يوحنا 19:42 - ثريفيث 2020

⁴² نْهَار نِّي تُوْغَا ذ جّمْعَا، ئِسْرَائِيلِيْين سوْجَاذن إِ نْهَار ن سّبْث ن لْعِبَادَا. خ مَانَاينِّي نضْڒن عِيْسَى ذݣ يِيفْرِي نِّي ن ونْضڒ مِينْزِي يُوْذس.

يوحنا 19:42 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:40

أَمش يسعْذُو يُوْنس ثڒْتِيَّام جَار دْجِيَاڒِي ذ وُوْسَّان ذݣ وعدِّيس ن وسْڒم اَمقّْرَان، أَمنِّي إِي غَا يسعْذُو مِّيس ن بْنَاذم ثڒْتِيَّام جَار دْجِيَاڒِي ذ وُوْسَّان ذݣ وعدِّيس ن ثْمُوْرْث.

يوحنا 19:14

نْهَار نِّي ذ جّمْعَا غَار جْوَايه ن ثنْعَاش، سوْجَاذن إِ ڒْعِيذ اَمقّْرَان. ينَّا-ٱسن بِيلَاطُوْس إِ يسْرَائِيلِيْين: "هَاقَاوم اَزدْجِيذ نْوم."

يوحنا 19:20

ثَڒْوِيحت نِّي غْرِين-ت اَطَّاس ن يسْرَائِيلِيْين مِينْزِي اَمْشَان مَانِي إِي صلّْبن عِيْسَى يُوْذس ثَنْدِينْت. ثَڒْوِيحت نِّي تُوْغَا ثُوْرَا س لْعِبْرِيَا ذ لَاتِينِيَا ذ ثْيُوْنَانِيث.

يوحنا 19:31

يوْقع مَانَاينِّي إِضنَّاظ ن ڒْعِيذ اَمقّْرَان. خ مَانَايَا يسْرَائِيلِيْين تَّارن-اَس إِ بِيلَاطُوْس اَذَاسن رْزن يضَارن إِ يِنِّي يتْوَاصلّْبن اَذ د سهْوَان دَّات نْسن زِي صَّلِيب. ݣِّين-اَسن اَمنِّي حمَا وَار تْغِيمِي دَّات نْسن خ صَّلِيب ذِي نْهَار ن سّبْث ن لْعِبَادَا مِينْزِي نْهَار ن سّبث نِّي ذ اَمقّْرَان اَطَّاس.

يوحنا 19:41

ذݣ ومْشَان نِّي مَانِي صلّْبن عِيْسَى ذِنِّي يجّن ن جَرْدَا. ذِي جَرْدَا نِّي ذَايس يجّن ن ونْضڒ ذ جْذِيذ يݣَّا اَم يِيفْرِي، وَار ذَايس ينْضِيڒ حَدّ.

ڒخذايم 13:29

وَامِي ݣِّين مَارَّا مِين تُوْغَا خَاس ؤُرِين لْأَنْبِيَا، سهْوَان-ث-يذ زِي ثحْنَاشْت سرْسن-ث ذݣ ونْضڒ.

1 أيث-كورينث 15:4

ثُمَّا يتْوَانْضڒ، ثُمَّا يتْوَاسْنكَّار-د ذݣ وَاسّ وِيس ثڒْتِيَّام مَامّش يقَّار لْكِتَاب.

أيث-كولوس 2:12

يعْنِي ثنْضْڒم اَكِذس س طَّهَارث نْوم ذݣ وَامَان، أُو عَاوذ س طَّهَارث نْوم ذݣ وَامَان ثكَّارم-د اَكِذس زِي ڒْموْث س لْإِيمَان نْوم ذِي ثْزمَّار ن أَربِّـي ونِّي د يسكَّرن عِيْسَى زِي ڒْموْث.