يوحنا 18:4 - ثريفيث 2020

⁴ ئِسّن عِيْسَى مَارَّا مِين ذَاس غَا يوقْعن، ئِفّغ-د غَارْسن ينَّا-ٱسن: "مِينْخف ثْرزُّوْم؟"

يوحنا 18:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:2

"ثسّْنم بلِّي ڒْعِيذ اَمقّْرَان ن أَيث-إِسْرَائِيل يقِّيم-اَس يُوْمَاين. ذَايس إِي غَا يتْوَاسلّم مِّيس ن بْنَاذم اَذ يتْوَاصلّب."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:21

قِّيمن تتّن ينَّا-ٱسن عِيْسَى: "أَقَا تسْڒَام ڒْحَقّ: يجّن زَّايوم اَذَايِي يزّنْز."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:31

ينَّا-ٱسن عِيْسَى إِ يمحْضَارن نّس: "دْجِيڒث-أَ ثَانِيتَا اَذَايِي ثْسمْحم مَارَّا إِذْوم مِينْزِي يقَّار لْكِتَاب: أَذ ؤُوْثغ ونِّي يرَاسّن يحُوْڒِيْين، كُڒ يجّن زِي ثْحِيمرْث مَانِي غَا يَرْوڒ.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 13:11

نتَّا يسّن ونِّي إِي ث غَا يزّنْزن. س مَانَاينِّي ينَّا كنِّيو وَار ثدْجِيم شَا مَارَّا ذ يمنْقَاوِيْين.

يوحنا 18:5

نَّان-اَس: "خ عِيْسَى زِي نَاصِرَا." ينَّا-ٱسن: "أَقَا ذ نش." ئِبدّ اَكِذْسن يَهُوْذَا ونِّي إِي ث يزّنْزن.

يوحنا 18:7

ينَّا-ٱسن عَاوذ: "مِينْخف ثْرزُّوْم؟" نَّان-اَس: "خ عِيْسَى زِي نَاصِرَا."

يوحنا 19:28

منْبَعْد إِ مَانَايَا يسّن عِيْسَى بلِّي كُڒْشِي يكْمّڒ، ينَّا: "أَقَايِي فُّوْذغ." س وَاوَاڒ نِّي يفّغ مِين د يُوْسِين ذِي لْكِتَاب.

يوحنا 6:64

وَلَكِن ذَايْوم يِنِّي وَار يتِيمْنن شَا." مِينْزِي عِيْسَى يسّن زݣ ومزْوَارُو يِنِّي ذَايْسن وَار يتِيمْنن شَا ذ ونِّي إِي ث غَا يزّنْزن.

ڒخذايم 2:28

ثْسظْهَارذ-اَيِي-د يبْرِيذن ن ثُوْذَارْث، أَذَايِي ثسْفَرْحذ س وَاطَّاس خْمِي غَا ࢲرغ اَغمْبُوْب نّش.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.