يوحنا 15:21 - ثريفيث 2020

²¹ نِثْنِي تݣّن-اَوم مَانَايَا مَارَّا خ سَّبَاب ن يِيسم ينُو مِينْزِي وَار سِّينن شَا ونِّي إِي ذَايِي د يسّكّن.

يوحنا 15:21 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:18

أَكنِّيو جَرّن غَار لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم غَار نِثْنِي ذ يِنِّي زِي ڒݣْنُوْس.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:39

ونِّي غَا يربْحن ثُوْذَارْث نّس، أَتَاف أَت يخْسَر. ونِّي غَا يخْسَرن ثُوْذَارْث نّس خ سَّبَاب ينُو، أَتَاف أَت يرْبح.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:9

سّنِّي اَكنِّيو سلّْمن يِوْذَان حمَا اَكنِّيو عدّْبن، أَكنِّيو نْغن. مَارَّا دُّوَل اَكنِّيو عِيفّن عْلَاحْسَاب يسم ينُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:11

سَّعْذ نْوم مڒَا تْزَوَارن-كنِّيو، عدّْبن-كنِّيو، نِغ نَّان ذَايْوم ڒْعِيب س يخَارِّيقن خ سَّبَاب ينُو.

مرقس 13:13

أَكنِّيو عِيفّن مَارَّا يوْذَان عْلَاحْسَاب يسم ينُو، وَلَكِن ونِّي غَا يصْبَرن غَار ونݣَّارُو اَتَاف اَذ ينْجم.

لوقا 21:12

قْبڒ إِ مَارَّا مَانَايَا اَكنِّيو طّْفن، أَكنِّيو عدّْبن، أَكنِّيو سلّْمن إِ ثمْزِيذَاوِين نْسن. أَكنِّيو حبْسن، أَكنِّيو جَرّن غَار يزدْجِيذن ذ لْحُكَّام عْلَاحْسَاب يسم ينُو.

لوقا 21:17

أَكنِّيو عِيفّن مَارَّا يوْذَان عْلَاحْسَاب يسم ينُو.

لوقا 6:22

سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

يوحنا 15:24

مَعْلِيك وَار خْذِيمغ اَكِذْسن لْمُعْجِيزَاث وَار ثنْت يخْذِيم ؤُڒَا ذ يجّن إِلَّا نش، أَتَاف وَار غَارْسن بُو ڒْمُعْصِيّث. وَلَكِن ڒخُّو نِثْنِي ࢲْرِين لْمُعْجِيزَاث ينُو عِيفّن-اَيِي نش ؤُڒَا ذ بَابَا.

يوحنا 16:3

نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 17:25

آ بَابَا يدْجَان نِيشَان، دُّنشْت وَار ش ثسِّين شَا وَلَكِن نش قَا سّْنغ-ش. يِيْنَا اَكِذِي سّْنن قَا ثسّكّذ-اَيِي-د شك.

يوحنا 8:19

نَّان-اَس: "مَانِي يدْجَا بَابَاش؟" ينَّا-ٱسن عِيْسَى: "كنِّيو وَار ذَايِي ثسِّينم شَا، وَار ثسِّينم ؤُڒَا ذ بَابَا. مَعْلِيك ذَايِي ثسّْنم اَذ تيڒِي ثسّْنم ؤُڒَا ذ بَابَا."

يوحنا 8:54

ينَّا-ٱسن عِيْسَى: "نش مڒَا سمْغَارغ يخف ينُو، أَتَاف لْعَظَمَا ينُو وَار ثدْجِي ذ وَالُو. ذ بَابَا إِي ذَايِي يسمْغَارن، ذ ونِّي إِي ثقَّارم قَا ذ أَربِّـي نّغ.

يوحنا 8:55

كنِّيو وَار ث ثسِّينم شَا، نش سّْنغ-ث. مڒَا نِّيغ ؤُڒَا ذ نش وَار ث سِّينغ شَا، أَذ يڒِيغ اَم كنِّيو ذ بُو-يخرِّيقن. وَلَكِن نش سّْنغ-ث، تݣّغ اَرَّاي إِ وَاوَاڒ نّس.

