يوحنا 21:14 - ثريفيث 2020

¹⁴ ثَانِيتَا ذ وِيس ثڒْت مَرَّاث إِي ذِي يتْمظْهَار-د عِيْسَى إِ يمحْضَارن نّس زݣ وَامِي إِي د يكَّر زِي ڒْموْث.

يوحنا 21:14 ပူးပေါင်းရင်းမြစ်များ

مرقس 16:12

منْبَعْد إِ مَانَايَا يمظْهَار-اَسن-د عِيْسَى س يِجّن ن صِّفْث نّغْنِي إِ ثْنَاين إِذْسن وَامِي تُوْغَا ݣُّوْرن غَار ڒْكَامْپُو.

مرقس 16:14

منْبَعْد وَامِي قِّيْمن تتّن حِطَاش ن اَرُّسُل نّس، ئِمظْهَار-اَسن-د ينْهَا-ثن مِينْزي لإِيمَان نْسن ذ وقْلِيل ؤُڒَاون نْسن قسْحن. تُوْغَا نِثْنِي عَاوذ وَار ؤُمِيْنن شَا يِنِّي إِي ث يࢲْرِين وَامِي د يكَّر زِي ڒْموْث.

يوحنا 20:19

نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."

يوحنا 20:26

منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"

يوحنا 21:1

منْبَعْد إِ مَانَايَا يمظْهَار-د عِيْسَى عَاوذ إِ يمحْضَارن نّس خ شّطّ ن ڒبْحَر ن طَبَرْيَا. أَمُّو إِي يوْقع.

ڒخذايم 1:3

وَامِي يعْذُو ڒَعْذَاب ن ڒْموْث نّس، يتْمظْهَار-اَسن-د خ يِجّن ن اَرْبعِين يُوْم يسفْهَام-يثن مبْڒَا شّكّ نتَّا اَقَا يدَّر. ئِتَاس-د غَارْسن يسَّاوَاڒ اَكِذْسن خ ڒْمُلْك ن أَربِّـي.