يوحنا 16:5 - ثريفيث 2020

⁵ ڒخُّو نش اَذ رَاحغ غَار ونِّي إِي ذَايِي د يسّكّن، وَلَكِن كنِّيو ؤُڒَا ذ يجّن زَّايْوم وَار ذَايِي يسّقْسِي مَانِي غَا رَاحغ.

يوحنا 16:5 ပူးပေါင်းရင်းမြစ်များ

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 13:36

ينَّا-ٱس سِمْعَان بُطْرُس: "مَانِي غَا ثْرَاحذ آ سِيذِي؟" ينَّا-ٱس عِيْسَى: "مَانِي غَا رَاحغ نش، ڒخُّو وَار ثْزمَّرذ شَا اَذَايِي ثذْفَارذ ذِنِّي. وَلَكِن عَاذ اَذَايِي د ثذْفَارذ."

يوحنا 14:28

ثسْڒَام قَا نِّيغ-اَوم: نش اَذ ؤُيُوْرغ، أَذ د عقْبغ غَارْوم. مڒَا ثْحِبِّيم-اَيِي، أَتَاف كنِّيو اَذ تْفَرْحم بلِّي اَذ رَاحغ غَار بَابَا مِينْزِي بَابَا ذ اَمقّْرَان خَافِي.

يوحنا 16:10

غَلْطن خ مِين يصڒْحَان مِينْزِي ݣُّوْرغ غَار بَابَا، وَار ذَايِي ثْࢲرّم شَا زِي سَّا ٱڒ ثْسَاونْت.

يوحنا 16:16

ينَّا-ٱسن عِيْسَى: "شْوِيت ن ڒْوقْث وَار ذَايِي ثْࢲرّم شَا، شْوِيت ن ڒْوقْث عَاذ اَذَايِي ثࢲرم."

يوحنا 16:17

نَّان ڒبْعَاض ن يمحْضَارن نّس جَارَاسن: "مِين يخس اَذ يِينِي س وَاوَاڒ-أَ؟ ئِقَّار-اَنغ شْوِيت ن ڒْوقْث وَار ذَايي ثْࢲرّم شَا، شْوِيت ن ڒْوقْث عَاذ اَذَايِي ثࢲرم. عَاوذ يقَّار، ڒَاحقَّاش نش اَذ رَاحغ غَار بَابَا."

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 17:4

نش سمْغَارغ-ش ذَا ذِي ثْمُوْرْث، كمّْڒغ ڒْخذْمث إِي ذَايِي ثُوْشِيذ.

يوحنا 6:62

ئِي مڒَا ثࢲْرِيم مِّيس ن بْنَاذم يتْوَارْفع غَار مَانِي يقِّيم ذ اَمزْوَارُو؟

يوحنا 7:33

ينَّا عِيْسَى: "نش اَكِذْوم قِّيمغ ذْرُوْسْت ن ڒْوقْث، سّنِّي اَذ عقْبغ غَار ونِّي ذَايِي د يسّكّن.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.