يوحنا 16:20 - ثريفيث 2020

²⁰ أَقَا تسْڒَام ڒْحَقّ: كنِّيو اَذ تْرُوْم اَذ تْحزْنم، وَلَكِن دُّنشْت-أَ اَذ تْفَرح. كنِّيو اَذَايْوم يِيڒِي ڒحْڒِيق، وَلَكِن ڒحْڒِيق نْوم اَذ يذْوڒ ذ ڒفْرَاحث.

يوحنا 16:20 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:38

وَامِي ؤُفِين يخمَّاسن نِّي مِّيس يُوْسَا-د، نَّان إِ وَايَاوْيَا: أَث نْنغ بَاش اَذَاس نَاوِي اَمَرْجع ن وضِيڒ!

أَسڒْمذ ن سِيذِيثْنغ عِيْسَى لْكِتَاب ن مَتَّى 5:4

سَّعْذ نْسن إِ يِنِّي يتْرُوْن، أَقَا اَذ تْوَاشجّْعن.

مرقس 14:72

ڒخْدّنِّي يدّن ويَازِيض ثْوَاڒَا وِيس ثْنَاين، ئِفكَّر-د بُطْرُس اَوَاڒ نِّي ن عِيْسَى وَامِي ذَاس ينَّا: قْبڒ مَا ٱذ يدّن ويَازِيض مَرّْثَاين اَذَايِي ثنْكَرذ تْڒَاثَا ن ثْوَاڒَاثِين. وَامِي يفكَّر ذِي مَانَاينِّي يرُو يمطَّاون ذ يمدْجَاحن اَطَّاس.

مرقس 16:10

ثْرُوْح نتَّاث اَذ تْسِيْوض ڒخْبَار-أَ إِ يِنِّي تُوْغَا يدْجَان اَك عِيْسَى، ثُوْفِي-ثن حزْنن تْرُوْن.

لوقا 22:45

وَامِي يكمّڒ ثْࢲَادْجِيث نّس، ئِذْوڒ غَار يمحْضَارن نّس يُوْفِي-ثن طّْصن س لْحُزن.

لوقا 22:62

ئِفّغ غَار بَارَّا يرُو يمطَّاون ذ يمدْجَاحن اَطَّاس.

لوقا 23:27

ذْفَارن-ث اَطَّاس ن ڒْغَاشِي، ثِمْغَارِين حزْننْت تْرُوْنْت خَاس.

لوقا 24:17

ينَّا-ٱسن عِيْسَى: "مِين يعْنَا مَانَايَا إِي خف ثسَّاوَاڒم اَمُّو وَامِي ثُوْݣُّوْرم ذݣ وبْرِيذ؟" بدّن، ئِبَان لْحُزن خ وُوْذم نْسن.

لوقا 24:21

نشِّين تُوْغَا نتْمنَّا بلِّي ذ نتَّا إِي غَا يسْنجْمن أَيْث-إِسْرَائِيل! نْهَارَا ذ وِيس ثڒْتِيَّام زݣ وَامِي يوْقع مَانَايَا.

لوقا 6:21

سَّعْذ نْوم آ يِنِّي يدْجُوْزن، أَقَا اَذ تجَّاوْنم. سَّعْذ نْوم آ يِنِّي يتْرُوْن، أَقَا اَذ تْضحْشم.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 16:6

وَامِي ذَاوم نِّيغ مَانَايَا، ؤُڒَاون نْوم ذَايْسن ڒحْڒِيق اَطَّاس.

يوحنا 20:20

ينَّا-ٱسن مَانَايَا، يسْبيّن-اَسن-د يفَاسّن نّس ذ وغزْذِيس نّس. فَرْحن يمحْضَارن وَامِي ࢲْرِين سِيذِيثْسن.

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.

أيث-روما 5:11

وَار يدْجِي غِير مَانَايَا وَاهَا، نشِّين نْفَرّح زِي أَربِّـي س سِيذِيثْنغ عِيْسَى لْمَسِيح ونِّي إِي ذَانغ يسمْصْڒَاحن اَكِذس.

22 أيث-كورينث 6:10

نشِّين نتْوَازيَّار وَلَكِن ڒبْدَا نفَرّح؛ نشِّين ذ يپُـوْبْرِيثن نْسرْبَاح اَطَّاس ن يِوْذَان؛ وَار غَارْنغ وَالُو وَلَكِن غَارْنغ كُڒْشِي.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

1 أيث-سلونيك 1:6

كنِّيو ثبْذَام تݣّم مَامش نْتݣّ نشِّين ذ مَامش يتݣّ سِيذِيثْنغ لِأَنَّا كنِّيو ذِي ڒْوسْط ن وَاطَّاس ن تَمَارَا ثْقبْڒم اَوَاڒ نّغ س ڒفْرَاحث إِي د يُوْسِين زِي أَرُّوْح يقدّْسن.

ثبرات غار يعقوب 1:2

آي أَيثْمَا، فَرْحم اَطَّاس خْمِي غَا ثِيڒِيم ذِي لْأَنْوَاع ن ڒمْحَاين.

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،

لواحي ن يوحنا 11:10

يمزْذَاغ ن ثْمُوْرْث اَذ فَرْحن اَذ زْهُوْن س ڒْموْث نْسن. أَذ ؤُشن يكَادُوْثن إِ وَايَاوْيَا ڒَاحقَّاش لْأَنْبِيَا نِّي س ثْنَاين، يعْنِي ڒشْهُوْذ نِّي، عدّْبن اَطَّاس يمزْذَاغ ن ثْمُوْرْث.

لواحي ن يوحنا 18:7

مشْحَاڒ مَا ثْسمْغَار يخف نّس، مشْحَاڒ مَا ثْعِيش ذِي شّهْوث نّس، أَنشْتـنِّي إِي ت غَا ثْعدّْبم، أَنشْتـنِّي إِي ت غَا ثسْخيّْقم. لِأَنَّا نتَّاث ثقَّار ذݣ وُوڒ نّس: أَقَا قِّيمغ ذَا اَم لْمَلِكَا، نش وَار دْجِيغ شَا ذ ثَاجَّاڒْث، عمَّارْص أذ حزْنغ.