يوحنا 16:13 - ثريفيث 2020

¹³ خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

يوحنا 16:13 ပူးပေါင်းရင်းမြစ်များ

يوحنا 12:49

أَقَا وَار سِّيوْڒغ شَا زِي غَاري؛ لَّا، نش سَّاوَاڒغ نش قَّارغ زِي ڒُوْصِيّث إِي ذَايِي يُوْشَا بَابَا يعْنِي ونِّي إِي ذَايِي د يسّكّن.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.

يوحنا 16:12

غَارِي اَطَّاس ن ثْمسْڒَايِين اَذَاوم ثنْت ينِيغ، وَلَكِن ڒخُّو قسْحنْت خَاوم.

يوحنا 3:32

ئِشهّذ زِي مِين يࢲْرَا ذ مِين يسْڒَا، وَلَكِن شْهَاذث نّس وَار ت يقبّڒ ؤُڒَا ذ يجّن.

يوحنا 8:38

نش سَّاوَاڒغ س مِين ࢲْرِيغ غَار بَابَا. ڒَا ذ كنِّيو تݣّم س مِين ثسْڒِيم زِي بَابَاثْوم."

ڒخذايم 11:28

ئِكَّر يجّن زَّايْسن قَّارن-اَس غَابُوْس، ئِخْبَر إِ ڒْمُوْمِنِين ذِنِّي س مِين ذَاس ينَّا أَرُّوْح ن أَربِّـي. ينَّا-ٱسن قَا ٱذ يوْقع يجّن ن بُوْهيُّوْف ذ اَمقّْرَان خ ثْمُوْرْث مَارَّا (أُو ذ صَّح يوْقع مَانَاينِّي ذِي ڒْوقْث ن لْمَلِك قَيْصَار كْلُوْدْيُوْس).

ڒخذايم 20:23

إِنَّمَا، ذِي مْكُڒ ثنْدِينْت يعدْجم-اَيي-د أَرُّوْح يقدّْسن قَا يتْرَاجَا-ٱيِي ڒحْبس ذ تَمَارَا.

ڒخذايم 27:24

ثنَّا-ٱيِي لْمَلَائِكَا نِّي: آ بُوْلُس وَار تݣّْوْذ شَا! وَا لَابُد اَذ تْبدّذ غَار لْمَلِك قَيْصَر. خْزَر عَاوذ، يِنِّي إِي كِذش يتْسَفَارن مَارَّا يسنْجم-يثن أَربِّـي اَكِذش."

2 أيث-سلونيك 2:12

حمَا اَذ تْوَاحَاسْبن مَارَّا يِنِّي وَار يُوْمِينن شَا س لْحَقِيقَا اَرْضَان س شَّرّْ.

2 أيث-سلونيك 2:3

لَّا، وَار تجَّام حَدّ اَكنِّيو يشْمث س وَالُو. أَتَاف وَار يزمَّر يُوْم نِّي اَذ د يَاس قْبڒ مَا ٱذ سمْحن اَطَّاس اَطَّاس ن يِوْذَان ذ اَمزْوَارُو ذِي أَربِّـي اَذ د يمظْهَار لْمسْخُوْط مِّيس ن ڒفْنَا.

يعيبرانيين 1:1

ذِي زْمَان يسَّاوَاڒ أَربِّـي اَك ڒجْذُوْذ نّغ س وقمُّوْم ن لْأَنْبِيَا س وَاطَّاس ن ثْوَاڒَاثِين س وَاطَّاس ن يبْرِيذن.

1 يوحنا 2:20

كنِّيو لَّا، تْوَاذهْنم س وفُوْس ن لْعَظِيم، مَارَّا كنِّيو ثسّْنم مِين يدْجَان.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

1 يوحنا 4:6

نشِّين زِي أَربِّـي إِي ندْجَا. ونِّي يسّْنن أَربِّـي يتْصنَّاط-اَنغ. ونِّي وَار يدْجِين شَا زِي أَربِّـي وَار ذَانغ يتْصنِّيط شَا. س مَانَايَا إِي غَا نسّن أَرُّوْح ن لْحَقِيقَا ذ اَرُّوْح ن يخَرِّيقن.

1 يوحنا 5:6

عِيْسَى لْمَسِيح ذ وَانِيتَا إِي د يُوْسِين س وَامَان ذ يذَامّن. نتَّا مَاشِي يُوْسَا-د س وَامَان وَاهَا، يُوْسَا-د س وَامَان ذ يذَامّن. ونِّي يشهّْذن نتَّا ذ أَرُّوْح يقدّْسن مِينْزِي أَرُّوْح-أَ نتَّا ذ لْحَقِيقَا.

لواحي ن يوحنا 1:1

وَانِيتَا ذ لْوَحِي ن عِيْسَى لْمَسِيح. يُوْشَا-اَس-ث أَربِّـي حمَا اَث يسْمظْهَار إِ يِنِّي ث يعَبّْذن. مَانَايَا يتْخصَّا أُو لَابُد اَذ يوْقع ذغْيَا. لْمَسِيح يسّكّ لْمَلَاك نّس اَذ يخبَّر مَانَايَا إِ ڒْعَبْذ نّس قَّارن-اَس يُوْحَنَّا.

لواحي ن يوحنا 1:19

أَرِي مِين ثࢲْرِيذ، ذ مِين يتوْقِيعن ڒخُّو، ذ مِين غَا يوقْعن سَّا اَڒ ثْسَاونْت.