يوحنا 19:30 - ثريفيث 2020

³⁰ وَامِي يقَّاس عِيْسَى اَمَان نِّي، ينَّا: "ئِتْوَاكمّڒ!" ئِسَذَار اَزدْجِيف نّس، ئِسلّم بُوْحْبڒ نّس.

يوحنا 19:30 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

أَسڒْمذ ن سِيذِيثْنغ عِيْسَى لْكِتَاب ن مَتَّى 27:50

ئِرَاغَا عِيْسَى عَاوذ س يِجّن ن ثْمِيجَّا ثمْغَر أُوْشَا يسلّم بُوْحْبڒ نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:15

ئِنْدق-د عِيْسَى ينَّا-ٱس: "غِير قْبڒ ڒخُّو، ذ مَانَايَا إِݣ يدْجَان نِيشَان حمَا اَذ يكمّڒ مَارَّا مِين يخس سِيذِي أَربِّـي." أُوشَا يقْبڒ يَحْيَى.

مرقس 15:37

يڒَاغَا عِيْسَى س يِجّن ن ثْمِيجَّا ثمْغَر يَارَّا نّفْس صَافِي يمُّوْث.

لوقا 22:37

أَذَاوم ينِيغ: أُو لَابُد اَذَايِي يوْقع مِين يُوْرِين ذِي لْكِتَاب عْلَاحْسَاب مَامش يقَّار: <حسْبن-ث اَك لْمُجْرِمِين.> إِيوَا مِين خَافِي يُوْرِين صَافِي اَذ يوْقع."

لوقا 23:46

ئِڒَاغَا عِيْسَى س يِجّن ن ثْمِيجَّا ثجْهذ ينَّا: "آ بَابَا، نش بُوْحْبڒ ينُو سلّْمغ-اَش-ث ذݣ يفَاسّن نّش." وَامِي ينَّا مَانَايَا يَارَّا نّفْس صَافِي يمُّوْث.

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

يوحنا 10:18

ؤُڒَا ذ يجّن وَار زَّايِي ت يتكّس شَا؛ لَّا، نش تْصدَّاقغ ثُوذَارْث ينُو س ڒْخَاضَر ينُو. غَاري جّْهذ حمَا اَت صدّْقغ. غَاري جّْهذ حمَا اَتِيد اَرّغ عَاوذ. أَمُّو إِي ذَايِي يوصَّا بَابَا."

يوحنا 17:4

نش سمْغَارغ-ش ذَا ذِي ثْمُوْرْث، كمّْڒغ ڒْخذْمث إِي ذَايِي ثُوْشِيذ.

يوحنا 19:28

منْبَعْد إِ مَانَايَا يسّن عِيْسَى بلِّي كُڒْشِي يكْمّڒ، ينَّا: "أَقَايِي فُّوْذغ." س وَاوَاڒ نِّي يفّغ مِين د يُوْسِين ذِي لْكِتَاب.

يوحنا 4:34

ينَّا-ٱسن عِيْسَى: "ڒْمَكْلَا ينُو اَذ خذْمغ مِين يخس ونِّي ذَايِي د يسّكّن اَذ كمّْڒغ ڒْخذْمث نّس.

أيث-روما 10:4

لِأَنَّا لْمَسِيح ذَايس ذِي نتَّا إِي ثْكمّڒ شَّرِيعَا حمَا مَارَّا وِي زَّايس غَا يَامْنن اَذ يمصْڒَاح اَك أَربِّـي.

أيث-روما 3:25

أَربِّـي يقدّم-يث ذ لْفِدْيَا حمَا اَذ تْوَاغْفَارنْت ڒْمُعْصِيَاث س يذَامّن نّس، يعْنِي إِ يِنِّي يقبّْڒن مَانَاينِّي س لْإِيمَان نْسن. س مَانَاينِّي يسْمظْهَار-د أَربِّـي ڒْحَقّ نّس. نتَّا تُوْغَا يصبَّار، وَار ت يُوْوِي شَا ذِي ڒْمُعْصِيَاث نِّي إِي يعْذُوْن،

1 أيث-كورينث 5:7

كّْسث اَنْتُوْن نِّي اَقْذِيم حمَا اَذ تِيڒِيم ذ يجّن ن ڒْعَاجْنث ذ جْذِيذ ن ورشْثِي بْڒَا اَنْتُوْن. لِأَنَّا اَمُّو ذ صَّح إِي ثدْجَام كنِّيو. شُوْف، ئِتْوَاغَرص ڒْعِيذ نّغ يعْنِي لْمَسِيح.

أيث-فيليـپـي 2:8

وَامِي د يمظْهَار اَم صِّفث ن يِجّن ن بْنَاذم، ئِسهْوَا-د يخف نّس يطَاع حتَّا وَامِي يمُّوْث يجّن ن ڒْموْث ذِي صَّلِيب.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 9:22

أُو ذ صَّح عْلَاحْسَاب شَّرِيعَا ن مُوْسَى عْڒَاين مَارَّا ثِمسْڒَايِين اَذ تْوَاسِّيصْفَانْت س يذَامّن. أُو بْڒَا مَا ٱذ اَزّْڒن يذَامّن اَتَاف ڒْمُعْصِيَاث وَار تْوَاغْفِيرنْت شَا.