يوحنا 20:19 - ثريفيث 2020

¹⁹ نْهَار ن ڒْحَد مُوْنن يمحْضَارن غَار ثْمدِّيث، ثِوُّوْرَا قّْننْت ݣّْوْذن زݣ يسْرَائِيلِيْين. يُوْسَا-د عِيْسَى يبدّ ذِي ڒْوسْط ينَّا-ٱسن: "سْڒَام خَاوم."

يوحنا 20:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:13

مڒَا قبْڒن-كنِّيو اَيثْبَاب نّس، أَتَاف اَكِذْسن ثِيڒِي لْبَرَكَا نْوم. مڒَا وَار كنِّيو قْبِيڒن شَا، أَتَاف وَار كِسن تْغِيمِي شَا لْبَرَكَا نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:20

ڒَاحقَّاش مَانِي غَا مُوْنن ثْنَاين نِغ ثْڒَاثَا خ سَّبَاب ينُو، نش اَڒ ذِين يڒِيغ ذِي ڒْوسْط نْسن."

مرقس 16:14

منْبَعْد وَامِي قِّيْمن تتّن حِطَاش ن اَرُّسُل نّس، ئِمظْهَار-اَسن-د ينْهَا-ثن مِينْزي لإِيمَان نْسن ذ وقْلِيل ؤُڒَاون نْسن قسْحن. تُوْغَا نِثْنِي عَاوذ وَار ؤُمِيْنن شَا يِنِّي إِي ث يࢲْرِين وَامِي د يكَّر زِي ڒْموْث.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

يوحنا 16:22

ؤُڒَا ذ كنِّيو ذَايْوم ڒحْڒِيق ڒخُّو، وَلَكِن اَكنِّيو ࢲرغ عَاوذ. ڒخْدّنِّي اَذ تْفَرْحم س وُوْڒَاون نْوم، وَار ذَاوم يتكّس ڒفْرَاحث نْوم حَدّ.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 20:21

ينَّا-ٱسن عَاوذ عِيْسَى: "سْڒَام خَاوم. مَامّش ذَايِي د يسّكّ بَابَا، أَمُّو نش اَكنِّيو سّكّغ."

يوحنا 20:26

منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"

يوحنا 21:1

منْبَعْد إِ مَانَايَا يمظْهَار-د عِيْسَى عَاوذ إِ يمحْضَارن نّس خ شّطّ ن ڒبْحَر ن طَبَرْيَا. أَمُّو إِي يوْقع.

يوحنا 21:14

ثَانِيتَا ذ وِيس ثڒْت مَرَّاث إِي ذِي يتْمظْهَار-د عِيْسَى إِ يمحْضَارن نّس زݣ وَامِي إِي د يكَّر زِي ڒْموْث.

يوحنا 7:13

وَلَكِن ؤُڒَا ذ يجّن وَار خَاس يسِّيوڒ س جّْهذ س ثِيݣّْوْذِي زݣ يمقّْرَانن نِّي ن أَيث-إِسْرَائِيل.

ڒخذايم 1:3

وَامِي يعْذُو ڒَعْذَاب ن ڒْموْث نّس، يتْمظْهَار-اَسن-د خ يِجّن ن اَرْبعِين يُوْم يسفْهَام-يثن مبْڒَا شّكّ نتَّا اَقَا يدَّر. ئِتَاس-د غَارْسن يسَّاوَاڒ اَكِذْسن خ ڒْمُلْك ن أَربِّـي.

أيث-روما 15:33

أَربِّـي ن ڒهْنَا اَكِذْوم يِيڒِي مَارَّا إِذْوم. آمِين.

1 أيث-كورينث 15:5

ثُمَّا يمظْهَار-اَس-د إِ بُطْرُس، سّنِّي يمظْهَار-اَسن-د إِ ثنْعَاش نِّي ن اَرُّسُل.

أيث-ؤفسوس 2:14

شُوْف، لْمَسِيح نتَّا س يِيخف نّس ذ ڒهْنَا نّغ. ذ نتَّا إِݣ يسْمُوْنن أَيث-إِسْرَائِيل ذ ڒݣْنُوْس نّغْنِي يݣَّا ثْنَاين ن شُّعُوْب-أَ ذݣ يِجّن ن شَّعْب. س دَّات ن لْمَسِيح يهْذم ڒْحِيض نِّي إِي تُوْغَا ذَانغ يفرّْقن س لْعَدَاوَا جَارَانغ.

أيث-ؤفسوس 6:23

أَذ يِيڒِي ڒهْنَا إِ أَيثْمَاثْنغ ذ ڒمْحِبّث اَك لْإِيمَان زِي أَربِّـي بَابَاثْنغ ذ سِيذِيثْنغ عِيْسَى لْمَسِيح.

أيث-فيليـپـي 1:2

أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

2 أيث-سلونيك 3:16

سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا.

يعيبرانيين 7:2

يُوْشَا-ٱس بْرَاهِيم إِ مَلِكِيصَادِق ڒَعْشُوْر، عشْرَا ذِي مِيَّا زِي مَارَّا. ذ اَمزْوَارُو ڒْمَعْنَا ن يِيسم-أَ ن مَلِكِيصَادِق يخس اَذ يِينِي <أَزدْجِيذ ن صُّلْح.> أُو عَاوذ نتَّا ذ لْمَلِك ن ثنْدِينْت ن سَالِيم يعْنِي ذ اَزدْجِيذ ن ڒهْنَا.

3 يوحنا 1:14

لَّا، تْمنِّيغ اَش ࢲْرغ ذغْيَا ڒخْدّنِّي أَ نسِّيوڒ اَغمْبُوْب ذݣ وغمْبُوْب.

لواحي ن يوحنا 1:4

زِي يُوْحَنَّا غَار سبْعَا ن ثْجُمَاع ن ڒْمُوْمِنِين ذِي لْإِقْلِيم ن آسْيَا. أَكِذْوم يِيڒِي اَرْضَا ذ ڒهْنَا زݣ ونِّي إِݣ يدْجَان، تُوْغَا يدْجَا، عَاذ اَذ د يَاس. أَكِذْوم يِيڒِي اَرْضَا زِي سبْعَا ن اَرُّوْحَاث إِݣ يدْجَان زَّاث إِ لْعَرْش نّس.