يوحنا 16:30 - ثريفيث 2020

³⁰ ڒخُّو نشِّين نتْوَاڒَا بلِّي ثسّْنذ كُڒْشِي وَار ثحْذِيجذ وِي ش غَا يسّقْسَان. س مَانَايَا نُوْمن بلِّي ثُوْسِيذ-د زِي أَربِّـي."

يوحنا 16:30 ပူးပေါင်းရင်းမြစ်များ

يوحنا 16:17

نَّان ڒبْعَاض ن يمحْضَارن نّس جَارَاسن: "مِين يخس اَذ يِينِي س وَاوَاڒ-أَ؟ ئِقَّار-اَنغ شْوِيت ن ڒْوقْث وَار ذَايي ثْࢲرّم شَا، شْوِيت ن ڒْوقْث عَاذ اَذَايِي ثࢲرم. عَاوذ يقَّار، ڒَاحقَّاش نش اَذ رَاحغ غَار بَابَا."

يوحنا 16:23

نْهَار نِّي إِي د غَا يَاسن كنِّيو وَار ذَايِي تْسقْسِيم خ وَالُو. أَقَا تسْڒَام ڒْحَقّ: بَابَا اَذَاوم يُوْش مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 16:26

نْهَار نِّي كنِّيو اَذ تتَّارم إِ بَابَا عْلَاحْسَاب يسم ينُو. قَّارغ-اَوم بلِّي مَاشِي ذ نش إِي غَا يتَّارن ذݣ ومْشَان نْوم.

يوحنا 16:31

ئِنْدق-د عِيْسَى ينَّا-ٱسن: "ڒخُّو إِي ثُوْمْنم نِغ؟

يوحنا 17:8

مِينْزِي نش سِّيوْضغ-اَسَن اَوَاڒ إِي ذَايِي ثُوْشِيذ، نِثْنِي قبْڒن-ث. سّْنن ذ صَّح بلِّي نش زِي غَارك إِي د ؤُسِيغ، ؤُمْنن عَاوذ بلِّي ذ شك إِي ذَايِي د يسّكّن.

يوحنا 2:11

ثَانِيتَا ذ لْمُعْجِيزَا ثَمزْوَارُوْت إِݣ يݣّا عِيْسَى. ئِݣِّي-ت ذݣ وبِيلَاج نْ قَانَا ذِي ثْمُوْرْث ن لْجَالِيل. ئِسْمظْهَار-د لْعَظَمَا نّس، ؤُمْنن زَّايس يمحْضَارن نّس.

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

يوحنا 5:20

بَابَاس يتخْس مِّيس، يسْبيَّان-اَس مَارَّا مِين يتݣّ. أَذَاس يسْبيّن ڒخْذَايم ثِمقّْرَانِين خ ثْمسْڒَايِين-أَ حمَا اَذ تْعجّْبم!

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.