يوحنا 2:11 - ثريفيث 2020

¹¹ ثَانِيتَا ذ لْمُعْجِيزَا ثَمزْوَارُوْت إِݣ يݣّا عِيْسَى. ئِݣِّي-ت ذݣ وبِيلَاج نْ قَانَا ذِي ثْمُوْرْث ن لْجَالِيل. ئِسْمظْهَار-د لْعَظَمَا نّس، ؤُمْنن زَّايس يمحْضَارن نّس.

يوحنا 2:11 ပူးပေါင်းရင်းမြစ်များ

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

يوحنا 1:43

ثِيوشَّا نّس عِيْسَى يخس اَذ يرَاح غَار ثْمُوْرْث ن لْجَالِيل. ئِرُوْح يُوْفَا يجّن قَّارن-اَس فِيلِيپَّـاس ينَّا-ٱس: "ذْفَار-اَيِي-د!"

يوحنا 1:50

ينَّا-ٱس عِيْسَى: "مَا ثُوْمْنذ وَامِي ش نِّيغ ࢲْرِيغ-ش سْوَادَّاي إِ ثْشجَّارْث ن ثَازَارث؟" ينَّا-ٱس: "عَاذ اَذ تࢲرذ كْتَار زِي مَانَايَا.

يوحنا 10:41

ؤُسِين-د غَارس اَطَّاس نَّان، يَحْيَى وَار يݣِّي ؤُڒَا ذ يجّن ن لْمُعْجِيزَا، وَلَكِن مَارَّا مِين ينَّا خ وَانِيتَا ذ صَّح.

يوحنا 11:15

نش فَرْحغ وَامِي وَار ذِنِّي دْجِيغ حمَا اَذ تَامْنم. يَالَّه اَغَارس نْرَاح."

يوحنا 11:47

مُوْنن اَرُّوْيَاس ن ڒْفُقَهَا ذ يفَرِّيسيْين اَك جْمَاعث ن لْحُكَّام ن أَيث-إِسْرَائِيل نَّان: "مِين غَا نݣّ؟ قَا اَرْيَاز-أَ يتݣّ اَطَّاس ن لْمُعْجِيزَاث.

يوحنا 12:18

س مَانَايَا ڒْقَان-ث-يذ ڒْغَاشِي نّغْنِي مِينْزِي ڒْغَاشِي-يَا سْڒِين بلِّي تُوْغَا يݣّا لْمُعْجِيزَا نِّي.

يوحنا 12:37

عِيْسَى وَاخَّا يݣّا اَطَّاس ن لْمُعْجِيزَاث زَّاثْسن، وَار زَّايس ؤُمِينن شَا.

يوحنا 12:41

نَّبِي إِشَعْيَا ينَّا مَانَايَا خ عِيْسَى وَامِي يࢲْرَا لْعَظَمَا نّس يسِّيوڒ خَاس نتَّا.

يوحنا 14:13

مَارَّا مِين غَا ثتَّارم عْلَاحْسَاب يسم ينُو اَث خذْمغ حمَا اَذ يتْوَاسمْغَار بَابَا س مِّيس.

يوحنا 16:27

مِينْزِي بَابَا س يِيخف نّس يتحِبَّا-كنِّيو وَامِي ذَايِي ثْحِبّم ثُوْمْنم بلِّي نش فّْغغ-د زِي أَربِّـي.

يوحنا 16:30

ڒخُّو نشِّين نتْوَاڒَا بلِّي ثسّْنذ كُڒْشِي وَار ثحْذِيجذ وِي ش غَا يسّقْسَان. س مَانَايَا نُوْمن بلِّي ثُوْسِيذ-د زِي أَربِّـي."

يوحنا 2:1

ذِي نْهَار وِيس ثڒْتِيَّام ذِنِّي يجّن ن ڒْفَارْح ذݣ وبِيلَاج ن قَانَا ذِي ثْمُوْرْث ن لْجَالِيل. ذِنِّي يمَّاس ن عِيْسَى.

يوحنا 2:23

وَامِي يدْجَا ذِي ثنْدِينْت ن لْقُدْس ذِي ڒْعِيذ اَمقّْرَان ن أَيث-إِسْرَائِيل، أَطَّاس ن يِوْذَان إِي زَّايس يُوْمنن زݣ يِيسم نّس وَامِي ࢲْرِين لْمُعْجِيزَاث إِݣ يتݣّ.

