يوحنا 19:17 - ثريفيث 2020

¹⁷ ئِفّغ عِيْسَى يَارْبُو صَّلِيب س يِيخف نّس يرُوْح غَار يِجّن ن ومْشَان قَّارن-اَس <أَمْشَان ن جُمْجُمَا.> س وَاوَاڒ ن يسْرَائِيلِيْين قّارن-اَس <ݣُوْلْݣُوْطَا.>

يوحنا 19:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:38

ونِّي يتَاݣِين اَذ ييْسِي صَّلِيب نّس اَذَايِي يذْفَار نش، أَتَاف وَار ذَايِي يسْذِيهدْج شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:24

سّنِّي يسِّيوڒ عِيْسَى اَك يمحْضَارن نّس ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس اَذَايِي يذْفَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 27:37

غَار وزدْجِيف نّس ݣِّين-اَس يجّن ن ثڒْوِيحْت ثُوْرَا ذَايس تُّهْمَا نِّي يقَّارن: "وَانِيتَا ذ عِيْسَى، أَزدْجِيذ ن أَيث-إِسْرَائِيل."

مرقس 10:21

ئِخْزَر غَارس عِيْسَى يُوْذف-اَس غَار وُوْڒ نّس ينَّا-ٱس: "قَا ثقِّيم-اَش يجّن ن ڒْحَاجث وَار ت ثݣِّيذ شَا." ينَّا-ٱس: "رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين اَغَارك يِيڒِي ڒْكنْز ذݣ وجنَّا، ڒخْدّنِّي اَرَاح-د شك ذْفَار-اَيِي-د."

مرقس 15:26

غَار وزدْجِيف نّس ݣِّين-اَس يجّن ن ثڒْوِيحت ثُوْرَا ذَايس تُّهْمَا نِّي يقَّارن: "وَانِيتَا ذ اَزدْجِيذ ن أَيث-إِسْرَائِيل."

مرقس 15:32

هْوَا-د آ لْمَسِيح آي اَزدْجِيذ ن أَيث-إِسْرَائِيل ڒخُّو زݣ وجنَّا زِي صَّلِيب-أَ حمَا أَ نࢲر مَانَايَا اَزَّايك نَامن!" أَمنِّي عَاوذ إِي ث زَوَرن لْمُجْرِمِين نِّي إِي كِذس صلّْبن.

مرقس 8:34

ئِڒَاغَا-د خ يمحْضَارن نّس ذ ڒْغَاشِي ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس مِينْخف غَا يعدّب اَذَايِي يذْفَار.

لوقا 14:27

ونِّي يرزُّوْن اَذَايِي يذْفَار وَار يكسِّي شَا صَّلِيب نّس مِيخ غَا يعدّب، أَتَاف وَار يزمَّر اَذ يِيڒِي ذ اَمحْضَار ينُو.

لوقا 23:26

وَامِي ؤُوِين عِيْسَى اَث صلّْبن، طّْفن يجّن ن ورْيَاز زِي ثنْدِينْت ن لْقُرِينَا قَّارن-اَس سِمْعَان، أَرْيَاز-أَ يكَّا-د زِي ڒْكَامْپُـو يعْذُو-د سّنِّي. سَرْبُوْن-اَس ڒْعَسْكَار صَّلِيب حمَا اَث يَرْبُو اَذ يذْفَار عِيْسَى.

لوقا 23:33

وَامِي ؤُوْضن غَار ومْشَان نِّي ؤُمِي قَّارن جُمْجُمَا، صلّْبن-ث ذِنِّي اَك ثْنَاين نِّي ن لْمُجْرِمِين، ئِجّن خ وفُوْسِي يجّن خ وࢲڒْمَاذ.

لوقا 23:38

غَار وزدْجِيف نّس ݣِّين-اَس يجّن ن ثڒْوِيحت ثُوْرَا ذَايس: وَانِيتَا ذ اَزدْجِيذ ن أَيث-إِسْرَائِيل.

لوقا 9:23

ثُمَّا ينَّا-ٱسن إِ مَارَّا يوْذَان نِّي: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس، لَابُد كُڒ نْهَار اَذ يكسِّي صَّلِيب نّس مِينْخف غَا يعدّب اَذَايِي يذْفَار.

يوحنا 19:13

وَامِي يسْڒَا بِيلَاطُوْس اَوَاڒ-أَ يسُوْفغ عِيْسَى، ئِقِّيم بِيلَاطُوْس خ ڒْكُرْسِي ن ڒحْكَام ذݣ يِجّن ن ومْشَان قَّارن-اَس <سَّحَا ن وزْرُو.> س وَاوَاڒ ن يسْرَائِيلِيْين قّارن-اَس <ݣَبَّاطَا.>

يوحنا 5:2

ذِي لْقُدْس زَّاث إِ ثوَّارْث وحُوْڒِي ذِنِّي طَّارْف نّس يجّن ن صَّرِيج قَّارن-اَس س وَاوَاڒ ن أَيث-إِسْرَائِيل بَيْت حِسْدَا، غَارس خمْسَا ن يسقِّيفن.

ڒخذايم 7:58

سُوْفْغن-ث بَارَّا إِ ثنْدِينْت بْذَان رجّْمن-ث س وزْرُو. سرْسن يزدْجُوْبَا نْسن غَار يضَارن ن يِجّن ن شَّاب قَّارن-اَس شَاوُل.