يوحنا 20:2 - ثريفيث 2020

² ثُوْزّڒ-د ثُوْسَا-د غَار سِمْعَان بُطْرُس ذ ومحْضَار نّغْنِي ونِّي يعِيزّن خ عِيْسَى اَطَّاس، ثنَّا-ٱسن قَا يْسِين عِيْسَى زݣ يِيفْرِي ن ونْضڒ، وَار نسِّين مَانِي ث ݣّين.

يوحنا 20:2 ပူးပေါင်းရင်းမြစ်များ

يوحنا 13:23

ذِنِّي يجّن ن ومحْضَار نّس يعِيزّ خَاس خ عِيْسَى اَطَّاس، نتَّا يقِّيم اَك وغزْذِيس نّس.

يوحنا 19:26

وَامِي يࢲْرَا عِيْسَى يمّاس يبدّ اَكِذس ومحْضَار نِّي إِي خَاس يعِيزّن اَطَّاس، ينَّا-ٱس: "آ يمَّا، أَقَاث ذِين مِّيم!"

يوحنا 20:13

نَّانْت-اَس: "آ ثَمْغَارْث مِين شم يُوْغِين ثتْرُوذ؟" ثنَّا-ٱسنْت: "يْسِين سِيذِي، وَار سِّينغ مَانِي ث سرْسن."

يوحنا 20:15

ينَّا-ٱس عِيْسَى إِ مَرْيَم: "آ ثَمْغَارْث مِين شم يُوْغِين ثتْرُوْذ، مِيخف ثْرزُّوْذ؟" مَرْيَم تْغِير-اَس ذ بَاب ن جَرْدَا نِّي، ثنَّا-ٱس: "آ سِيذِي مڒَا ذ شك إِي ث ييْسِين، إِن-اَيِي مَانِي ث ثْسرْسذ حمَا اَث يْسِيغ."

يوحنا 20:9

وَلَكِن نِثْنِي عَاذ وَار فْهِيمن شَا زِي لْكِتَاب بلِّي لَابُد اَذ يكَّر عِيْسَى زِي ڒْموْث.

يوحنا 21:20

ئِنقْڒب بُطْرُس يُوْفَا يذفَّار-يثن-د ومحْضَار نِّي يعِيزّن خ عِيْسَى اَطَّاس، يعْنِي ونِّي تُوْغَا يقِّيمن غَار وغزْذِيس ن عِيْسَى ذݣ ومنْسِي نِّي ينَّا-ٱس: آ سِيذِي، مِين يعْنَا ونِّي ش غَا يزّنْزن؟

يوحنا 21:24

أَمحْضَار-أَ، مِين يعْنَا؟ ذ نتَّا إِݣ يشهّْذن خ ثْمسْڒَايِين-أَ ثُمَّا يُوْرِي-ثنْت. نشِّين نسّن قَا شْهَاذث نّس ن صَّح.

يوحنا 21:7

أَمحْضَار نِّي يعِيزّن خ عِيْسَى اَطَّاس ينَّا-ٱس إِ بُطْرُس قَا وِين ذ سِيذِيثْنغ. وَامِي يسْڒَا سِمْعَان بُطْرُس قَا وِين ذ عِيْسَى، ئِكَّر يَرض تْشَامِّير نّس ڒَاحقَّاش تُوْغَا يكّس-يث، ڒخْدّنِّي ينْضو ذِي ڒبْحَر بَاش اَذ يرَاح غَار عِيْسَى.