ڒخذايم 17:23

أَخْمِي تْسَارِيغ نش، خزَّرغ مْلِيح ذِي زَّاوْيَاث نْوم مَانِي ثْعبّْذم. ࢲْرِيغ ذِنِّي يجّن ن ڒْمذْبَح ؤُرِينْت ذَايس ثِيْرَا، ثِيْرَا نِّي قَّارنْت: أَربِّـي نِّي إي وَار يتْوَاسّْنن شَا. شُوْف، أَربِّـي نِّي إِي ثْعبّْذم كنِّيو وَار ث ثسِّينم شَا، أَذَاوم ينِيغ نش مِين يعْنَا.

ڒخذايم 26:9

نش قنْعغ س يِيخف ينُو تُوْغَا ضَارُوْرِي اَذ ݣّغ مَارَّا مِين زمَّرغ بَاش اَذ عَارّْضغ إِ يِيْسم ن عِيْسَى زِي نَاصِرَا.

ڒخذايم 3:17

ڒخُّو سّْنغ آي أَيثْمَا بلِّي ثݣِّيم مَانَاينِّي إِ عِيْسَى س ڒقْفَاڒث نْوم كنِّيو ذ اَرُّوْيَاس نْوم.

ڒخذايم 4:17

وَلَكِن لَابُد اَذَاسن نعْڒم بَاش سَّا اَڒ تْسَاونْت وَار سِّيوِيڒن غَار حَدّ عْلَاحْسَاب يسم ن عِيْسَى بَاش وَار يتنْتَاشَار شَا ؤُسڒْمذ-أَ ذِي شَّعب."

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.

ڒخذايم 9:14

ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."

ڒخذايم 9:16

نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

1 أيث-كورينث 15:34

أَرّم-د ڒْبَاڒ نْوم، وَار عصَّاث شَا. قَّارغ-اَوم مَانَايَا بَاش اَذ تْسذْحَام مِينْزِي ڒبْعَاض زَّايْوم ذَايْسن ڒقْفَاڒث خ أَربِّـي.

1 أيث-كورينث 2:8

ڒفْهَامث-أَ وَار ت يفْهِيم ؤُڒَا ذ يجّن زِي لْحُكَّام ن ڒْوقْث-أَ. لَّا، لِأَنَّا مَعْلِيك تُوْغَا ت فهْمن، إِڒِي وَار صلِّيبن شَا سِيذِيثْنغ غَار ثدْجَا لْعَظَمَا.

2 أيث-سلونيك 1:8

أَذ ينْتَاقم زݣ يِنِّي وَار يسِّينن شَا أَربِّـي ذ يِنِّي وَار يتْطِيعِين شَا إِ لْإِنْجِيل ن سِيذِيثْنغ عِيْسَى.

1 يوحنا 3:1

خْزَرث مشْحَاڒ ذ ثَمقّْرَانْت ڒمْحِبّث إِي ذَانغ د يُوْشَا بَابَاثْنغ وَامِي نتْوَاسمَّا ذ ثَارْوَا ن أَربِّـي! أُو ذ صَّح اَمُّو إِي ندْجَا. دُّنشْت-أَ، مَايمِّي وَار ذَانغ ثسِّين شَا نشِّين؟ ڒَاحقَّاش ؤُڒَا ذ نتَّا وَار ث ثسِّين شَا.

3 يوحنا 1:7

يِيْنَا تْوَاسّكّن-د عْلَاحْسَاب يسم نِّي يُوْعْڒَان، وَار جمّْعن بُو لْمُعَاوَنَا زݣ يِنِّي وَار يذفَّارن شَا أَربِّـي.

لواحي ن يوحنا 2:3

ثصْبَرذ، ثيْسِيذ تَمَارَا عْلَاحْسَاب يسم ينُو بْڒَا مَا ٱذ تَاحْرذ.