يوحنا 17:24 - ثريفيث 2020

²⁴ آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

يوحنا 17:24 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:21

ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:23

ينَّا-ٱس سِيذس: ثݣِّيذ مْلِيح، آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:29

أَقَا قَّارغ-اَوم: زِي سَّا اَڒ ثْسَاونْت وَار سسّغ شَا زݣ وَامَان-أَ ن وضِيڒ حتَّا اَڒ نْهَار نِّي إِي ثن غَا سْوغ اَكِذْوم زِي جْذِيذ ذِي ڒْمُلْك ن بَابَا."

لوقا 12:37

سَّعْذ ن يخدَّامن نِّي مڒَا يُوْسَا-د سِيذِيثْسن يُوْفِي-ثن عَاذ وَار طِّيصن شَا. أَقَا تسْڒَام ڒْحَقّ: أَذ يݣفّض سِيذِيثْسن اَثن يسْغِيم، أَذ يبْذَا يتْسخَّار خَاسن.

لوقا 23:43

ئِنْدق-د عِيْسَى ينَّا-ٱس: "أَقَا تسْڒِيذ ڒْحَقّ: نْهَارَا اَذ تِيڒِيذ اَكِذِي ذِي جّنّث."

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 12:26

ونِّي يخْسن اَذَايِي يخْذم، ئِتْخصَّا اَذَايِي يذْفَار. مَانِي غَا يڒِيغ نش، أَذ يِيڒِي عَاوذ ذ اَخدَّام ينُو. ونِّي ذَايِي غَا يخذْمن، أَث يكَرّم بَابَا.

يوحنا 14:3

خْمِي غَا رَاحغ اَذَاوم سْوجْذغ اَمشَان نِّي، أَذ د ذوْڒغ عَاوذ اَكنِّيو يْسِيغ اَكِذِي حمَا اَذ تِيڒِيم كنِّيو مَانِي غَا يڒِيغ نش.

يوحنا 15:9

نش تْحِبِّيغ-كنِّيو اَمشْنَاو مَامش ذَايِي يتْحِبَّا بَابَا. إِڒِيث ذِي ڒمْحِبّث ينُو.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

يوحنا 17:22

نش ؤُشِيغ-اَسَن لْعَظَمَا إِي ذَايِي ثُوْشِيذ حمَا اَذ يڒِين ذ يجّن اَم نشِّين ذ يجّن.

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 6:37

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

يوحنا 6:39

مِين يخس ونِّي إِي ذَايِي د يسّكّن؟ يخس بلِّي زِي مَارَّا مِين ذَايِي يُوْشَا وَار ذَايِي يتْودَّار ؤُڒَا ذ يجّن، أَثن د سكَّرغ ذِي نْهَار اَنݣَّارُو.

يوحنا 8:58

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: قْبڒ مَا ٱذ يِيڒِي بْرَاهِيم، نش دْجِيغ."

1 أيث-كورينث 13:12

أَقَا ڒخُّو نْخزَّر ذݣ يِجّن ن ثِيسِيث وَار ثصْفِي شَا، مَاشَا منْبَعْد أَ نمْࢲر مْلِيح قَارَا ذِي قَارَا. ڒخُّو مِين سّْنغ ذ اَنقْصِي إِݣ يدْجَا، منْبَعْد اَذ سّْنغ نش ثِمسْڒَايِين مَارَّا، كِيف-كِيف مَامّش تْوَاسّْنغ نش ذَانِيتَا.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

22 أيث-كورينث 5:8

وَار نْتفْشِيڒ شَا، لَّا! مَعْلِيش نشِّين مڒَا نْتَاݣّْوَاج زِي دَّات-أَ ن دُّنشْت-أَ اَتَاف نشِّين نتْعِيش اَك سِيذِيثْنغ.

أيث-فيليـپـي 1:23

ڒخُّو اَقَايِي جَار ثْنَاين ن ثْمسْڒَايِين-أَ إِي غَا يخْضَرغ. ذَايِي مِيزْڒِي اَذ ؤُيُوْرغ زِي ثُوْذَارْث-أَ اَذ يڒِيغ اَك لْمَسِيح ڒَاحقَّاش مَانَايَا قَاع حْسن زِي مَارَّا.

1 أيث-سلونيك 4:17

سّنِّي نشِّين يعْنِي يِنِّي عَاذ يدَّرن يعْنِي ينِّي عَاذ اَقَانغ ذِي دُّنشْت-أَ اَتَاف اَكِذْسن نتْوَارْفع غَار وجنَّا ذݣ يسيْنُوْثن بَاش أَ نْمڒْقَا اَك سِيذِيثْنغ ذِي لْهَوَا. وَا ٱمنِّي اَكِذس نِيڒِي إِ ڒبْدَا.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

لواحي ن يوحنا 21:22

وَار ࢲْرِيغ شَا ثَمْزِيذَا ثَمقّْرَانْت ذِي ثنْدِينْت نِّي، مَايمِّي؟ لِأَنَّا سِيذِي أَربِّـي إݣ يزمَّرن إِ كُڒْشِي اَك يِزْمَار نِثْنِي إِݣ يدْجَان ذ ثَمْزِيذَا-يَا ثَمقّْرَانْت.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.