يوحنا 16:33 - ثريفيث 2020

³³ قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 16:33 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 9:2

ذِنِّي شَان يِوْذَان ؤُوِين-د غَارس يجّن ن ورْيَاز مُّوْثن-اَس يضَارن، ئِزّڒ ذِي ثَاسُّوْث نّس. وَامِي عِيْسَى يࢲْرَا لْإِيمَان إِي ذَايْسن ينَّا-ٱس إِ ونشْرُوْف نِّي: "وَار تݣّْوذ شَا آ مِّي، قَا تْوَاغْفَرنْت-اَش ڒْمُعْصِيَاث نّش."

لوقا 19:38

قَّارن: "سَّعْذ ن وزدْجِيذ إِي د يُوْسِين عْلَاحْسَاب يسم ن سِيذِي أَربِّـي. ڒهْنَا ذݣ وجنَّا، لْحَمْدُو إِ أَربِّـي يُوْعْڒَان!"

لوقا 2:14

"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

يوحنا 12:31

ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.

يوحنا 14:1

"ئِتْخصَّا كنِّيو وَار تْخيِّيقن شَا وُوْڒَاون نْوم. أَمْنث زِي أَربِّـي، أَمْنث عَاوذ زَّايي.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

يوحنا 16:11

أُو غَلْطن خ لْحِسَاب مِينْزِي لْمُفْسِيد نِّي اَمقّْرَان ن دُّنشْت-أَ يتْوَاحْكم.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

ڒخذايم 23:11

دْجِيرث نِّي يبدّ-د سِيذِيثْنغ غَار بُوْلُس ينَّا-ٱس: "اݣّ زْعَامث! مَامّش إِي زَّايِي ثْشهْذذ ذِي ثنْدِينْت ن لْقُدْس، أُو لَابُد عَاوذ اَزَّايِي ثْشهْذذ ذِي ثنْدِينْت ن رُوْمَا."

ڒخذايم 27:22

ڒخُّو تتَّارغ زَّايْوم اَذ تِيڒِيم ذ يرْيَازن اَقَا وَار يتْمتِّي حَدّ زَّايْوم، غِير اَغَرَّابُو-يَا اَذ يرز وَاهَا.

ڒخذايم 27:25

ينَّا-ٱسن بُوْلُس: "إِيوَا إِڒِيث ذ يرْيَازن! قَا نش تَامْنغ زِي أَربِّـي مِين ذَايِي ينَّا اَذ يِيڒِي قَا ٱذ يِيڒِي.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

22 أيث-كورينث 1:3

أَذ يتْوَابَرك أَربِّـي بَابَاس ن سِيذِيثْنغ عِيْسَى لْمَسِيح. نتَّا عَاوذ ذ بَابَاس ن اَرَّحْمث ذ نتَّا ذ أَربِّـي إِݣ يتْعَاوَان مَارَّا يوْذَان.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

22 أيث-كورينث 2:14

وَلَكِن أَ نحْمذ أَربِّـي. نتَّا ڒبْدَا يسُوْݣُّوْر-اَنغ ذݣ وبْرِيذ ن اَرْبَاح س لْمَسِيح أُو زَّايْنغ نشِّين يتنْتَاشَار ڒفْوَاح ن ثُوْسْنَا خ لْمَسِيح.

22 أيث-كورينث 4:7

فَا ڒْكنْز-أَ وَانِيتَا اَقَاث غَارْنغ ذݣ يغرَّافن ن وشَاڒ يعْنِي ذِي دَّات نّغ، بَاش اَذ د يمظْهَار بلِّي جّْهذ-أَ اَمقّْرَان اَطَّاس يتَاس-د زِي أَربِّـي مَاشِي زَّايْنغ.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

22 أيث-كورينث 7:4

نش تݣّغ اَكِذْوم زْعَامث اَطَّاس، لْإِفْتِخَر إِي غَارِي ذَايْوم يمْغَر. تْوَاشجّْعغ اَطَّاس، ڒفْرَاحث ينُو تمْفيَّاض-د خ مَارَّا ڒمْحَاين نّغ.

