يوحنا 17:9 - ثريفيث 2020

⁹ تتَّارغ عْلَاحْسَاب إِ نِثْنِي. وَار تتَّارغ شَا عْلَاحْسَاب إِ دُّنشْت-أَ؛ لَّا، تتَّارغ عْلَاحْسَاب إِ يِنِّي إِي ذَايِي ثُوْشِيذ مِينْزِي نِثْنِي نّش.

يوحنا 17:9 ပူးပေါင်းရင်းမြစ်များ

لوقا 22:32

تتَّارغ اَكِذش غَار سِيذِي أَربِّـي حمَا لإِيمَان نّش وَار ينقّص شَا. خْمِي غَارِي د غَا ثْذوْڒذ، شجّع اَيْثْمَاش."

لوقا 23:34

ينَّا عِيْسَى: "آ بَابَا، غْفَر يوْذَان-أَ قَا وَار سِّينن شَا مِين تݣّن." ڒْعَسْكَار نِّي ݣِّين لْقُرْعَا خ وَارُّوْض نّس حمَا كُڒ يجّن مِين غَا ييْسِي.

لوقا 8:34

يِنِّي يَروّْسن، ࢲْرِين مِين يوقْعن اَروْڒن سُوْفْغن ڒخْبَار ذِي ثنْدِينْت ذ ڒدْشُوْرَاث.

يوحنا 14:16

نش اَذ تَّارغ إِ بَابَا حمَا اَذَاوم يُوْش لْمُعَاوِن نّغْنِي حمَا اَكِذْوم يتِيڒِي إِ ڒبْدَا.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

يوحنا 17:20

وَار تتَّارغ شَا عْلَاحْسَاب إِ نِثْنِي وَاهَا، تتَّارغ عْلَاحْسَاب إِ يِنِّي إِي غَا يقبْڒن اَوَاڒ نْسن حمَا اَذ اَمْنن زَّايِي.

يوحنا 17:6

سْبيّْنغ-د يسم نّش إِ يمحْضَارن-أَ إِي ذَايِي ثُوْشِيذ زِي دُّنشْت-أَ. شك ثدْجِيذ ذ بَاب نْسن قْبڒ، ثُوْشِيذ-اَيِي-ثن، قَا طَاعن إِ وَاوَاڒ نّش.

يوحنا 6:37

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

يوحنا 6:39

مِين يخس ونِّي إِي ذَايِي د يسّكّن؟ يخس بلِّي زِي مَارَّا مِين ذَايِي يُوْشَا وَار ذَايِي يتْودَّار ؤُڒَا ذ يجّن، أَثن د سكَّرغ ذِي نْهَار اَنݣَّارُو.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.