يوحنا 15:7 - ثريفيث 2020

⁷ مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

يوحنا 15:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 7:7

تَّارم، أَتَاف اَذَاوم يمُّوْش. رزُّوْم، أَتَاف اَذ تَافم. سْقرْقُوْبم، أَتَاف اَذَاوم رزْمن.

يوحنا 14:13

مَارَّا مِين غَا ثتَّارم عْلَاحْسَاب يسم ينُو اَث خذْمغ حمَا اَذ يتْوَاسمْغَار بَابَا س مِّيس.

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 16:23

نْهَار نِّي إِي د غَا يَاسن كنِّيو وَار ذَايِي تْسقْسِيم خ وَالُو. أَقَا تسْڒَام ڒْحَقّ: بَابَا اَذَاوم يُوْش مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 8:31

ينَّا-ٱسن عِيْسَى إِ يسْرَائِيلِيْن يِنِّي زَّايس يُوْمْنن: "مڒَا ثقِّيمم ذݣ وَاوَاڒ ينُو، أَذ تِيڒِيم ذ صَّح ذ يمحْضَارن ينُو.

يوحنا 8:37

نش سّْنغ قَا كنِّيو ذ دُّوْرِّيث ن بْرَاهِيم. إِنَّمَا، كنِّيو ثْرزُّوْم اَذَايِي ثنْغم مِينْزِي اَوَاڒ ينُو وَار ث ثقْبِيڒم شَا.

أيث-ݣلاطيا 4:2

يعْنِي يتݣّ اَرَّاي إِ ونِّي إِي ث يتْربَّان أُو ذ ونِّي إِي زَّايس يتْكلَّافن اَڒ غَا د ثَاوض ڒْوقْث نِّي إِي ذَاس يحدّ بَابَاس.

أيث-ݣلاطيا 5:16

فَا نِّيغ-اَوم، تْعِيشث عْلَاحْسَاب ڒْخَاضَر ن أَرُّوْح يقدّْسن ثُمَّا وَار تْسعِّيفم شَا شّهَاوَاث ن طَّبِيعَا ثَعفَّانْت نْوم.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

1 يوحنا 2:14

آ يبَابَاثن، نش ؤُرِيغ-اَوم-د ڒَاحقَّاش كنِّيو ثسّْنم ونِّي إِي يدْجَان زݣ ومزْوَارُو. آ يعْزْرِيْين، نش ؤُرِيغ-اَوم-د ڒَاحقَّاش كنِّيو ثْجهْذم، أَوَاڒ ن أَربِّـي يزدّغ ذَايْوم، كنِّيو ثْغڒْبم خ لْمُفْسِيد نِّي.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

1 يوحنا 3:22

أَتَاف اَزَّايس نقْبڒ مَارَّا مِين ذَاس غَا نتَّار نشِّين ڒَاحقَّاش نتْطَاعَا ڒُوْصِيَاث نّس نْتݣّ مِينْخف يرطَّا نتَّا.

1 يوحنا 5:14

ذ ثَا ذ تِّقث إِي غَارْنغ ذَايس يعْنِي مڒَا نتَّار-اَس شَان ثْمسْڒَايْث عْلَاحْسَاب ڒْخَاضَر نّس اَتَاف نتَّا اَغَارْنغ يصنّط.