أيث-ݣلاطيا 1:4

لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-فيليـپـي 4:7

ثُمَّا ڒهْنَا ن أَربِّـي إِݣ يتجْهِيذن خ مَارَّا ڒفْهَامث ذِي دُّنشْت-أَ ذ ونِّي إِي غَا يحْضَان ؤُڒَاون نْوم ذ ڒَعْقُوْڒَاث نْوم ذِي عِيْسَى لْمَسِيح.

أيث-كولوس 1:20

ثُمَّا يسمْصْڒَاح أَربِّـي قَاع ثِمسْڒَايِين إِ يِيخف نّس إِݣ يدْجَان ذِي ثْمُوْرْث نِغ ذݣ وجنَّا يعْنِي يݣَّا ڒهْنَا س يذَامّن ن مِّيس إِي يُوْزّْڒن خ صَّلِيب.

1 أيث-سلونيك 3:4

وَاه، وَامِي تُوْغَانغ اَكِذْوم قْبڒ نقَّار-اَوم قَا ڒمْحَاين اَخَانغ كّنْت. ذ مَانَايَا إِݣ يوقْعن قَا ثسّْنم كنِّيو.

1 أيث-سلونيك 3:7

خ مَانَايَا آي أَيثْمَا، نشِّين نتْوَاشجّع س لْإِيمَان نْوم وَاخَّا اَقَانغ ذَانِيتَا ذِي ڒمْحَاين ذ يِج وزيَّار.

2 أيث-سلونيك 3:16

سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا.

2 تيموتاوس 3:12

ذ صَّح، مَارَّا ونِّي إِي يرزُّوْن اَذ يعِيش س لْإِيمَان يدْجَان ذِي عِيْسَى لْمَسِيح قَا اَذ يتْوَاعدّب.

يعيبرانيين 11:25

ئِخْضَر اَخَاس بُوْصَارن يمِصْرِيْين اَك شَّعْب ن أَربِّـي، وَار يقْبِيڒ شَا اَذ يفَرح ذݣ وفلّس نِّي وَار يتْدُوْمِين شَا.

يعيبرانيين 7:2

يُوْشَا-ٱس بْرَاهِيم إِ مَلِكِيصَادِق ڒَعْشُوْر، عشْرَا ذِي مِيَّا زِي مَارَّا. ذ اَمزْوَارُو ڒْمَعْنَا ن يِيسم-أَ ن مَلِكِيصَادِق يخس اَذ يِينِي <أَزدْجِيذ ن صُّلْح.> أُو عَاوذ نتَّا ذ لْمَلِك ن ثنْدِينْت ن سَالِيم يعْنِي ذ اَزدْجِيذ ن ڒهْنَا.

1 بطرس 5:9

عَرّْضم-اَس إِ إِبْڒِيس، بدّم نِيْشَان خ دْسَاس ن لْإِيمَان نْوم مِينْزِي ثسّْنم بلِّي أَيثْمَاثْوم ذِي مَارَّا دُّنشْت-أَ اَقَا تْوَاعدَّابن اَم كنِّيو.

1 يوحنا 2:13

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْغڒْبم خ لْمُفْسِد نِّي. آ يحنْجِيرن، نش ؤُرِيغ-اَوم-د ڒَاحقَّاش كنِّيو ثسّْنم بَابَاثْنغ.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

1 يوحنا 5:4

أَقَا مَارَّا ونِّي إِي د يخڒْقن زِي أَربِّـي اَذ يغْڒب خ دُّنشْت-أَ. ذ وَا ذ اَغْڒَاب إِي زِي نغْڒب خ دُّنشْت-أَ يعْنِي لْإِيمَان نّغ.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.

لواحي ن يوحنا 7:14

جَاوْبغ-ث نِّيغ-اَس: "ذ شك إِي يسّْنن آ سِيذِي." ينَّا-ٱيِي: "يِيْنَا ذ يِنِّي ينجْمن زِي ڒْمِحْنث ثَمقّْرَانْت، صبّْنن يتْشَامِّيرن نْسن س يذَامّن ن يِزْمَار اَرِّين-ثن ذ يشمْڒَاڒن.