يوحنا 3:2

يُوْسَا-د غَار عِيْسَى س دْجِيڒث ينَّا-ٱس: "آ لْمُعَلِّم، نشِّين نسّن بلِّي شك ذ اَمْسڒْمَاذ إِي د يُوْسِين زِي أَربِّـي. وَار يزمَّر ؤُڒَا ذ يجّن اَذ يݣّ شَان لْمُعْجِيزَاث زِي مِين تݣّذ شك إِلَّا مڒَا كِذس أَربِّـي."

يوحنا 4:3

سّنِّي يفّغ زِي ثْمُوْرْث ن يَهُوْذِيَا، ئِرُوْح غَار ثْمُوْرْث ن لْجَالِيل.

يوحنا 4:46

يُوْسَا-د عَاوذ غَار وبِيلَاج ن قَانَا ذِي ثْمُوْرْث ن لْجَالِيل مَانِي تُوْغَا يَارَّا اَمَان عَادِي ذ اَمَان ن وضِيڒ. أُو ذݣ وبِيلَاج ن كَفرْنَاحُوْم ذِنِّي يِجّن زݣ يمْخَازْنِيْين ن وزدْجِيذ يهْڒش مِّيس.

يوحنا 4:54

ذ ثَانِيتَا ذ لْمُعْجِيزَا وِيس ثْنَاين إِݣ يݣّا عِيْسَى زݣ وَامِي إِي د يفّغ زِي ثْمُوْرْث ن يَهُوْذِيَا غَار ثْمُوْرْث ن لْجَالِيل.

يوحنا 5:23

حمَا مَارَّا اَذ كَرْمن مِّيس اَمش تْكَرَّامن بَابَاس. ونِّي وَار يتْكَرِّيمن شَا مِّيس وَار يتْكَرِّيم شَا ؤُڒَا ذ بَابَاس إِي ثِيذ يسّكّن.

يوحنا 6:14

وَامِي ࢲْرِين لْمُعْجِيزَا نِّي إِي يݣّا، ئِوْذَان نَّان قَا ذ وَانِيتَا ذ نَّبي ذ صَّح تُوْغَا د غَا يَاسن اَذ يِيڒِي ذِي دُّنشْت-أَ.

يوحنا 6:2

ذْفَارن-ث اَطَّاس ن يِوْذَان وَامِي ࢲْرِين لْمُعْجِيزَاث نِّي وَامِي يسْݣنْفَا يمهْڒَاش.

يوحنا 6:26

ينْدق-د عِيْسَى ينَّا-ٱسن: "أَقَا تسْڒَام ڒْحَقّ: كنِّيو ثْرزُّوْم خَافِي وَار يدْجِي بُو وَامِي ثࢲْرِيم لْمُعْجِيزَاث، كنِّيو ثْرزُّوْم خَافِي وَامِي ثشِّيم ثْجِّيوْنم اَغْرُوْم.

يوحنا 6:30

نَّان-اَس: "مَان لْعَلَامَا ثَمقّْرَانْت إِي غَا ثݣّذ اَت نْࢲر حمَا اَزَّايك نَامن؟ مِين غَا ثݣّذ؟

يوحنا 7:31

إِنَّمَا، اَطَّاس زِي ڒْغَاشِي نِّي ؤُمْنن زَّايس. نَّان: "مَا ٱذ د يَاس عَاذ شَا ن لْمَسِيح اَذ يݣّ لْمُعْجِيزَاث كْتَار زِي ثِيْنَا يتݣّ وَانِيتَا؟"

يوحنا 9:16

نَّان ڒبْعَاض ن يفَرِّيسِيْين نِّي: "بْنَاذم نِّي وَار يدْجِي شَا زِي أَربِّـي مِينْزِي وَار يوقَّار شَا نْهَار ن لْعِبَادَا." وَلَكِن ڒبْعَاض نّغْنِي نَّان: "لَّا، مَامّش بْنَاذم ذ لْعَاصِي زَعْمَا اَذ يݣّ لْمُعْجِيزَاث-أَ؟" خ مَانَايَا يوْقع لْخِلَاف جَارَاسن.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

1 يوحنا 5:13

نش ؤُرِيغ-اَوم-د ثِمسْڒَايِين-أَ إِ كنِّيو إِي يُوْمْنن س يِيْسم ن مِّيس ن أَربِّـي حمَا اَذ تسّْنم إِلَّا غَارْوم ثُوْذَارْث ن ڒبْدَا ن ڒبْدَاث.