يوحنا 15:25 - ثريفيث 2020

²⁵ مَانَايَا يوْقع حمَا اَذ يكمّڒ وَاوَاڒ إِݣ يُورِين ذِي شَّرِيعَا نْسن وَامِي ينَّا <قَا عِيفّن-اَيي بْڒَا سَّبَاب.>

يوحنا 15:25 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:8

سْݣنْفَام يمهْڒَاش، سْفَاقم-د يِنِّي يمُّوْثن، سِيصْفَام يِنِّي إِݣ يدْجَا جْذَام، سُوْفْغم جْنُوْن. مَانَايَا يمُّوْش-اَوم بَاطڒ، ؤُڒَا ذ كنِّيو ؤُشم-ث بَاطڒ!

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

يوحنا 10:34

ينَّا-ٱسن عِيْسَى: "مَا ثُوْرَا نِغ لَّا ذِي شَّرِيعَا نْوم بلِّي أَربِّـي ينَّا: <نش نِّيغ-اَوم كنِّيو ذ أَربِّـيثن>!؟

يوحنا 13:18

نش وَار سِّيوِيڒغ شَا خَاوم مَارَّا، نش سّْنغ ؤُݣ يخْضَرغ. ڒخُّو لَابُد اَذ يكمّڒ مِين د يُوْسِين ذِي لْكِتَاب: <ونِّي يشِّين زݣ وغْرُوْم ينُو، يُوْوث-اَيِي س ونِيرز نّس.>

يوحنا 19:36

يوْقع مَانَايَا حمَا اَذ يكمّڒ مِين د يُوْسِين ذِي لْكِتَاب: <وَار زَّايس يتْرزِّي ؤُڒَا ذ يجّن ن يِيغس.>

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.

أيث-روما 3:24

أَربِّـي، نتَّا يسمْصْڒَاح-يثن اَكِذس س اَرْضَا نّس بَاطڒ س وسنْجم إِي د يُوْسِين س عِيْسَى لْمَسِيح.

22 أيث-كورينث 11:7

مَا ذ ڒْعِيب مڒَا بشَّرغ-كنِّيو س لْإِنْجِيل ن أَربِّـي بْڒَا مَا ذَايِي ثْخدْجْسم، يعْنِي سمْزَايغ يخف ينُو بَاش اَكنِّيو سْݣَعّْذغ؟

أيث-ݣلاطيا 2:21

نش ؤُݣِيغ اَذ سْبطّْڒغ اَرْضَا ن أَربِّـي. شُوْف، مَعْلِيك بْنَاذم يمصْڒَاح اَك أَربِّـي س شَّرِيعَا ن مُوْسَى، أَتَاف يمُّوْث لْمَسِيح خ ڒْبَاطڒ وَاهَا.

2 أيث-سلونيك 3:8

وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم.

لواحي ن يوحنا 21:6

ينَّا-ٱيِي: "صَافِي، ئِتْوَاكمّڒ. نش ذ لْأَلِف نش ذ لْيَاء. نش كُڒْشِي زَّايِي إِݣ يبْذَا، نش كُڒْشِي زَّايِي إِي غَا يكمّڒ. أَذ ؤُشغ إِ ونِّي يفُوْذن زِي ڒْعُنْصَر ن وَامَان ن ثُوْذَارْث بَاطڒ.

لواحي ن يوحنا 22:17

أَرُّوْح ذ ثْسْڒِيث قَّارن: "أَرَاح-د!" ونِّي يتْسْڒَان اَذ يِينِي: "أَرَاح-د!" ونِّي يفُوْذن اَذ د يَاس، ونِّي يرزُّون اَمَان ن ثُوْذَارْث اَذ يسو بَاطڒ!