يوحنا 17:20 - ثريفيث 2020

²⁰ وَار تتَّارغ شَا عْلَاحْسَاب إِ نِثْنِي وَاهَا، تتَّارغ عْلَاحْسَاب إِ يِنِّي إِي غَا يقبْڒن اَوَاڒ نْسن حمَا اَذ اَمْنن زَّايِي.

يوحنا 17:20 ပူးပေါင်းရင်းမြစ်များ

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 17:19

نش صفِّيغ يخف ينُو خ سَّبَاب نْسن حمَا اَذ تْوَاصفَّان ؤُڒَا ذ نِثْنِي عَاوذ س لْحَقِيقَا.

يوحنا 17:21

حمَا اَذ يڒِين مَارَّا ذ يجّن آ بَابَا، أَم شك اَقَاش ذَايِي نش اَقَايِي ذَايك. حمَا اَذ يڒِين نِثْنِي عَاوذ ذ يجّن ذَايْنغ. حمَا اَذ اَمْنن يِوْذَان قَا ذ شك إِي ذَايِي د يسّكّن.

ڒخذايم 2:41

سّنِّي يِنِّي يقبْڒن اَوَاڒ نّس رُوْحن تْوَاطهَّارن س وَامَان. نْهَار نِّي مَارْنِين شَان ثڒْتْاَڒَاف إِذْسن غَار ڒْمُوْمِنِين.

ڒخذايم 4:4

أَطَّاس ن يِوْذَان إِي يسْڒِين إِ وَاوَاڒ نْسن ؤُمْنن. يرْيَازن نِّي إِي يُوْمْنن ڒخُّو ؤُوْضن غَار يِجّن خمْسَاڒَاف إِذْسن.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-ؤفسوس 4:11

ذ نتَّا إِݣ يخْضَرن اَرُّسُل ذ لْأَنْبِيَا ذ يِنِّي إِݣ يتْبشَّارن س لْإِنْجِيل ذ ڒْفُقَهَا ذ يمْسڒْمَاذن.

2 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي يعِيزّن خَافِي. أَكِذش يِيڒِي اَرْضَا ذ ڒهْنَا ذ اَرَّاحْمث زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.