يوحنا 17:6 - ثريفيث 2020

⁶ سْبيّْنغ-د يسم نّش إِ يمحْضَارن-أَ إِي ذَايِي ثُوْشِيذ زِي دُّنشْت-أَ. شك ثدْجِيذ ذ بَاب نْسن قْبڒ، ثُوْشِيذ-اَيِي-ثن، قَا طَاعن إِ وَاوَاڒ نّش.

يوحنا 17:6 ပူးပေါင်းရင်းမြစ်များ

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 12:28

آ بَابَا، سمْغَار يسم نّش." أُوْشَا يُوْسَا-د يجّن ن صُّوْت زݣ وجنَّا ينَّا، سمْغَارغ-ث، أَث سمْغَارغ عَاوذ.

يوحنا 15:19

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.

يوحنا 15:3

كنِّيو ذ يمنْقَاوِيْين ذݣ وسڒْمذ إِي ذَاوم نِّيغ.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

يوحنا 17:12

وَامِي كِذْسن دْجِيغ، حفْضغ خَاسن س يِيسم نّش إِي ذَايِي ثُوْشِيذ. حْضِيغ-ثن، ؤُڒَا ذ يجّن مَا يودَّر غِير ونِّي تُوْغَا يودَّرن حمَا اَذ يكمّڒ مِين يقَّار لْكِتَاب.

يوحنا 17:14

سِّيوْضغ-اَسَن اَوَاڒ نّش إِ يمحْضَارن ينُو، نِثْنِي عِيفّن-ثن يِوْذَان مِينْزِي وَار دْجِين شَا زِي دُّنشْت-أَ اَمشْنَاو نش وَار دْجِيغ شَا زِي دُّنشْت.

يوحنا 17:16

نِثْنِي وَار دْجِين شَا زِي دُّنشْت، أَمشْنَاو نش وَار دْجِيغ شَا زِي دُّنشْت.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

يوحنا 17:26

نش سْبيّْنغ-اَسن-د يسم نّش أُو عَاذ اَث سْبيّْنغ حمَا اَذَايْسن ثِيڒِي ڒمْحِبّث نِّي إِي زِي ذَايِي تْحِبِّيذ، أَذَايْسن يڒِيغْ نش س يِيخف ينُو."

يوحنا 17:7

ڒخُّو سّْنن بلِّي مَارَّا مِين ذَايِي ثُوْشِيذ يُوْسَا-د زِي غَارك.

يوحنا 18:9

س وَاوَاڒ-أَ يكمّڒ مِين ينَّا عِيْسَى زِي قْبڒ يعْنِي <وَار ذَايِي يودَّر حَدّ زݣ يِنِّي إِي ذَايِي ثُوْشِيذ.>

يوحنا 6:37

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

يوحنا 6:39

مِين يخس ونِّي إِي ذَايِي د يسّكّن؟ يخس بلِّي زِي مَارَّا مِين ذَايِي يُوْشَا وَار ذَايِي يتْودَّار ؤُڒَا ذ يجّن، أَثن د سكَّرغ ذِي نْهَار اَنݣَّارُو.

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

يوحنا 8:52

نَّان-اَس يسْرَائِيلِيْين: "رخُّو نسّن بلِّي شك ذَايك جْنُوْن. سِيذْنَا بْرَاهِيم ذ لْأَنْبِيَا مَارَّا مُّوْثن. شك ثقَّارذ مڒَا شَان يِجّن اَذ يݣّ اَرَّاي إِ وَاوَاڒ ينُو عمَّارْص اَذ يقَّاس ڒْموْث.

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

أيث-روما 11:2

أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس:

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

2 تيموتاوس 1:13

مثّل تَّعْلِيم نِّي نِيشَان إِي ثسْڒِيذ زَّايِي، أَكِذس إِي غَا يِيڒِي يجّن ن لْإِيمَان ذ يِجّن ن ڒمْحِبّث إِي يدْجَان ذِي عِيْسَى لْمَسِيح.

يعيبرانيين 2:12

لَّا، يقَّار-اَس إِ أَربِّـي: <أَذ سِّيوْڒغ خ يِيسم نّش اَك أَيثْمَا، ذِي ڒْوسْط ن جْمَاعث اَش حمْذغ س يغنِّيجن.>

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

1 بطرس 1:1

نش ذ بُطْرُس ذ اَرَّسُوْل ن عِيْسَى لْمَسِيح. تْسكِّيغ-د ثَبْرَات-أَ إِ يِنِّي إِݣ يخْضَر أَربِّـي إِي يدْجَان ذ يعزَّابن يتمْزدْجَاعن ذِي لْإِقْلِيم ن پُـنْطُس ذ لْإِقْلِيم ن ݣَلَاطْيَا ذ لْإِقْلِيم ن كَفَدُوْسْيَا ذ لْإِقْلِيم ن آسْيَا ذ لْإِقْلِيم ن بِـيْثَانْيَا.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.