يوحنا 16:16 - ثريفيث 2020

¹⁶ ينَّا-ٱسن عِيْسَى: "شْوِيت ن ڒْوقْث وَار ذَايِي ثْࢲرّم شَا، شْوِيت ن ڒْوقْث عَاذ اَذَايِي ثࢲرم."

يوحنا 16:16 ပူးပေါင်းရင်းမြစ်များ

مرقس 16:19

ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

يوحنا 12:35

ينَّا-ٱسن عِيْسَى: "ذْرُوْسْت ن ڒْوقْث إِي كِذْوم يتِيڒِي نُّوْر. ؤُيُوْرم مَدَامَا عَاذ غَارْوم نُّوْر-أَ حمَا وَار خَاوم د ثْحَرّث ثَادْجسْت. ونِّي يݣُّوْرن ذِي ثَادْجسْت وَار يسِّين مَانِي يݣُّوْر.

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 13:33

آ ثَارْوَا ينُو، ثقِّيم ذْرُوْسْت ن ڒْوقْث بَاش اَذ يڒِيغ اَكِذْوم. أَخَافِي ثْرزُّوْم. مِين نِّيغ نش إِ يسْرَائِيلِيْين اَذَاوم ت ينِيغ ڒخُّو إِ كنِّيو: مَانِي غَا رَاحغ نش، وَار ثْزمَّرم شَا اَذ د تَاسم ذِنِّي.

يوحنا 16:10

غَلْطن خ مِين يصڒْحَان مِينْزِي ݣُّوْرغ غَار بَابَا، وَار ذَايِي ثْࢲرّم شَا زِي سَّا ٱڒ ثْسَاونْت.

يوحنا 16:22

ؤُڒَا ذ كنِّيو ذَايْوم ڒحْڒِيق ڒخُّو، وَلَكِن اَكنِّيو ࢲرغ عَاوذ. ڒخْدّنِّي اَذ تْفَرْحم س وُوْڒَاون نْوم، وَار ذَاوم يتكّس ڒفْرَاحث نْوم حَدّ.

يوحنا 16:28

فّْغغ-د زِي بَابَا وْضغ-د غَار دُّنشْت-أَ. أَذ ؤُيُوْرغ زِي دُّنشْت-أَ اَذ عقْبغ عَاوذ غَار بَابَا."

يوحنا 16:5

ڒخُّو نش اَذ رَاحغ غَار ونِّي إِي ذَايِي د يسّكّن، وَلَكِن كنِّيو ؤُڒَا ذ يجّن زَّايْوم وَار ذَايِي يسّقْسِي مَانِي غَا رَاحغ.

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 7:33

ينَّا عِيْسَى: "نش اَكِذْوم قِّيمغ ذْرُوْسْت ن ڒْوقْث، سّنِّي اَذ عقْبغ غَار ونِّي ذَايِي د يسّكّن.

ڒخذايم 1:3

وَامِي يعْذُو ڒَعْذَاب ن ڒْموْث نّس، يتْمظْهَار-اَسن-د خ يِجّن ن اَرْبعِين يُوْم يسفْهَام-يثن مبْڒَا شّكّ نتَّا اَقَا يدَّر. ئِتَاس-د غَارْسن يسَّاوَاڒ اَكِذْسن خ ڒْمُلْك ن أَربِّـي.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.