يوحنا 15:5 - ثريفيث 2020

⁵ نش ذ ثْزَايَارْث وضِيڒ، كنِّيو ذ يكشُّوْضن. ونِّي يتْغِيمَان ذَايي أُو نش تْغِيمِيغ ذَايس، أَتَاف نتَّا اَذ يَارو يزكُّوْنن ن وضِيڒ اَطَّاس ڒَاحقَّاش كنِّيو بْڒَا زَّايي وَار ثْزمَّرم اَذ تݣّم وَالُو.

يوحنا 15:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:21

وَامِي وَار يُوْوْثِي بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا يتفّغ اَبْرِيذ.

يوحنا 12:24

أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 5:19

ينَّا-ٱسن عِيْسَى: "أَقَا تسْڒَام ڒْحَقّ: مِّيس وَار يزمَّر اَذ يݣّ شَان ثْمسْڒَايْث س يِيخف نّس، غِير مِين يࢲرّ زِي بَابَاس اَقَا يتݣّ-يث. مِين مَا يتݣّ بَابَاس اَقَا يتݣّ-يث ؤُڒَا ذ مِّيس.

يوحنا 9:33

أَرْيَاز-أَ، مَعْلِيك وَار يدْجِي شَا زِي أَربِّـي اَتَاف وَار يزمَّر اَذ يݣّ وَالُو!"

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

أيث-روما 12:5

أَمنِّي إِي ندْجَا ؤُڒَا ذ نشِّين. وَاخَّا نشِّين اَطَّاس إِي إِذْنغ أَقَانغ مَارَّا إِذْنغ ذ يجّن ن دَّات ذِي لْمَسِيح، كُڒ طَّارْف يتحْذَاجَا ونّغْنِي.

أيث-روما 6:22

ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.

أيث-روما 7:4

آي اَيْثْمَا، أَمنِّي إِي ثدْجَام ؤُڒَا ذ كنِّيو. يعْنِي تْوَافكّم زِي شَّرِيعَا ن مُوْسَى وَامِي ثمُّوْث دَّات ن لْمَسِيح، أَقَاوم خ يِيرِي ن يِجّن نّغْنِي نتَّا ذ يِيرِي ن لْمَسِيح إِي د يكَّرن زِي ڒْموْث، حمَا أَ نَارو ڒخْذَايم ثِصبْحَانِين إِ أَربِّـي.

1 أيث-كورينث 10:16

ڒْكَاس نِّي ن لْبَرَكَا إِي زِي نتْبَرَاك نشِّين، زَّايس إِي نْشَرّش ذݣ يذَامّن ن لْمَسِيح. أَغْرُوْم نِّي إِي نتْرزَّا، زَّايس إِي نْشَرّش ذِي دَّات ن لْمَسِيح.

1 أيث-كورينث 12:12

شُوْف، دَّات نّغ نتَّاث ذ يشْتن غَارس اَطَّاس ن طْرُوْفَاث، وَاخَّا طْرُوْفَاث-أَ اَطَّاس إِي يدْجَان نِثْنِي ذ يجّن. أَمُّو يدْجَا لْمَسِيح.

1 أيث-كورينث 12:27

فَا كنِّيو ذ دَّات-أَ يعْنِي ذ جْمَاعث ن لْمَسِيح، كُڒ يجّن زَّايْوم ذ يجّن طَّارْف زَّايس.

22 أيث-كورينث 13:8

شُوْف، وَار نْزمَّر أَ نݣّ وَالُو ضد إِ لْحَقِيقَا؛ نْخدّم إِ لْحَقِيقَا.

22 أيث-كورينث 9:10

ونِّي إِݣ يفرّْقن زَّرِّيعث إِ وفدْجَاح نِّي إِݣ يزرّْعن ئِتِيشّ-اَس عَاوذ ؤُڒَا ذ اَغْرُوْم إِي غَا يشّ، أَتَاف نتَّا عَاوذ اَذَاوم يَرْنِي ذِي زَّرِّيعث نِّي إِي ثْزرّْعم اَذ يسمْغَار مِين ثْمجَّارم زِي صَّذَاقَا-يَا نْوم.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 5:9

أَقَا نُّوْر يتَارو-د مِين يدْجَان ذ اَصبْحَان ذ مِين يدْجَان نِيشَان ذ مِين يدْجَان ذ لْحَقِيقَا.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 4:13

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

أيث-فيليـپـي 4:17

وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

ثبرات غار يعقوب 1:17

مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن.

1 بطرس 2:4

خْمِي غَارس د ثْقَارَّابم غَار نتَّا إِي يدْجَان ذ اَزْرُو نِّي يدَّرن عِيفّن-ث يرْيَازن وَلَكِن أَربِّـي يخْضَر-يث يعِيزّ خَاس،

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.