يوحنا 18:28 - ثريفيث 2020

²⁸ ؤُوِين عِيْسَى زِي ثدَّارْث ن قِيَافَا غَار ڒقْصَر ن لْحَاكم، تُوْغَا زِيش. ئِسْرَائِيلِيْين وَار ؤُذِيفن شَا غَار ڒقْصَر حمَا وَار سْحرِّيم شَا ڒْعِيذ خ يِيخف نْسن.

يوحنا 18:28 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:27

ؤُوِين-ث ڒْعَسْكَار ن لْحَاكم غَار ڒمْرَاح ن ڒقْصَار ن لْحَاكم، سْمُوْنن-د ذِنِّي مَارَّا لْفِرْقَا ن ڒْعَسْكَار نِّي.

مرقس 15:16

ؤُوِين-ث ڒْعَسْكَار غَار ذَاخڒ، غَار ڒمْرَاح ن ڒقْصَار ن لْحَاكم، سْمُوْنن-د ذِنِّي مَارَّا لْفِرْقَا ن ڒْعَسْكَار نِّي.

لوقا 22:66

وَامِي يصْبح ڒْحَاڒ مُوْنن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا، ؤُوِين عِيْسَى غَار جْمَاعث ن لْحُكَّام نْسن.

يوحنا 11:55

ئِقَارّب-د ڒْعِيذ اَمقّْرَان ن أَيث-إِسْرَائِيل. ؤُسِين-د اَطَّاس ن يِوْذَان زِي ڒدْشُوْر غَار لْقُدْس حمَا اَذ طهَّارن يخف نْسن قْبڒ إِ ڒْعِيذ.

يوحنا 18:13

ذ اَمزْوَارُو ندْهن-ث غَار يجّن قَّارن-اَس حَنِّين مِينْزِي نتَّا ذ بَابَاس ن ثمْغَارْث ن قِيَافَا. قِيَافَا تُوْغَاث ذ اَرَّايس ن ڒْفُقَهَا ذݣ وسݣّْوَاس نِّي.

يوحنا 18:15

سِمْعَان بُطْرُس ذ يجّن ن ومحْضَار نّغْنِي ذْفَارن عِيْسَى. أَمحْضَار نِّي مَعْرُوْف غَار اَرَّايس ن ڒْفُقَهَا، يُوْذف اَك عِيْسَى غَار ڒمْرَاح ن ثدَّارْث ن اَرَّايس نِّي.

يوحنا 18:33

سّنِّي يُوْذف-د عَاوذ بِيلَاطُوْس غَار ڒقْصَر، ئِڒَاغَا خ عِيْسَى ينَّا-ٱس: "مَا ذ شك ذ اَزدْجِيذ ن أَيث-إِسْرَائِيل؟"

يوحنا 18:39

وَلَكِن ثْنُوْمم ضدْجْقغ-اَوم-د إِ يِجّن ن ومحْبُوْس ذِي ڒْعِيذ اَمقّْرَان. ڒخُّو، مَا ثخْسم اَذَاوم د ضڒْقغ إِ وزدْجِيذ ن أَيث-إِسْرَائِيل؟"

يوحنا 19:11

ئِنْدق-د عِيْسَى ينَّا-ٱس: "وَار غَارك بُو جّْهذ خَافِي إِلَّا مڒَا يمُّوْش-اَش زِي أَربِّـي. عْلَاحْسَاب مَانَايَا، ونِّي إِي ذَايِي د يُوْوِين غَارش، غَارس دّْنُوْب كْتَار زَّايك."

يوحنا 19:14

نْهَار نِّي ذ جّمْعَا غَار جْوَايه ن ثنْعَاش، سوْجَاذن إِ ڒْعِيذ اَمقّْرَان. ينَّا-ٱسن بِيلَاطُوْس إِ يسْرَائِيلِيْين: "هَاقَاوم اَزدْجِيذ نْوم."

يوحنا 19:9

يُوْذف عَاوذ غَار ڒقْصَر نّس ينَّا-ٱس إِ عِيْسَى: "مَانِيس شك؟" عِيْسَى وَار خَاس يَارِّي شَا.

ڒخذايم 10:28

ينَّا-ٱسن: "قَا ثسّْنم بلِّي يسْرَائِيلِيْين غَارْسن حْرَام اَذ خلّْطن اَك ڒْبَارَّانِي نِغ اَذ اَذْفن ثَدَّارْث نْسن. وَلَكِن أَربِّـي يسْفَاهم-اَيِي-د قْبڒ وَار قَّارغ إِ حَدّ قَا شك حْرَام نِغ مكْرُوْه.

ڒخذايم 10:32

سكّ غَار ثنْدِينْت ن يَافَا، أَوِي-د سِمْعَان ونِّي ؤُمي قَّارن بُطْرُس. أَقَاث ذِنِّي ذ اَنوْجِي ذِي ثدَّارْث ن يِجّن ن بُو-يِيڒْمَاون قَّارن-اَس سِمْعَان خ طَّارْف ن ڒبْحَر.

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

ڒخذايم 4:27

لِأَنَّ ذ صَّح اَزدْجِيذ هِيرُدُوْس ذ لْحَاكم بُنْطْيُوْس بِيلَاطُس مُوْنن اَك أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل ذِي ثنْدِينْت-أَ. تَافْقن ضد إِ وخدَّام نّش يقدّْسن عِيْسَى إِي ثِيخْضَرذ.