يوحنا 19:6 - ثريفيث 2020

⁶ وَامِي ث ࢲْرِين اَرُّوْيَاس ن ڒْفُقَهَا ذ يعسَّاسن، تْعيَّاضن س جّْهذ قَّارن-اَس: "صلّب-يث! صلّب-يث!" ينَّا-ٱسن بِيلَاطُوْس: "إِيْسِيم-ث كنِّيو صلّْبم-ث، نش وَار ذَايس ؤُفِيغ بُو شَان تُّهْمث."

يوحنا 19:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:58

ئِذْفَار-يث بُطْرُس زِي ڒݣّْوَاج، يُوْذف غَار ڒمْرَاح ن ثدَّارْث ن اَرَّايس ن ڒْفُقَهَا. يُوْذف يقِّيم ذِي ڒمْرَاح اَك يعسَّاسن حمَا اَذ يࢲر مِين غَا يوقْعن.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:22

ينَّا-ٱسن بِيلَاطُس: "إِيوَا، مِين ذَاس غَا ݣّغ إِ عِيْسَى ونِّي ؤُمِي قَّارن لْمَسِيح؟" نَّان-اَس مَارَّا: "صلّب-يث!"

أَسڒْمذ ن سِيذِيثْنغ عِيْسَى لْكِتَاب ن مَتَّى 27:24

وَامِي يُوْفَا بِيلَاطُس بلِّي وَار يقْضِي وَالُو اَرْنِين ذِي لْفَوْضَا، ييْسِي اَمَان يسِيرذ يفَاسّن نّس زَّاث إِ ڒْغَاشِي نِّي ينَّا-ٱسن: "أَقَا نش تْبرِّيغ اَزدْجِيف ينُو زݣ يذَامّن ن ورْيَاز-أَ! أَقَاث خ يِيرِي نْوم!"

لوقا 23:4

ينَّا-ٱسن بِيلَاطُوْس إِ اَرُّوْيَاس ن ڒْفُقَهَا ذ ڒْغَاشِي نِّي: "وَار خَاس تِيفغ بُو شَان تُّهْمث خ وثَرَّاس-أَ."

يوحنا 18:3

صَافِي، يُوْسَا-د يَهُوْذَا غَار جَرْدَا نِّي يُوْوِي-د اَكِذس ڒْعَسْكَار، تْوَاسّكّن اَكِذس عَاوذ شَان ن يعسَّاسن زݣ يفَرِّيسِيْين أُو زِي اَرُّوْيَاس ن ڒْفُقَهَا. ؤُسِين-د س ڒفْنَارَاث ذ يصْفضَاون ذ ڒسْنَاح.

يوحنا 18:31

ينَّا-ٱسن بِيلَاطُوْس: "إِيوَا اَوِيم-ث كنِّيو، أَخَاس ثْحكْمم س شَّرِيعَا نْوم." نَّان-اَس يسْرَائِيلِيْين: "وَار ذَانغ ثْسمّْحم شَا كنِّيو أَ نْنغ ؤُڒَا ذ يجّن."

يوحنا 18:38

ينَّا-ٱس بِيلَاطُوْس: "إِيوَا مِين ثعْنَا لْحَقِيقَا-يَا؟" وَامِي ينَّا اَمُّو، ئِفّغ عَاوذ غَار يسْرَائِيلِيْين ينَّا-ٱسن: "وَار ذَايس ؤُفِيغ بُو تُّهْمث.

يوحنا 19:15

وَلَكِن تْعيَّاضن س جّْهذ قَّارن: "إِيْسِي-ث إِيْسِي-ث، صلّب-يث!" ينَّا-ٱسن بِيلَاطُوْس: "مَا ٱذ صلّْبغ اَزدْجِيذ نْوم؟" أَرِّين خَاس اَرُّوْيَاس ن ڒْفُقَهَا نَّان-اَس: "وَار غَارْنغ بُو وزدْجِيذ إِلَّا قَيْصَر!"

يوحنا 19:4

ئِفّغ-د عَاوذ بِيلَاطُوْس ينَّا-ٱسن: "خْزَرث، أَذَاوم ثِيذ سُوفْغغ حمَا اَذ تسّْنم بلِّي نش وَار ذَايس ؤُفِيغ بُو شَان تُّهْمث."

ڒخذايم 2:23

ئِي كنِّيو مِين ذَاس ثݣِّيم؟ وَامِي يتْوَاسلّم عْلَاحْسَاب مَامّش يخس أَربِّـي ذ مَامّش تُوْغَا يسّن نتَّا، كنِّيو ثْصلّْبم-ث ثنْغِيم-ث س يفَاسّن ن لْكُفَّار.

ڒخذايم 7:52

مَا ينْجم شَان ن نَّبِي وَار ث عدّْبن شَا ڒجْذُوْذ نْوم؟ نِثْنِي نْغِين ؤُڒَا ذ لْأَنْبِيَا نِّي ن زْمَان إِي ينَّان قَا ٱذ د يَاس ونِّي يدْجَان صَّالِح، يعْنِي ونِّي ڒخُّو ثْخذْعم كنِّيو ثنْغِيم-ث.