، مَايمِّي؟ بَاش مِين يفنَّان اَث يسغْڒي مِين وَار يتْمتِّين.