يوحنا 20:25 - ثريفيث 2020

²⁵ نَّان-اَس يمحْضَارن نِّي نّغْنِي قَا نࢲْرَا سِيذِيثْنغ! ئِكَّر تُوْمَا ينَّا-ٱسن: "مڒَا وَار ࢲْرِيغ شَا لْأَثَر ن يمسْمِيڒن ذݣ يفَاسّن نّس اَذ ݣّغ ضَاض ينُو ذݣ ومْشَان ن يمسْمِيڒن نِّي، أَذ سرْسغ فُوْس ينُو خ وغزْذِيس نّس، وَار تِيمْنغ شَا."

يوحنا 20:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:42

"ئِسنْجم ينّغْنِي، وَلَكِن وَار يزمَّر شَا ڒخُّو اَذ يسنْجم يخف نّس!" نَّان-اَس: "هْوَا-د آي اَزدْجِيذ ن أَيث-إِسْرَائِيل ڒخُّو زݣ وجنَّا زِي صَّلِيب-أَ حمَا اَزَّايك نَامن!

مرقس 16:11

وَامِي ذَاسن ثْعَاوذ ثنَّا-ٱسن قَا ࢲْرِيغْ-ث يدَّر، وَار ت ؤُمِينن شَا.

مرقس 16:13

ذوْڒن-د اَذ عَاوْذن ڒخْبَار-أَ إِ أَيثْمَاثْسن، وَار ثن ؤُمِيْنن شَا.

مرقس 16:14

منْبَعْد وَامِي قِّيْمن تتّن حِطَاش ن اَرُّسُل نّس، ئِمظْهَار-اَسن-د ينْهَا-ثن مِينْزي لإِيمَان نْسن ذ وقْلِيل ؤُڒَاون نْسن قسْحن. تُوْغَا نِثْنِي عَاوذ وَار ؤُمِيْنن شَا يِنِّي إِي ث يࢲْرِين وَامِي د يكَّر زِي ڒْموْث.

لوقا 24:25

ينَّا-ٱسن عِيْسَى: "آ يِنِّي وَار يفْهِيمن شَا! آ يِنِّي وَار يتِيمْنن شَا ذغْيَا ذِي مَارَّا مِين نَّان لْأَنْبِيَا!

يوحنا 1:41

ڒخْدّنِّي يُوْفَا ؤُمَاس سِمْعَان ينَّا-ٱس نُوْفَا لْمَسِيَا. (أَوَاڒ-أَ لْمَسِيَا يخس اَذ يِينِي لْمَسِيح.)

يوحنا 20:27

ينَّا-ٱس إِ تُوْمَا: "ٱݣّ ضَاض نّش ذَانِيتَا، خْزَر يفَاسّن ينُو. سرْس فُوْس نّش خ وغزْذِيس ينُو. وَار تْشكَّا شَا؛ لَّا، أَمن."

يوحنا 21:7

أَمحْضَار نِّي يعِيزّن خ عِيْسَى اَطَّاس ينَّا-ٱس إِ بُطْرُس قَا وِين ذ سِيذِيثْنغ. وَامِي يسْڒَا سِمْعَان بُطْرُس قَا وِين ذ عِيْسَى، ئِكَّر يَرض تْشَامِّير نّس ڒَاحقَّاش تُوْغَا يكّس-يث، ڒخْدّنِّي ينْضو ذِي ڒبْحَر بَاش اَذ يرَاح غَار عِيْسَى.

يوحنا 6:30

نَّان-اَس: "مَان لْعَلَامَا ثَمقّْرَانْت إِي غَا ثݣّذ اَت نْࢲر حمَا اَزَّايك نَامن؟ مِين غَا ثݣّذ؟

يعيبرانيين 3:12

آي اَيثْمَا، حْضَام يخف نْوم بَاش ؤُڒَا ذ يجّن زَّايْوم وَار غَارس يتِيڒِي وُوْڒ ذ اَبرْشَان نِغ وَار ذَايس يتِيڒِي بُو لْإِيمَان بَاش وَار يتْبعِّيذ شَا نتَّا خ أَربِّـي يدَّرن.

يعيبرانيين 3:18

أُو مِين عْنَان يِنِّي إِي خف يجُّوْدْج أَربِّـي ينَّا-ٱسن عمَّارْص اَذ اَذْفن ذِي أَرَّاحث ينُو؟ يَاش ذ يِنِّي وَار يتْطِيعِين شَا نِغ؟